استفيدى من العيش الفينو الفائض عندك

لو عندك عايش فينو بايت ومحتاره تعملى فيه ايه........

الفكرة الاولى
كلنا عارفين طبعا هتحوشيه برة فى كيس او فى الفريزر ولما تجمعى حبه حلوين كده
رصيه فىصينيه ويدخل الفرن يقرمش كده وبعدين اطحنيه نااااااعم

وتبيله بقى بالخلطه الحلوة دى
رشه ملح+رشه فلفل اسود بسيط+رشه قرفه بسيط+رشه جنزبيل+كركم+كارى+حبه نشا+معلقه بيكنج بودر
وعبيهم بقى فى برطمان ازاز وخليهم جاهزين عندى اعملى منها احلى بانيه ومقليات بالبقسماط

الفكرة التانيه
قطعيه دواير كده شرايح يعنى وتبليه بحب زيت او زبده سايحه وزعتر ورشه ملح ورصيه فى صنيه وعلى الفرن يتحمص
يبقى احلى مقرمشات
بس خدى بالك منه وهو فى الفرن مبياخدش وقت خااااااااالص اوعى تسهى عنه
ويتحرق هيمرر
الفكرة التالته
قطعيه برضه شرايح زى الفكرة اللى فاتت كده بس تكون سمكها تخين شويه
هتدهنى كل واحده بالخلطه دى
حته جبنه بيضه طريه مثلثين جبنه ومعلقه مايونيز وحبه لبن بسيط واقلبى كويس يكون زى الكريمى كده
وبعد ماتدهنى كل واحده من الوش حطى على كل واحده شريحه زيتونه
او تحطى حته لانشون صغننه وعليها حته جزرة مبشورة وعليهم حته شيدر مبشورة بسيطه خالص متكتريش الحشوات
ودخلى الفرن يقرمش شويه والجبنه تسيح ع العيش
هيبقى فكرته زى الكانبيه كده (هو بتتعمل بالتوست فى الافراح زى مثلا
الجاتو السواريه بس ده حادق)
احنا بقى
بنوفرررر وبنعمله بالفينو اللى كان ممكن يترمى
نستغل كل حاجه عندنا ونشغل دماغنا صح

تسلمى يا قمر فكره كويسه