بانيه محشي من مطبخ لولو مباشره إلى كيداهم

السلام عليكم
كيف الحال يا كوكو انتى وهى
وحشتونى جدااااااااااا
جيبتلكم معايه اكله جديده من مطبخي يارب تعجبكم
قبل اى حاجه تدعولى اعيد فى مصر
وليكم عليا اعملكم احلى اكلات من مطبخ مصر اللى وحشنى اوووووووووى
ندخل فى الموضوع اكله النهارده انا بصراحه بحبها جدااااااااااااااااااا
ومش بحبها خاااااااااالص هقولكم واحنا بنتكلم على المقادير
نبدا بسم الله الرحمن الرحيم

مقادير بسيطه جدا
صدور رومى بانيه
وتكون متقطعه كبيره عشان يبقى سهل التعامل معاها
وارز وبصل
بحبها لانى بموت فى الارز المفلفل ومش بحبها لانى مبحبش الرومى
بس زوجى بيموت فيه فكان لازم ولابد من حل
والحمد لله الاكله دى عجبتنى اناوهو جداااااااااااااا
اول حاجه نضع البصل على النار مع ربع معلقه زيت وربع معلقه ملح عشان البصل ينزل ميته كدا

تمام ونزل ميته نضيف الارز

واضيف فلفل اسود وميه للارز
فى الحمام الارز مش بيكون مستوى
هنا انا عاوزاه اقرب للمستوى
لان الصدور بتستوى بسرعه جدا
والرومى لو استوى زياده عن اللزوم بيبقى طعمه سئ جدا
وعامل ذى الورق
سوينا الارز خلاص

ياسلام على الجمال
نيجى بقى لصدور الرومى
واحنا بنسوى الارز مش هنقعد فاضيين يعنى
بتبل صدور الرومى بالملح والفلفل الاسود
خدي بالك ملح بسيط لان الارز فيه ملح
وماء الشوربه هيكون فيه ملح

احنا كدا جاهزين نبدا التقفيل
اول حاجه هفرد البانيه

لو ركزنا شويه البانيه مفرود على اكياس المطبخ الشفافه ودا عشان سببين
اولا مفيش ميه تدخل جوا وتبوظ الارز
ثانيا عشان ميبقاش منه للفويل مباشره
هبدا اضيف الارز مش كتير خالص
يادووب معلقه كبيره ونص

والف البانيه

انا بلفه الاول لوحده وبعدين الف الورق عليه

وبعدين الف بالفويل

كدا انا خلصت الكميه بتاعتى كلها
هغلى مياه فى حله وملح وفلفل وحب الهيل ونص البصله
واسيب الصدور حوالى نص ساعه
زودتى اوى 40 دقيقه مش اكترواخرج البانيه واشيل الفويل

على فكره هنا مشلتش الشفاف لسه
عشان محدش يقول بيسيح ويبوظ خااااااااااااااالص والله
اشيله بقى
ونحمر ويقدم بالف هنا وشفا


بجد والله يا بنات رووووووووووعه فى الاكل
ومش بتحسي بطعم الرومى خااااااااااااااالص
بيقدم معاه ارز مفلفل
انا مستعملتش كل الارز اللى انا عملاه فى الحشو
الباقي كملت سواه
يارب تكون الوصفه عجبتكم واى استفسار انا تحت امركم
فى انتظار رايكم

فى امان الله

الله الله
سلمت الايادي الطيبة اختي الكريمة

ايه الجمال ده يا قمر
ما شاء الله عليكى وتسلم ايدايكى يا شيف المنتدى
عاوزين نكلم دودو تعينك شيف المنتدى
لانك فعلا تستحقيه
تطبخلنا كده وتظبطينا
هههههههههههههههه
ويااااااااااااااااارب ترجعى مصر بالف سلامه
وتعيدى هنا كمان

لولو ايه الجمال دة
يا مظبطانا دة انا كنت فاكراه اختراع قريتى اللى فى دماغى ازاى يا موزة
تحفه يجنن مووووووووووووت
تسلم ايدك و احب اضم صوتى لصوت ام مهند و مريم عشان تبقى شيف لولو
و الله قايمه بشغل جااااااااامد فى القسم ووصفات جنان
تسلم يا جامد يا قمر انت

تسلم ايدك ياقمر

ام تسنيم حبيبتى كتب:

الله الله
سلمت الايادي الطيبة اختي الكريمة

شكرا لمرورك الطيب

تسلم ايدك يا بطوط بس بجد خلاص مش قدرة لما بشوف اكلك بموت من الجوع ربنا يعزك ويباركلنا فيكى

الصور تجوع تسلم ايدك بس هو ينفع نعمل القصه دى مع بانيه الفراخ؟

يم يم يم ...ايه دة ماشاء الله انتي جوعتيني يابنتي تسلم ايدك ان شاء الله هجربها

تسلم اييييييييييييييدك ياقمر تحفه

ام مهندومريم كتب:

ايه الجمال ده يا قمر
ما شاء الله عليكى وتسلم ايدايكى يا شيف المنتدى
عاوزين نكلم دودو تعينك شيف المنتدى
لانك فعلا تستحقيه
تطبخلنا كده وتظبطينا
هههههههههههههههه
ويااااااااااااااااارب ترجعى مصر بالف سلامه
وتعيدى هنا كمان

بجد شكرا جدا جدا على كلامك الجميل دا

وشكرا على الدعوه الحلوه دى

الطائر الحزين كتب:

تسلم اييييييييييييييدك ياقمر تحفه

شكرا يا قمر

قطه شيرازى كتب:

الصور تجوع تسلم ايدك بس هو ينفع نعمل القصه دى مع بانيه الفراخ؟

طبعا يا قمر المهم القطع تكون كبيره عشان تريحك
ومش تتعبي فى لفها
وشكرا على مرورك الطيب

موحه كتب:

يم يم يم ...ايه دة ماشاء الله انتي جوعتيني يابنتي تسلم ايدك ان شاء الله هجربها

ان شاء الله
ويارب تعجبك
وشكرا على كلامك الجميل دا

منار & ساحرة العيون كتب:

لولو ايه الجمال دة
يا مظبطانا دة انا كنت فاكراه اختراع قريتى اللى فى دماغى ازاى يا موزة
تحفه يجنن مووووووووووووت
تسلم ايدك و احب اضم صوتى لصوت ام مهند و مريم عشان تبقى شيف لولو
و الله قايمه بشغل جااااااااامد فى القسم ووصفات جنان
تسلم يا جامد يا قمر انت

انتى بس احلمى
واحلامك اوامر
اصلى كنت بحب المسلسل دا اوى
تسلمى بجد على كلامك الجميل دا
ويارب يكمل فرحك على خير