كريب من مطبخ لولو الى كيداهم

السلام عليكم
ازيكوا يا حلوين يالى مش مشجعنى خالص
انا جبتلكم غدايا النهارده من مطبخى عليكوا عدل
نبدأ بسم الله الرحمن الرحيم
الأول النيه والله بجد يا بنات
هنخلى النيه لله أنا بعمل كدا عشان جوزى يفرح اه بس بنيه ارضاء ربنا
نوينا الحمد لله
انا دايما بحب اجهز حاجتى ادامى وابدا اشتغل
ندخل فى المهم من غير رغى
وهنعمل الكريب
انا بموت فيه جدا
وبصراحه قولت بلا ريجيم بلا بطيخ
الواحد يدلع نفسه
ندخل على المكونات
1-كوب ونصف دقيق
2-كوب ونصف لبن
3-بيضه
4-ربع معلقه ملح
5-رشه فلفل اسود صغيره خااااااااااااالص
انا هغلبكم ليه المقادير اهى




هناخد كل دا على الخلاط وهاتك يا ضرب لحد ما يقول حقي برقبتى
ويبقى شكله حلو كدا

شايفين خفيف ازاى
هودا المطلوب
نجيب طاسه تيفال حلوه كدا
وبمنديل مش فرشه وندهنها زيت
الفرشه بتشيل
زيت كتير واحنا مش عاوزينه
هنجيب مغرفه واخد دفعه وفى الطاسه واحاول اخليها تتفرد على اخر
والخليط ميكونش كتير
مش عاوزينه تخين
عاوزينه رقيق على قد ما نقدر
ذى كدا

شايفين شفافه ازاى
واول ما لونها يتغير اقلبها على الناحيه التانيه
دا لو بتحبيه طرى
انا بحبه مقرمش من برا ومن جوا عشان كدا بسيبه يتحمر كدا

شايفين الجمال وهكذالحد ما تخلصي الكميه كلها
خلصتى وتمام نجهز الحشوه بقى
انا الكريب سواء بلحمه او فراخ احب الخضار كتير
بجد والله بيديله طعم احلى بكتير
كنت عامله حواوشي من كام يوم
وكان فايض عندى لحمه
قولت والله ما انا جايبه دى كفايه
وعصجتها وظبطها

ونبدا نظبط الخضار
انا فى العادى بحط طماطم وبصل وفلفل ومشروم
بس للاسف مكانش فيه مشروم
كلمت زوجى قالى انا عديت السوبر ماركت ومش قادر ارجع قولتله خلاص مش مشكله
هنموت من غير المشروم يعنى
قطعت خضاري وظبطه
البصل جوليان حلو
والطماطم نشيل اللب عشان الميه بتاعتها بتبوظ الكريب
نسي اقولكم الزيتون طبع بيدى طعم تحفه
بس انا للاسف نسيت اضيفه
ودا البصل بعد ما اتشوح شويه

متشوح من غير زيت
بنقطه ميه ونهدى هو هينزل ميته
بس ميطراش اوى خليه مقرمش شويه
يبيقى تحفه
ونضيف الطماطم والفلفل واللى عندك بقى
بس مش كتير دقيقه واقل كمان
وكل دا نخلطه على اللحمه

فى حاجه كمان بجد بتدى طعم جااااااااااااامد جدااااااااااااااا

يا ترى ايه الحلو دا دا لانشون حاااااااااااار
بجد طعمه فى الكريب دمااااااار
وبزوده على الخلطه بتاعتى

هنا بقى بضيف كاتشاب وحار برضه

نيجى بقى للتجميع
اولا هجيب الكريب وافرده

واضيف المايونيز والكاتشاب

وبعدين اضيف الخليط

واطبقها بالشكل دا

دا شكل من الاشكال
ممكن تطويه اربعه
وتعمليه رولات

وتدخليه الفرن ونهدى الفرن عشان يقرمش كدا ويبقى حلو
المفروض الوش يدهن كاتشاب وتحطى جبنه موتزريلا
بس انتو عارفين زوجى مقدرش يرجع السوبر ماركت
يقدم مع البطاطس
سلطه خضراء
سلطه طحينه
مخللات
اختارى اللى تحبين

بجد يا بنات تحفه
طبعا انتو بتقولو انتى بتشتغلينا فين الشكل التانى
مقدرش على زعلكم طبعا

يارب غدانا النهارده يعجبكم
وياريت تقولولى رايكم
وطبعا متنسوش الخمس نجوم
دا لو حسيتو الموضوع يستاهل
منتظره رايكم


فى امان الله :albino: :albino: :albino:

كسوووووووووووووولات
ما تصحوا بقى
انا هقوم انام
اصحى الاقي الردود مطر كدا
بدل ما انتو عارفين

تحفه بقالى كام يوم عاوزة اعمله بس تعبانه او كسلانه
متاخدينى اكل معاكم ههههههههههه
بالهنا و الشفا ليكم يا قمر
بس شكله خطيييييييييييييييييييييييييييير
بس انتى بتستعملى لانشون كدة عادى ؟؟
انا نفسى فى لانشون فراخ بس انا عملاله مقاطعه لانى من كتر ما سمعت عنه قرفت
و بعدين ولا تزعلى نفسك ان محدش رد
انا اهو مش كفايه عليكى يا موزة ولا ايه

اه نسيت الخمس نجوم
(ممتاز يا موزتى)

الله الله عليكى يا لولو اية الجمال دة انا جعت والله من جمال الكريب بوركتى يا لولو

منار & ساحرة العيون كتب:

تحفه بقالى كام يوم عاوزة اعمله بس تعبانه او كسلانه
متاخدينى اكل معاكم ههههههههههه
بالهنا و الشفا ليكم يا قمر
بس شكله خطيييييييييييييييييييييييييييير
بس انتى بتستعملى لانشون كدة عادى ؟؟
انا نفسى فى لانشون فراخ بس انا عملاله مقاطعه لانى من كتر ما سمعت عنه قرفت
و بعدين ولا تزعلى نفسك ان محدش رد
انا اهو مش كفايه عليكى يا موزة ولا ايه

انا مش فى مصر دلوقتى
ثانيا دى اطعمه تابعه لوزاره الصحه متصدقيش الكلام دا
تنوري يا قمر
تعالى بس انتى وانا هخلى العريس يقول من دى
ههههههههههههههههه
والله الرد بيشجع الواحد انه ينزل مواضيع
وعموما هنزل برضه يا موزه
ولا يهمك

هبة حسن كتب:

الله الله عليكى يا لولو اية الجمال دة انا جعت والله من جمال الكريب بوركتى يا لولو

شكرا يا قمر على كلامك الجميل دا
واسعدنى مرورك

منار & ساحرة العيون كتب:

اه نسيت الخمس نجوم
(ممتاز يا موزتى)

اكيد التقييم من ماما
ههههههههههههههههه
سلميملى عليها كتييييييييييير