أجنحة الفراخ المشوية

لو عايزة تجددي في أكلاتك، وفي نفس الوقت توفّري فلوسك، اعملي معانا النهارده أجنحة الفراخ المشوية، وماتنسيش تبعتي لنا رأيك فيها..

أجنحة الفراخ المشوية
المقادير:
كيلو أجنحة فراخ
فص ثوم مقطّع
2 كوب زبادي صغير
2 ملعقة كبيرة زيت زيتون
2 ملعقة كبيرة عصير ليمون
2 ملعقة كبيرة معجون طماطم
ملح

الطريقة:
1- اخلطي الزبادي مع عصير الليمون ومعجون الطماطم والملح وزيت الزيتون والثوم في طبق كبير.

2- حطّي الأجنحة على الخليط السابق، وقلّبيهم كويس مع بعض، وبعد كده حطّي الأجنحة بالتتبيلة بتاعتها في الثلاجة لمدة يوم كامل، أو ممكن تحطّيها من بالليل للصبح.

3- بعد كده طلّعيها من الثلاجة، وحطّيها في صينية ودخّليها الفرن، وبعد 20 دقيقة شغّلي عليها الشواية علشان تتحمّر، وبعد كده طلّعيها، وممكن تقدّمي معاها سلطة زبادي أو كول سلو.. وبالهنا والشفا.

تسلم الايادى