طريقة عمل العيش الشامى او اللبنانى بالصور

طريقة عمل الخبز اللبناني بالخطوات والصور


.... الخبز اللبناني......







كلكم تعرفونه اكيد و هو الخبز
العربي العادي .... هذا النوع من الخبز يعتمد في تكوينه على الطحين
والخميرة والسكر والملح والماء .... ولا يدخل فيه الزيت او الحليب ....
ويمكن الكثير منكم ما يحتاج انه يسويه بالبيت لأنه متوفر في المخابز ....
لكن المغتربات لازم يتعلموا يسووه ....<<< الحين تطلع الشطارة
وهذي طريقتي بمقاديري ... جربت عدة طرق وهذة خلاصة تجاربي وحبيت تشاركوني فيها واتمنى الخبز يعجبكم .....



و مقاديري :


1 كوب ماء
1 ملعقة شاي خميرة فورية
21 1 ملعقة طعام سكر تعادل اقل من 81 كوب
21 ملعقة شاي ملح
21 2 كوب طحين ابيض


الطريقة :


نذوب الخميرة والسكر في كوب الماء ...
نخلط الملح مع الطحين في اناء العجن .... ثم نضيف خليط الخميرة .... ونعجن ...

في البداية يمكن تتلصق العجينة
بيدك لكن استمري بالعجن وبتلاقين العجينة فكت ....ونستمر ونعجن ... ونضرب
العجينة بقوة كل شوي ....نظل نعجن لمدة 5 دقائق ....
المفروض النتيجة تكون عجينة
ناعمة وما تتلصق ومطاطية .... وتكون اثقل من عجينة الفطاير العادية
....لأنها لو كانت لينة بيصعب فردها وخبزها بعدين ..... طبعا لو عجنتي
وصارت العجينة لينة اضيفي شوي طحين او كانت بالعكس بللي يدك بماء واعجني
الى ان تتوصلي للقوام المطلوب ....

وهذا شكل العجينة بعد ما عجناها .....





نغطيها ونخليها ترتاح ربع ساعة فقط.....
وهذا شكلها بعد ما ارتاحت ... ما تغير حجمها كثير





نقسم العجينة الى 12 كرة
متساوية على صينية مرشوشة بالطحين وغطيها بقماش رطب .... ولو حبيتي تسوي
ميني خبز خلي الكرات اصغر ..... بتلاحظين وانت تقسمي العجينة انها صارت اخف
ولو ضربتي عليها بتعطيك صوت طبل ....





نتركها نصف ساعة فقط ولا تكثرين بتخميرها .... حتى تنفرد بشكل جميل وسهل ...
وهذا شكلها بعد التخمير ....






شغلي الفرن من فوق بس على اعلى
درجة فيه وحطي صينية الفرن او صاج الخبز في اعلى رف او الرف اللي انزل منه
حسب فرنك يعني لو كانت شواية الفرن مقاربة كثير خفضي الصينية حتى تتركي
مجال للخبز بالانتفاخ بدون ملامسة شواية الفرن وبذلك ما يحترق ....
جهزي ورق المطبخ 13 قطعة ....
وافردي كل كرة على طاولة مرشوشة بالطحين .... افردي العجين حسب رغبتك اذا
حبيتيه ثخين او رقيق في بعض الصور سويته ثخين وبعضها رقيق .... المهم ما
يكون رقيق كثير حتى ما ينشف بعد الخبز ويصير قاسي ....




ضعي كل قطعة مفرودة على ورقة مطبخ وصفي كل ثلاث فوق بعض ...وخليهم على جنب واعرفي ترتيب كل مجموعة ....

وهذا شكل الاقراص فوق الورق .....











خذي ورقة المطبخ الزائدة رقم 13
وغطي فيها اول مجموعة فردتيها .... واقلبي الجميع حتى نأخذ اول قطعة
مفرودة .....لأنها بتكون تخمرت قبل واحنا ما نبي نخمرها اكثر بعدين تلصق
بالورق ....



اخرجي صينية الفرن الحارة و امسكي اول ورقة مع الخبز المفرود واقلبيه على

الصينية .... ممكن تقلبيه على
يدك برفق وتحطيه على الصينية بحذر حتى لا يخرب الشكل .... حسب الطريقة اللي
تعجبك .... نسيت ما صورته وهو بالفرن لأن حرارة الفرن دوختني .....

طبعا اذا كانت الصينية واسعة
بتقدرين تحطين اكثر من اربع اقراص في كل مرة .... وكل ما تخلصي مجموعة غطي
اول قرص واقلبيها وابداي بالخبز وهكذا ..... طبعا انتظري ثواني عند الفرن
وتمتعي بشكل الخبز وهو ينتفخ ولا تبعدين لأن الخبز بيتحمر سريع ....







وهذا شكل الخبز بعد الخبز .... مع عدة صور له ....







خبزتين تحمروا زيادة ....
























خبز مفرود ثخين شوي



صور لخبز مفرود ارق من اللي قبل














ممكن تسوين الخبز ايضا على
الصاج او في مقلاة عادية على الفرن ... وهذي الطريقة سويتها اول ما جربت
اسوي خبز .... حمي الصاج واقلبي عليه العجينة المفرودة .... وانتظري شوي
وقبل ما تطلع فيه فقاعات اقلبيه على الوجه الآخر وبعدين بيسخن وينتفخ معاك
... وتقلبينها الى ان يتحمر حسب رغبتك ولا تطولين عليه حتى ما ينشف ....

ايضاً ممكن تخبزيه على القدر
الكهربائي .... ويطلع حلو .... وقد جربته من زمان ولكن لم اتمكن من وضع صور
له الآن ....لأن القدر ليس موجود عندي حاليا ....








مهم بعد ما يخرج الخبز من الفرن او الصاج غطيه بفوطة ودخليه بكيس .... حتى ما ينشف ويقسى ..]




واذا خرب من عندك اي قرص خبز او
ما انتفخ لا ترميه ... قطعيه مربعات واقليه في الزيت وسوي منه فتوش ...
يطلع روعة او استخدميه للشوربة




وهذا الخبز موجود والكباب والشاورما عليكم ....

منقووووول



وبالعافية ....

هحاول اعملوا ولو طلع وحش انتى حرة