الدلكة السودانية على طريقتى المصرية

هديتى ليكو بمناسبه العيد كل سنه وانتو طيبين
وطبعا
ممكن تعملى المكونات عندك وتسبيها فى برطمان وتطلعيها بالاستعمال كل اسبوع مثلا وتضيفى ليها الزيوت
وهيا زيت الزيتون
واللوز المر
والجلسرين
ومايه والورد
وخل تفاح يعنى فنجان قهوه من كل نوع واقل كمان
وطبعا ممكن نحط زيت عطرى اد نسبه الزيوت لزوم الدلع وكدا وساعتها هتبقى دلكه بالعطر
وكدا او دلكه معطره
والدلكه مكوناتها
اى حاجه بتقشر الجسم وبتنوره وبتبيضه
يعنى ترمس مطحون
ورز ابيض مطحون
ولو فيه محلب مطحون يبقى تمام
ولسان البحر مطحون
وحمص مطحون
وعدس مطحون الغامق مش الاصفر
المكونات كتيره بس انا بحط المتوفر عندى وكله الحمد لله بيبقى متوفر
فيه حاجه من عندى كمان مش موجوده بس دى بصراحه اختراعى وجربتها وعجبتنى اوى
معلقه صغيره زعفران مش كتير بس بيورد الجسم اوووووووووووووى وبيفتحه
وطبعا ممكن تضيفى معلقه بن لو فيه خطوط بيضا واكتر من معلقه كمان
وبتخدى معلقه من كل دا
وتعجنيه بزبادى ولبن ومايه ورد
وبعدين تخليه سايل شويه وتفرديه على جسمك بعد ماتفتحى مسامه زى الحمام المغربى بالظبط
وتحطه على جسمك
وتسبيه بردده لحد ماينشف وتفركيه
وتدعكى بالليفه المغربيه بتاعتك
وبتخرجى ترطبيه بس يدوب ترطيب بزي الورد
لاناصلا فيه زيت عطرى او زيت البرفان بتاعك
انتى هتبقى عامله زى ايه
الورده اللى ريحتها جميله بتتحرك
والله مش ببالغ
بس هيا تستحق
ودى ممكن تعمليها كدا مرتين كل اسبوع
معلش طويله بس ايه تستاهل وحته الزيت العطرى دى دخليها فى كل وصفاتك للجسم


ونصيحتى قبل الدلكه
ادعكى كل جسمك
بليمون وسكر وشويه مايه وحته خميره بيره
من فوق لتحت واستنى ينشفو
تحففففففففففففففففففففففففه
بتنعم الجسم
وخصوصا اعمليها قبل السويت
وطبعاااااااااااا بعدها ندهن بزيت الورد

على زيت جونسون بالافندر
وشويه اسنس من البرفان المفضل بتاعك
او حتا مسك ابيض
تحححححححححفه والله
احسن من الحمام المغربى

بصراحه لو استخدمتيه كل يوم جسمك هيبقى تحفففه وانسى اى لون غامق ‏
وعاوزه اقولكو ان دلوعه دادا حبيبه قلبى جربتها
ودخلتها فى الجروب بتاعها بعد ماشافت النعومه والجمال
وكل سنه وانتو طيبين :yjh: