♥ بتعملى ريجيم وجعانة ؟! عندى الحل ♥

عايزة تشبعى

وتأكلى اكل نفسك فيه

مش كله سلطات


طيب تعالى معايا والاكلات دى والله عن تجربة ومشبعة


وجبة 1: عندك عدس طيب اعملى لنفسك كده حلة محترمة شوربة بس متكونش خفيفة اوى وتحطى عليها ريحة سمنة يعنى ربع معلقة مثلا

وعادى تعمليه بشعرية وخودى من الحلة دى اربع مغارف فى طبق وقطعى عليها رغيف سن قطع كده صغيرة



بقت ايه فتة جميلة -بموت فيها - معاها ايه بقا طبق سلطة محترم او شرائح بصل معصور عيها ليمون ورشى شوية كمون

انا جوعت اوووى



وجبة 2: عندك لحمة وطبعا الريجيم بيقولك مسلوقة او مشوية

مبتحبيهاش مسلوقة او زهقتى منها مشوية

طيب

هاتى طماطميه وفلفة ونص بصلة

هاتى طاسة وحطى فيها شوية ميه وولعى النار هتسخن جامد طبعا

خضى الطاسة بقا بالبصل والطماطية والفلفلة المتقطعين وقلبى هتقوليل البصلة هتتحرق

لا يا اختى مش هتتحرق الطماططم هتنزل ميه ولو مية الطماطم خلصت حطى شوية ميه صغيرين

ولو خلاص مش قادرة عايزة اى زيت حطى معلقة زيت زيتون

واقعدى قلبى ورشة فلفل اسمر ورشة ملح وشطة لو بتحبى وقطعى حتة اللحمة بتاعتك حتت صغيرة

بس تكونى سلقاها وشوحيها بقا مع الخلطة دى


بقت شبه شاورما اخت شبه المنحرف + طبق سلطة حلو كده ورغيف عيش سن او نص رغيف بلدى

وبالهنا والشفا



وجبة 3: اسلقى صدر الفرخة بسرعة وبعد كده قطعيه قطع " او قطعتين فراخ بانيه

وهاتى طماطمية وفلفلتين ملونين وبنفس طريقة التشويح اللى فاتت تعملى الفرخة بس من غير بصل

وبعد كده حطى الفراخ ع الخلطة والتوابل باقى خطوة اخيرة

هاتى فحمة وولعي العين وحطى الفحمة عليها لحد ما تسخن جامد تحمر

هاتى بقا الطاسة بتاعتك وحطى الفحمة فى النص وغطى بسرررررررررررررررررررعة

وسيبها شوية

افتحى وشمى الريحة وكلى

وسبيلى حتة وبالهنا والشفا وبرضه مع طبق سلطة



وجبة 4 : اسلقى مكرونة واعملى صلصتها بس من غير زيت عادى والله هيبقى طعمها حلو
طماطم معصورة مع فصين توم مع شوية توابل وسبكيها

خودى بقا مغرفتين مكرونة

او 10 معالق بالعدد

وحطى عليهم خلطة الفراخ اللى فاتت وقلبيهم فى بعض مع طبق سلطة والله العظيم هتشبعى جدااااااااا

بس من غير عيش خالص



وجبة 5: هاتى شوية فول حلوين كده 5 معالق مثلا وقطعى طماطم وفلفل وشوحى ع النار وحطى معلقة زيت صغيرة وبعدين حطى الفول عليهم

والتوابل وكمون ونقطتين ليمون + قطعة جبنة قريش قطعى عليها خيارة وفلفة رومى وقلبيهم


تأكليهم بقا ببرغيف عيش سن او نص رغيف بلدى + جرجير