ليه الناس بقيت ليها اكتر من وش

بجد انا مش عارفه اكتب ايه ولا اقول ايه فى موضوع تعبنى جدا ونفسى اعرف
ليه الناس بقيت ليها اكتر من وش حتى اقرب الناس اليك صدمة لما تلاقى كل واحد بيدور على مصلحته وبس حتى لو كانت على حساب سعادة غيره لما تحس ان فى ناس حبيتهم سواء حبيبك او ناس تانيه حبيتهم بجد وباخلاص
واعتبرتهم اخواتك وللاسف تلاقيهم بكذا وش بيتعاملوا معاك بشئ ومع ناس تانيه
بشئ اخر

ويمكن معاك كويسين ومع الناس التانيه لا

تصرفك هيبقى ازاى وهتعمل ايه

هتقول انا مالى مدام هما بيعاملونى كويس

ولا هتخاف منهم وتقول ماهيجى اليوم واتعامل انا كمان كده وتبعد

ولا هتعاملهم زى ما كنت بتعاملهم بس بحرص شويه


صعب قوى الواحد يثق فى ناس ويتخدع فيهم او يلاقيهم بشخصيتين


انا عن نفسى بقفل من ناحيه الناس دى وثقتى فيهم بتقل وللاسف ممكن افضل
حباهم وكده بس مش هعرف اتعامل معاهم زى الاول بالعفويه اللى انا بتعامل
بيها وبانى بتعامل معاهم براحتى زى اخواتى

اعتقد كل ده هيتغير بالنسبالى


انتوا بقى بيبقى رد فعلكوا فى الموقف اللى زى ده ايه؟؟؟؟؟؟ه

مش عارفة يا موحة والله انا كمان تعبت بس انا لما بقفل من حد او الاقيه بمليون وش ميلزمنيش التعامل معاه حتى لو كان بعدى عنه هيتعبنى

عندك حق يا موحه بس انا مش زى دودو انا بقفل على نفسى ومبحبش اكلم حد من النوع ده

يا موحة ده بقى عادى جدا

اتحدى اى واحدة لم تمر بموقف زى ده وبتوجع اكتر لما بتكون من حد قريب

وفعلا عن تجربة اللى بتتكلم عن غيرك فى عدم وجوده حتتكلم عنك فى عدم وجودك

وده ثقة مليون فى المائة

واللى حتدافع عن غيرك فى عدم وجودك حدافعع عنك فى عدم وجودك

فاكيد حكون حريصة جدا معاها ومش حأمن لها وتعاملى معاها فى اضيق الحدود

بس برده لما الاقى منها التصرف ده قدامى حقول لها تقى الله

ربنا يبعد عنا جميعا النوعيات ده

البعد عن الدين هو خاله لناس كده