ازاى تقرب من ربنا اكتر وتخليه يحبك ؟

زاى تقرب من ربنا اكتر وتخليه يحبك ؟

وسائل كتير تخليك تكسب حسنات و تقرب من ربنا اكتر و اكتر
كلها معروفة
انا بس حبيت اجمعها

بس اهم حاجة يا جماعة
الصدق و الاخلاص فى التنفيذ

1- قلل من ذنوبك :
طبعا كل واحد فينا بيرتكب ذنوب و معاصى لان كلنا بشر مفيش حد مننا ملاك يبقى اول حاجة انك تقلل من سيئاتك
و ده اهم من انك تكتر من حسناتك لان ( السيئات تأكل الحسنات كما تاكل النار الحطب )
كل واحد مننا يحاول يقعد مع نفسه و يشوف ايه السيئات اللى بيعملها و يحاول
يقلل منها بالتدريج مش بقول يبطلها كلها مرة واحدة انا بقول بالتدريج
علشان يكون الامر مستطاع

2- الصلاة فى وقتها:
مهما كانت الظروف و الاسباب حاول ان تقوم للصلاة فى وقتها و يا حبذا لو كانت فى جماعة

3- الصلاة فى المسجد :
بالنسبة للاولاد فالصلاة فى الجامع مهمة جدا و ياريت تكون فى الصف الاول او التانى حاول على قد ما تقدر تلتزم بالصلاة فى الجامع

4- السنن فى الصلاة:
قال الرسول صلى الله عليه و سلم ( من لم يتبع سنتى لا تحق له شفاعتى )
كلنا عارفين ان فى سنن فى الصلاة ( صلاة السنة ) نحاول نواظب عليها على قد ما نقدر

السنن المؤكدة هى 12 ركعة
2 قبل الفجر و 4 قبل الظهر و 2 بعد الظهر و 2 بعد المغرب و 2 بعد العشاء كمان فى ركعتين الضحى و الشفع و الوتر

5- قيام الليل:
ده اجره عظيم جدا عند ربنا كتير مننا بيسهر يتفرج على التليفزيون او على النت
بس محدش من الناس دى بيفكر يصلى قيام الليل مع انه كده كده سهران حاول تصحى قبل صلاة الفجر بساعة
او حتى بنص ساعة و صلى قيام الليل و ادعى ربنا و استغفره انت كده كده
هتصلى الفجر مش هتضرك نص ساعة بدرى تقومها و جزائها عند ربنا كبير

6- صدقة يومية :
حاول تطلع كل يوم صدقة حتى لو ربع جنيه مش مهم المهم انك تواظب عليها و تحافظ عليها

7- قراءة القرآن :
ورد كل يوم حزب واحد تقرأه بتمعن مش لازم تقرأه فى قاعدة واحدة خليها صفحتين بعد كل صلاة ده الحزب كله 8 صفح مش اكتر

8- حفظ القرآن :
احفظ كل يوم آية واحدة او آيتين
فى اقل من كده ؟
بس حاول الايات اللى تحفظها تقرأ تفسيرها كمان و اكيد معظمنا حافظ اجزاء
من القرآن كل يوم راجع على سورة من السور اللى انت حافظها علشان متتنسيش

9- الذكر :
اذكر ربنا دايما و انت قاعد و انت واقف فى وقت الفراغ خلى ربنا دايما على بالك و اذكره

10 - اذكار الصباح و المساء:
مش هتاخد منك وقت دى بسيطة و قليلة و فوايدها كتير

11- غض البصر
و ده للولاد و البنات كمان مش للولاد بس

12- رب عمل عظيم تحقره النية :
قبل ما تعمل اى حاجة اقف و حط نية للعمل ده بينك و بين نفسك علشان تاخد حسنات على العمل ده

13- جهاد النفس:
( ان النفس لأمارة بالسوء ) حاول تجاهد نفسك و تبعدها عن الذنوب و المعاصى
قال الرسول صلى الله عليه و سلم ( اشد الجهاد جهاد النفس

كلام من القلب........ازاى تخلى ربنا يحبك

كل واحد بسأل نفسه مش المفروض ان الواحد اللى يحب ربنا مش العكس..؟

نقول ...لا ربنا ايضا بحبك قدر حبك له واكتر ......... ازاى اخليه يحبنى.؟

* اولا- والمهم...التوبه الصادقه الخالصه من القلب

والتوبه لها ثلاث شروط بسيطه

1-التوقف عن الذنب 2-عدم فعل الذنب 3-عدم الرجوع للذنب

واكيد واضحه الشروط مش محتاجه شرح

* ثانيا -الحياء

ما هو الحياء --هو انقباض النفس بأنها اشرف بعدم ارتكاب الاخطاء والذنوب
فيقول الرسول ص .الايمان بضع وسبعون قصه والحياء شعبه من الايمان

ويقول الرسول صلى الله عليه وسلم .الحياء والايمان قرناء جميعا . او يعتبرالحياء ترمومتر الايمان

ويقول الرسول صلى الله عليه وسلم.الحياء كله خير الحياء لا يأتى اللى بخير

فنجد
عثمان ابن عفان كانت الملائكه تستحى منه ..

ويقول الرسول صلى الله عليه وسلم اذا اراد ربنا ان يهلك عبد ينزع منه الحياء.
وكان الرسول اشد حياء من العزراء فى خدمها
يعنى.فى تعامله مع الناس اشد حياء من العروس يوم زواجها.

فهل الحياء صفه الانسان يتولد بيها

.يقول الرسول صلى الله عليه وسلم.انما العلم بالتعلم وانما الصبر بالتصبر.

فهذا من اجل حب الله للعبد

فأذا حب الله عبده

يقول الله اذا حب عبد نادا يا جبريل انى احب فلان فأحبه فيحبه جبريل فينادى جبريل
فى السماء ان الله يحب فلان فأحبوه فيحبونه اهل السماء

فاهل السماء من انس وملائكه وانبياء

واذا احبه الله يكون بصره الذى يمشى بيه لسانه الذى يتكلم به ايده رجله الذى يخطى بيها او يمشى بيها الخ

فندعو الله

الله اهدنا فيمن هديت

وعافنا فيمن عافيت

وتولنا فيمن توليت

وبارك لنا فيمن اعطيت

وقنا شر ماقضيت فأنك تقضى بالحق ولا يقضى عليك

وانه لايزل من واليت ولا يعز من عاديت

تباركت ياربنا وتعاليت

امين امين امين امين يارب العالمين تقبل منا يالله

جزاكى الله خير

» معنى لا اله الا الله لو عرفتى معناها حتحبيه اكتر
» تعالى نحب الصلاه اكتر
» ليه الناس بقيت ليها اكتر من وش
» تعالوا ننظم نفسنا اكتر ونرتاااااااااااااااااااح
» أنا بعيد ليه عن ربنا ؟؟