المقلوبة السوريه

اولا المقادير
دجاجه كامله
1 ك بادنجان رومي
1 ك بطاطس
2 كوب ارز بسمتي
2 بصلة متوسطة الحجم
3 الي 4 راس ثوم
4 ملعقة قرفه مطحونه
اعواد قرفه خشب
ملح وفلفل اسود
ملعقه بابريكا
ورق لورا او غار
حبهان

الطريقه
اغسلي الارز وانقعيه ساعه ثم صفيه جيدا
تغسلي الدجاجه جيدا وتقطع بالعظم 10 - 12 قطعه صغيرة وتصفيها كويس
تفرمي التوم ناعم وكذللك البصل تشوحي البصل وقرب تحميره تشوحي التوم معاه
لحد ما يحمر تضعي عليه القرفه والبابريكا وتضيفي الدجاج وتشوحيه شويه
وبعدين تضيفي عليه الميه والملح
والفلفل وورق الغار (اللورا) والحبهان ومتزوديش الميه اوي يدوب تغطي الفراخ وقرب السوا تنشيلي الفراخ

وشيلي ورق الغار ولو الحبهان كامل مش مطحون شيليه من الصوص الباقي

قطعي البادنجان وحمريه والبطاطس وخليها يدوب تصفر في الزيت

هاتي حلة وبطنيها بورق الفويل ورصي طبقه باذنجان وعليها طبقة بطاطس وطبقه فراخ وطبقه تانيه باذنجان واخري بطاطس وبعدين ضيفي الارز
وحطي الصوص اللي باقي من الفراخ علي الارز
وزودي المياه الكافيه لسوا الارزوتبيليها بالملح بس اعملي حسابك الارز متزوديش مياه كتير
ومتهزيش الحله علشان الارز مينزلش تحت
وكل ما تزودي التوم والقرفه في الصوص يكون اطعم وغطي عليه
ويدوب يغلي هدي النار وسيبيها تستوي علي نار هاديه وبعد ما تستوي هاتي
صينيه واقلبي الحله عليها وسيبيها مقلوبه عليها شويه علشان تاخد الشكل بتاع
الحله
وبالهنا والشفا قدميها مع الزبادي او سلطة الزبادي بالتوم والخيار بدون نعناع