وبحلاوتى مجنناهم
 
الرئيسيةالرئيسية  البوابةالبوابة  الأحداثالأحداث  المنشوراتالمنشورات  التسجيلالتسجيل  دخولدخول  
الخطوة الاخيرة

 

 كب كيك جوز الهند وصلت

اذهب الى الأسفل 
4 مشترك
كاتب الموضوعرسالة
بنات عمرى
كيداهم موهوبه
كيداهم موهوبه
بنات عمرى


انثى
تاريخ التسجيل تاريخ التسجيل : 03/07/2011
عدد المشاركات عدد المشاركات : 406
العمر العمر : 35

كب كيك جوز الهند وصلت Empty
مُساهمةموضوع: كب كيك جوز الهند وصلت   كب كيك جوز الهند وصلت I_icon_minitime17/9/2011, 11:42 pm



انا النهاردة كنت زهقانه وانا لما بزهق مش بلاقى حاجة اطلع فيها زهقى غير المطبخ
قمت عملت ايه كب كيك جوز الهند وصورته وقلت احطه لفتوكاتى اخد رأيهم
بس فى الاول احب اعتذرلكم لان التصوير مش حلو خالص
نور المطبخ عندى اللى هو اللمبة الصفرا دى عرفينها اللى عندها قدرة تغير كل الالوان
وكمان كنت بصور بالموبيل ومفيهوش فلاش
وكمان اختى الصغيرة هى اللى كانت بتصور
طبعا دلوقتى انتوا نفسكوا تضربونى وتقولولى بعد كل اللى انتى قلتيه دا حطيتى الصور ليه
معلش بقى استحملونى
مش هرغى كتير يالا نبتدى بالمقادير

مقادير الكيك

1 كوب دقيق / ا كوب سكر / 3/4 كوب لبن / 1/2 كوب سمن / 3 بيضات
ملعقة شاى بيكنج بودر / 1/4 ملعقة شاى بيكنج صودا / فانيليا / جوز هند ( تقريبا 1/4 كوب )
شربات خفيف ( انا بعمل 1/2 كوب سكر + 1/2 كوب ماء + نص ليمونه + ورقة فانيليا )

كب كيك جوز الهند وصلت 13162887074567

طريقة التحضير :

اول واهم حاجة نسخن الفرن قبل ما نشتغل

1) نحط اول حاجة السمنة ونخفقها كويس لحد ما تبقى ناعمة

كب كيك جوز الهند وصلت 13162888946095

2) نحط السكر ونضربة كويس مع السمن لحد ما يختلط معاها كويس ( هى المفروض تبقى زى الكريمة بس علشان دة نص مقدار والسمنه قليلة فمش بتبقى زى الكريمة بس عادى مفيش مشكلة )

كب كيك جوز الهند وصلت 13162891717793

3) وبعدين نحط الفانيليا على البيض ونحطة على الخليط واحدة واحدة ونخفق كويس

كب كيك جوز الهند وصلت 13162892896307

كب كيك جوز الهند وصلت 13162894939462
4) وبعدين ننخل الدقيق + البيكنج بودر + البيكنج صودا ونحطهم على الخليط ونخفقهم كويس

كب كيك جوز الهند وصلت 13162907838663

5) وبعدين نحط نص كبايه اللبن ونخلط لو لقينا الخليط محتاج تانى نحط الباقى ( ساعات حجم البيضة بيفرق فعلشان متبقاش سايلة احنا عايزين قوام تخين شويه بس مش اوى يعنى )

كب كيك جوز الهند وصلت 13162908741242

كب كيك جوز الهند وصلت 13162910294015

6) واخر حاجة نحط جوز الهند ونخلط اخر مرة

كب كيك جوز الهند وصلت 13162910984213

كب كيك جوز الهند وصلت 13162914049348

7) وبعدين نجيب قوالب الكب كيك ونحط فيها الورق او نبطنها بصراحة انا مش بحب اعمل الكيكة دى فى الورق وهقولكم ليه بعدين المهم مش ببطن غير قاع القالب يعنى بدهنه كله بالسمنة القاع والجوانب لكن مش بحط دقيق غير على القاع بس
علشان ميعملش القشرة اللى بيعملها ودر مش كيكة هقطع جنابها فهمينى يا فتوكات

كب كيك جوز الهند وصلت 13162914608669

8) وبعدين نصب الخليط فى القوالب وندخلها الفرن تقريبا لمدة 20 دقيقة ونعمل اختبار الكيك اللى كلكم عارفينة

