مين بتكوي البانتى بتاعها ..طيب اللى مش بتكويه اجمع عندى بسرع

مين بتكوي البانتى بتاعها ..طيب اللى مش بتكويه اجمع عندى بسرعة
السلام عليكم ورحمة الله وبركاته

ازيكم يا حبيبات قلبي

وحشتونى والله العظيم كتييير ..

سامعة واحدة بتقول لخصي .. حاضر من عنيا .. سؤالى كان مين بتكوي البانتى بتاعها اللى هو الاندر وير

واللى مبتكويهوش متستغربش بصراحة وبدون تزويق انا كنت كدا

حماتى مرة كانت بتحكيلي عن بنتها وتتفاخر كالمعتاد عن بعض عادته ومنها كوي الملابس الداخلية تحديدا الاندر
اول تعليق جه فى دماغى .. ياه هى فاضية للدرجة ديه ولما فكرت ملقتش سبب مقنع غير انها سوري يعنى حفلطة على الفاضي
قال يعنى بتكوي ومحافظة على مظهرها لدرجة انها تكوي كل هدومها حتى الاندر
وطبعا لان حماتى بدورها كانت بتتفاخر .. فانا تفاخرت بجهلى واستكبرت اسأل ايه السبب

لكن الحقيقة ان ليها سبب مهم جداااااااااااااااا وهو قتل نوع معين من الفطريات مش بيموت غير بالحرارة
ودا اللى الدكتورة قالتهولى من كام يوم

كنت بكشف وقالت لى عندى التهابات فقولت لها انا مش بحس بحكة وكمان هدومى بغسلها كويس جداا بسائل غسيل الايدين وتحديدا ديتول مش بمسحوق عشان المواد الكاوية اللى فى المسحوق وكدا

قالت لى الالتهاب داخلي مش شرط تحسي له حكة تانى حاجة عدم غسل الملابس الداخلية بمسحوق خطوة مهمة جداا لكن الاهم
انها تكون بتتغسل بماء دافي وكمان يكون على المية معلقة كبيرة خل تفاح
ثانيا لان الاندرات صعب تتوجه مباشرة لضوء الشمس المباشر فلازم تتكون لان الفطريات ديه والباكتريا بتعيش فى تنايا الاندر بعضها بيروح من الخل لكن باقي الفطريات لازم حرارة عشان تموت

بكدا اكون نقلتلكم المعولمة المهمة وخلص درس المكوة

بس فى ملاحظة للمتزوجات .. خلي بالك ان هدوم زوجك الداخلية هتعامليها بالمثل .. ويفضل انكم تستخدمو ستيال .. محلول تشطيف مطهر
ودا لان النوع دا من الفطريات كمان بيتنقل عن طريق الاعضاء التناسلية .. يعنى ممكن تنقليهوله وترجعى تاخديه تاني منه
ومتقلقيش ملوش اى اعراض ضرره الوحيد ان الالتهابات اللى هيسببها عندك ممكون تكون سبب رئيسي فى تأخر الحمل

وبكدا انا خلصت المفيد واشوفكم على خير من جديد

منقووووووووول

» اللى حرقت حلتها حلها عندى
» اجمع كل بنات المنتدي حالااااا.....سوماااا
» عندى سؤال لماذا......
» عندى اكتئاب ومحتاجة علاج
» ♥ بتعملى ريجيم وجعانة ؟! عندى الحل ♥