لمطبخ روعه اليكى هذه النصائح

]i]لمطبخ روعه شويه نصيحه مهمه ليكي

لتنظيف سيراميك المطبخ اليكى الافكار الاتية
1ممكن تضعى كلور فى بخاخ وترشى السيراميك وتتنظرى فترة وبعد كدة تمسحية بفوطة وتكونى لابسة جوانتى
2 فكرة تانية ممكن بماء وصابون سايل وبعد كدة تنشفى بفوطة مبلولة بالخل علشان يلمع
3لويعنى المطبخ بقالو فترة ممكن تدعكية بالسلك وشوية مية وكلوروبعدين تنشفى برضو بفوطة وشوية خل اوديتول
4لوبين السيراميك مسود شوية ممكن بفرشاة اسنان مغموسة فى الخل ودة (مجربة )وتدعكى اوكلور
5لو السيراميك حالتة سيى ممكن تستخدمى الجاز تبللى قماشة او سلك وتدعكى او بيرسول لكن احترسى احترسى لان الاشياء دة بتساعد على الاشتعال خلى بالك متكونش كتير يعنى يادوب تبلى السلك او القماش مش تغرقى الدنيا
لمطبخ روعه شويه نصيحه مهمه
لتظيف الشفاط اليكى الطرق الاتية
1ممكن تفكى الشفاط وتنقعية مدة فى مية دافية وصابون وبعد كدة تدعكية بالسلك
2انا بنضفة بالجاز بلبس كيس بلاستك وباخد شوية جاز على سلكة اوقماشة قطن وادعك بتشيل كل الدهون بسهولةو بعد كدة اغسلة بالمية والصابون
3فى ناس بترش علية شوية بيرسول اومبيد وتمسحة منة نظافة ومنة حماية من الحشرات
4ناس تانية بتنضفة بالتنر
اممكن تنضفى كمان الهيكل المعدنى بعد ماتفكى المساميربالجاز ولاماكن الضيقة بفرشاة مغموسة بالجاز
5فكرة تانية انك تنضفة بمية وكلور وصابون وتدعكى بالسلك

لحماية المطبخ عامة من الدهون التى تتراكم علية
1ممكن تغلفى مواسير الغاز فى المطبخ بالفويل لسهولة تنظفها وحمايتها من انها تزيت وتتراكم عليها الدهون والاتربة والزيوت
2ممكن تضعى فوق دواليب المطبخ ورفق الجرايد لحمايتها من الاتربة والزيوت
3ممكن لو ورق الجرايد مش مناسب ليكى تغليفها بالكنج فلم (بلاستك فل ) السندوتشات
4ممكن برضو تغطية بالفويل ولو ان الفكرة دة مكلفة شوية بس هتوفر عليكى تنظيف ومجهود وممكن وانت بتنضفى تمسحية مش تغيرة كل شوية ودة الهدف منة حماية خشب المطبخ
5لوعندك المطبخ متقفل تحت الحوض لازم تهتمى انك تنشفية اول ما يجى علية مية لان دة هيحمى الخشب من التشقق
6كمان لازم ترشى تحت الحوض باى مبيد لانة بيكون مكان رطب وعرضة للحشرات
7لغسل وتنظيف خشب المطبخ فى نوعيات خشب مغسول او دهان مغسول يعنى المية مش بتاثر فية تغسلية بليفة ومية واى منظف ساءل وتنشفية
8ولو المطبخ المونتال مفيش مشكلة برضو من المية تغسلى وتنشفى ولتنظيف مجرى الالموتال ببالفرشاة الصغيرة وتنشفى كويس
9لومطبخك اوستر لا تستخدمى المية والصابون فى تنظيفة لان دة هياثر على الخشب لازم تهتمى اول ماحاجة تتسخ تمسحية بفوطة مبلولة بسيط ومتدعكيش لان الدعك هيطلع الدهان ممكن تستخدمى البليدج اوفى مناديل منظفى للاثاث
لمطبخ روعه شويه نصيحه مهمه[/i]

d]]رجعالكم تانى وباقى تنظيف المطبخ[/i]

:D

لتنظيف الثلاجة اليكى اللافكار التالية

1لاتضعى فى الثلاجة طعام بدون غطاء لانة هيتتسب فى رايحة للثلاجة اوانة هيكتسب رايحة من طعام اخر