كب كيك جوز الهند وصلت 13162916047033

9) بعد ما تخرج من الفرن نشيلها من القوالب ونسيبها تبرد لحد ما نحضر الشربات

معلش نسيت اصور الخطوة دى

10) نعمل بقى الشربات نحط السكر + الماء وندوبهم ولما يبتدوا يغلوا نحط نص اليمونة والفانيليا ونسيبهم ثوانى يغلوا ونطفى عليهم

كب كيك جوز الهند وصلت 13162917765306

11) اخيرا بقى ناخد بمعلقة الاكل الشربات ونسقى بيه الكيكة ونرش عليه الجوز هند
ويبقى دة شكلها النهائى

كب كيك جوز الهند وصلت 13162919048274

ودة شكلها من جوه

كب كيك جوز الهند وصلت 13162929764658

ودة طبق لأول فتوكه هترد عليا وترفع من معنوياتى وتقولى رأيها

كب كيك جوز الهند وصلت 13162920208194

ملحوظات هامة

1) مش تكتروا جوز هند فى الخليك علشان تاخد راحتها فى السوى
2) اللى عايزة تعملها تورته تضاعف المقدار بتطلع روعة بس انا بفضل الكب كيك
3) لازم تكون هى باردة والشربات سخن
4) الكيكة دى مهما تسبيها فى الهوا مش بتنشف
5) الكيكة دى سكرها معتدل يعنى تبقى جميلة اوى فى الفطار وتنفع للأولاد فى المدرسة لانها كمان مغذية
6) انا مش بحب اعملها فى ورق الكب كيك علشان لما بسقيها الشربات الورق كمان بيشرب وبتبقى ملزقة الورقة
7) مش ضرورى البيكنج صودا بس انا بحب احطة علشان يرفعها زيادة وميبقاش ليها الشكل المدور من فوق علشان كلها تشرب الشربات
8) لما تيجوا تسقوها الشربات تعملوا واحدة واحدة يعنى تسقوا واحدة وتحطوا عليها جوز الهند علشان الشربات مينشفش من غير ما تحطوة يعنى مش تسقوها كلها مرة واحدة وتحطوا جوز الهند مرة واحدة فاهمينى يا قمرات

خلاص بقى انا كدة خلصت

يارب موضوعى يعجبكم وتجربوه وبالهنا والشفا على قلبكم

مستنية ردودكم كب كيك جوز الهند وصلت Mood18






الرجوع الى أعلى الصفحة اذهب الى الأسفل
ام تسنيم حبيبتى
نائب المديره العامه
نائب المديره العامه
ام تسنيم حبيبتى


انثى
تاريخ التسجيل تاريخ التسجيل : 18/03/2011
عدد المشاركات عدد المشاركات : 11045

كب كيك جوز الهند وصلت Empty
مُساهمةموضوع: رد: كب كيك جوز الهند وصلت   كب كيك جوز الهند وصلت I_icon_minitime19/9/2011, 8:24 am

بليبسث
الرجوع الى أعلى الصفحة اذهب الى الأسفل
ام مهندومريم
المشرف العام
المشرف العام
ام مهندومريم


انثى
تاريخ التسجيل تاريخ التسجيل : 20/03/2011
عدد المشاركات عدد المشاركات : 2037
العمر العمر : 41

كب كيك جوز الهند وصلت Empty
مُساهمةموضوع: رد: كب كيك جوز الهند وصلت   كب كيك جوز الهند وصلت I_icon_minitime19/9/2011, 7:46 pm

hfgddg
بليبسث
الرجوع الى أعلى الصفحة اذهب الى الأسفل
حياتى كلها لله
عضو vip
عضو vip
حياتى كلها لله


انثى
تاريخ التسجيل تاريخ التسجيل : 14/09/2012
عدد المشاركات عدد المشاركات : 1132
العمر العمر : 34

كب كيك جوز الهند وصلت Empty
مُساهمةموضوع: رد: كب كيك جوز الهند وصلت   كب كيك جوز الهند وصلت I_icon_minitime6/10/2012, 5:04 am

رووووووووووووووووووعه
الرجوع الى أعلى الصفحة اذهب الى الأسفل
 
كب كيك جوز الهند وصلت
الرجوع الى أعلى الصفحة 
صفحة 1 من اصل 1
 مواضيع مماثلة
-
» واخيرااااااااااااااااا وصلت
» كعكة جوز الهند والجزر
» الكنافه وصلت كل سنه وانتم طيبين
» تررررحيب كيداهم جديده وصلت
» شوربة الكوارع وصلت وبالفيديو كمان

صلاحيات هذا المنتدى:لاتستطيع الرد على المواضيع في هذا المنتدى
كيداهم :: مطبخ كيداهم :: التورت والجاتوهات والكيك-
انتقل الى: