غداء لولو من مطبخها مباشره الى كيداهم

السلام عليكم
بعد فشل موضوعى الاول عن البانيه فشل زريع
ومحدش دخله غيري انا ومنار بس بجد كنت مضايقه بس قولت لا طالما انا نويت ابقى معاكم اكمل للاخر
ودا لينك الموضوع للى يحب يجبر بخاطري
http://www.kaidahm.com/t14480-topic
النهارده جايبالكم اكله انا بموت فيها وهى الفاصوليا بالحمه
انا عارفه ان ناس كتير مش بتحبها ومنهم زوجى الغالى
بس طبعا الكلام دا مش عندى لازم ناكل كل حاجه
نبدا بسم الله
اه بصله وهنقسمها نصين نص مقع قطع صغيره ودا للفاصوليا
ناخده على النار كدا بمعلقه سمنه حلوه كدا

طبعا سامعه اللى بتقول ايه الارف دا مغسلتش الحله
لا طبعا انا كنت لسه حالا عامله صلصه
وقولت استعمل الحله
هنسيب البصل شويه مش عاوزاه يحمر يادوب يدبل بس
واضيف التوم انا بحب التوم جدااااااااااا
فبضيف بزياده شويه

شايفين الجمال
اللهم انى صائمه
فى ناس بتحط الطماطم بعد التوم
لكن ايسو اختى قالتلى لالالالالالالالالالالا
حطى الخضار الاول ياخد ريحه التوم والبصل
وبعدين الطماطم
بجد بتعمل فرق فظيع
ادعوا لاختى بقى
ربنا يرزقها بابن الحلال يارب
هى والبت منار
قصدي الانسه منار لحسن تيجي تضربنى ولا حاجه هههههههههههههههه
المهم احط الفاصوليا واسيبها شويه حلوين
ييجي نص ساعه مثلا

حطيناها وسيبناها نص ساعه
اضيف الطماطم


واهدى عليها خالص
واسيبها براحتها
واروح اشوف اللحمه
بصل وحبهان وميه مغليه وفلفل اسود وشكرا

هبدا اخد الشوربه ازود الفاصوليا
وتغلى غلوه واضيف اللحمه فى الفاصوليا


واسيبهم لما تستوى واغرف بقى

جميله جدا
جربوها وهتعجبكم
عملت معاها ارز بالمكسرات
زوجى العزيز بيموت فيف
مش معقول يبقى كله ضرب ضرب
لازم شتيمه
هههههههههههههه
لابجد كدا وكدا
بنبدا الارز

خلص الارز
لابجد سهل جداااااااااا
اول حاجه هنحمر المكسرات فى الزيت

وبعدين اطلعها واحطه فى طبق
واهدى النار واضيف معلقه سكر

شايفين السكر عمل ازاى
خالى بالكم جدااااااااااااا
لانه بيحمر على طول
وانزل بالبصل

شايفين الجمال
على طول انزل بالجزر

ودى معلقه عصير طماطم مش كتير
وبعدين انزل بالشوربه
مش ميه واسيبها تغلى واضيف الارز واول ما يغلى اهدى النار
ويقد بالف هنا وشفا

لو عاوزاه اصفر اكتر
بنلغى الطماطم ونستبدلها بالكركم والزعفران
يارب يعجبكم
وياريت متبخلوش بالرد

لا بجد انتى لازم تمسكى لنا المطبخ دا تمليه مش ممكن طبيخك العسل دا تسلم ايدك وربنا يحميكى يارب و يرزق اختك و الانسة منار احسن تضربنا بولاد الحلال يارب عاجلا غير اجل هما و جميع بنات المسلمين

تسلم ايدايكى يا شيف المنتدى انتى رائعه

يا لولو يا مسيطانى هههههههههههه
مع ان الفاصوليا مبتحبنيش بس و الله فتحت نفسى موت و نفسى اكلها ههههههههههه
ربنا يكرمك و الله يا لولو بدعيلك ديما ربنا يسعدك
و تسلم ايدك يا حبيبه قلبى الغاليه
مع انى بقالى يومين مش شايفاكى يا رب خير و يكون محمد عرف يظبط نومه

كيداهم كتب:

لا بجد انتى لازم تمسكى لنا المطبخ دا تمليه مش ممكن طبيخك العسل دا تسلم ايدك وربنا يحميكى يارب و يرزق اختك و الانسة منار احسن تضربنا بولاد الحلال يارب عاجلا غير اجل هما و جميع بنات المسلمين

اميييييييييييييييييييين
احنا الاتنين فى يوم واحد لا هى فى يوم الاول و انا اليوم اللى بعدها علطول عشان لولو تيجى عندنا احنا الاتنين و طبعا عشان ميكون فى مانع كدة كدة باذن الله هتنزل مصر فى فرح ايسو و انا تانى يوم ان شاء الله

تسلم ايدك