طاجن السمك البوري بصوص الكاري

طاجن السمك البوري بصوص الكاري
المقادير:
1/ 2 كيلو سمك بوري
بصلة صغيرة مفرومة
1/ 4 كوب كاري
ثمرة طماطم صغيرة مفرومة
حزمة كزبرة خضراء مفرومة
قرن فلفل حامي (اختياري)
1/ 4 كوب زيت زيتون
ملعقة كبيرة كمون
عصير 2 ليمونة
ملح وفلفل

الطريقة:
1- نظّفي السمك، واغسليه كويس جدا، وقطّعيه، وتبّليه بالدقيق والملح والفلفل والكمون وشوية كاري.

2- شوّحي السمك على الناحيتين في زيت الزيتون لمدة 5 دقايق، وبعد كده ارفعي السمك، وحطّي مكانه البصل والفلفل والكزبرة والكاري والكمون والطماطم والليمون، وتبّليهم بالملح والفلفل، وممكن تزوّدي الخليط بشوية ميه، وسيبيه على نار هادية.

3- هاتي الطاجن أو الصينية اللي هتعملي فيها، وحطّي نصف كمية الخليط ده، ومن فوق حطّي السمك، وفي الآخر حطّي باقي الصوص، ودخّلي الصينية في الفرن لغاية ما السمك يستوي، وبعد كده قدّميه.. وبالهنا والشفا.