ازيكم يا بنات
النهارده هاقولكم على برنامجى فى العناية ببشرتى وشعرى
وطبعا كل واحده بتراعى طبيعة بشرتها وشعرها
وبتاخد من كل حاجه اللى يناسبها
نبدأ بالبشرة
طبعا البرنامج اليومى هو غسيل الوجه بغسول مناسب
انا بستخدم جونسون للبشرة الحساسة فى الصيف
ودوف فى الشتا
وبعدين دهان البشرة يوميا بكريم مناسب
فى الصيف بستخدم اوريفيلم ESSENTIALSالوردى
وفى الشتا بستخدم دوف انتسيف حلو اوى اوى بجد
الدهان للوجه بيكون مره الصبح بعد غسيله ومره بالليل قبل النوم
والعناية الاسبوعية بتكون سنفرة مره فى الاسبوع
بستعمل كريم سنفرة وممكن تستخدمى الملح او السكر مع الليمون وزيت الزيتون
ولو بشرتك دهنيه شيلى الزيت من الوصفة
وماسك الطمى المغربى مره فى الاسبوع
ولو عندك بثور سودا فى مسام الانف استخدمى لاصقات الانف
والبيضا افضل من السمرا عن تجربه
وحمام بخار مرتين فى الاسبوع
ومش لازم تشترى جهاز البخار
ممكن تعمليه فى البيت
اغلى شوية ميه فى حلة وممكن تضيفى اعشاب
انا بضيف ريحان
ولما تغلى شيليها من على النار وحطيها على ترابيزه وحطى وشك فوقها بمسافة مناسبة وغطى راسك على الحلة بفوطه
خمس دقايق كفاية
وبعد ما تخلصى ادهنى وشك بماء الورد
وكل ما تاكلى برتقال ادهنى ايدك بقشره وحاولى تطلعى الزيت اللى فيه
حلو اوى للبشرة
ودهان الايد بعد كل غسيل بكريم طبعا
بستعمل دوف انتينسيف
نيجى لبشرة الجسم
بعد كل حمام بدهن جسمى كله بزيت جونسون
انا بفضل الاورانج اللى برائحة الزهور
ويوميا بدهن دراعى لحد الكوع ورجلى لحد الركبه بالزيت فى الصيف
وبدوف انتنسيف فى الشتا
ودهان المؤخرة وبين الفخذين بعد كل "بي بي" يا اوختى بزيت جونسون صيف وشتا وخصوصا فى الشتا
وفى الصيف احيانا بستخدم بودرة تلك جونسون الوردى تحفة
والسنفرة للجسم كله مره فى الاسبوع
وبالنسبة للقدم اسبوعيا تحطيها فى ماية سخنه على قد ما تستحملى وشوية شاور جيل
لحد ما تقرب تبرد
وبعدين ادعكيها بالحجر
وبعدين ادهنيها بأى كريم للقدم
انا بستخدم يوكو
والبسى عليها شراب ونامى بيه لحد الصبح
ولمنع رائحة العرق بستخدم فيبكس الوردى
بس فيه ناس مش بتحبه
ممكن تستخدمى الخلطه اللى بعملها فى الصيف
حجر مسك على حجر عنبر على شوية شبه واطحنى كله على بعضه
وادهنى منها يوميا وبعد كل حمام وقبل كل خروجه بره
وممكن تعملى كريم سائل فى اى علبة رول اون قديمه ونضيفه
علبة صغيرة من كريم دوف الغير دهنى واخلطى معاها شبه ونشا وحجر مسك مطحون وضيفى مية ورد لحد ما يبقى سائل تقيل زى مزيل العرق اللى بتشترية من بره
طبعا الحاجات دى افضل كتير من اى مزيل عرق صناعى لأنها مش بتسمر منظقة الابط خالص
بالعكس
ولو حابة حاجه حلوة وناعمة وماتسمرش وتشتريها من بره
فيه مزيل عرف دوف الكريمى
مش بليه
لكن فتحه صغيره
تلفى الانبوبه يخرج منها الكريم على مكان مدور شوية عشان تحطيه على الابط وتحركيه بسهوله
ناعم جدا وبيفتح المنطقه دى عن تجربة
كده خلصنا البشرة
هانقول الشعر فى المشاركة الجاية
الرئيسية 
المنشورات 
28/2/2024, 4:12 pm
تاريخ التسجيل
عدد المشاركات
العمر
موضوع: تعالوا شوفوا برنامجى فى العناية ببشرتى وشعرى 
13/11/2011, 10:52 am