2لو فى الثلاجة راzحة ممكن تضعى شوية لبن مكشوف سيمتص الرائحه اوخل ابيض اوقطعة فحم

3اى اكل فاسد تخلى منة فورا ولو عندك باقى اكل ولو كمية بسيطة وعايزة تحتفظى بيها ضعيها فى الفريزر فى علبة

4لغسيل الثلاجة بالماء والصابون وتنشفى بفوطة جافة

5ممكن كمان تمسحى بماء وخل للتخلص من الروايح الغير مستحبة

6لا تضعى فى الفريزر على الرف السلك اكياس بها طعام اوخضار لانها لما تتلج هتاخد شكل السلك وتنزل بينة وبيكون صعب اخرجها

ضعيها اولا على صنية اوطبق فويل بعد ماتتلج ضعيها على الرف لسهولة اخرجها

7اى شى انت متبلة وهتضعية فى الفريزر ضعى بينة اكياس نيلون علشان ميلتصقش ببعضة

لتنظيف الفريز افصلى الثلاجة 15 دقيقة واخرخى كل الاطعمة اللى فية وامسحية باحدى الطرق السابقة

8خلى بالك من انك تضعى بصل اوتوم فى كيس وفى الفريزرلان الريحة هتتنتشر ضعيها فى برطمان اوعلبة جيدة الغلق ومربوطة بكيس

9لو لاقيتى الفريزر له رائحه عليكى بالخل

10لانتسى انك تنظفى الثلاجة من الخارج بفوطة ومية وصابون وتنشفى كويس

11 لتظيف اماكن وضع البيض والزجاجات بالمية والصابون للكن لا تضعى البيض والمكان رطب حتى لا يلتصق..بكدة نكون نظفنا الثلاجة

يتبع

حاجات تسهل عليكى الشغل فى المطبخ

1ضعى ساعة اومنبة صغير فى مطبخك علشان الوقت مياخدكيش ويضيع عليكى مثلا ميعاد الصلاة او ميعاد وصول زوجك

2ضعى صابونة فى المطبخ لغسل ايدك بدل ما تروحى وتيجى كل شوية للحمام

3لاتنسى ان تضعى على الثلاجة ورقة بالاذكار وتقوليها وانت بتشتغلى لاستفادة من الوقت وتاخدى ثواب

4ضعى كل الادوات والمنظفات عندك فى المطبخ واذا كنت مش عايز تشترى الحاجة مرتين للحمام والمطبخ ممكن تقسمى الصابون مثلا او

الكلور زجاجتين واحدة فى المطبخ واحدة فى الحمام

5ضعى ورقة وقلم فى المطبخ لتكتبى كل ما ينقصك بسهولة اى حاجة انت محتاجها دونيها على طول علشان متنسيش

يتبع
:hjg:

لتنظيف باسكت الزبالة اليكم الطرق الاتية

1اغسلى الباسكت بالمية والصابون واتركية يجف وضعى كيس مناسب فية

2ممكن تضعى كسين داخل بعض علشان ميسربش لو فى اى حاجة فيها مية

3ممكن كمان تضعى كرتون المسحوق الفاضى اوكرتون اوكرتونة البيض او ورق جرايد

4للحفاظ على الباسكت من غزو الحشرات ممكن رشة مبيد او رشة ديتول

6نيجى للزجاج المكسور وسنون الحقن لفى الزجاج المكسور بورق جرايد وفى كيس بلاستك علشان متسسبش اى مشكلة سنون الحقن فى

غطاها البلاستك وتتلف بورق وكيس علشان متنقليش العدوى لحد فلا ضرر ولا ضرار كما قال الرسول صلى الله عليه وسلم

7ديما غطى باسكت الزبالة وممكن تضعى ورق جرايد بعد ماترمى اى حاجةفية

8لا تتركى اى بواقى اطعمة فى الباسكت ديما تخلصى منها بالليل حتى لا تكون سب فى وجود الحشرات

لتنظيف فوط المطبخ اليكى احدى الطرق الاتية
ذ
1استخدمى فوطة ليكى ولازم تكون قطن والمساكات كمان لازم تكون قطن علشان متنقلش الحرارة ليكى لو الياف صناعية

2اغسلى الفوط بعد الاستخدام وانقعيها فى مية وصابون وبعد كدة ضعيها فى الغسالة

3ممكن تجمعى الفوط وتغسليها مع بعض وتحطى المنعم لتكون رحتها جميلة

4ممكن تغليها فى مية وصابون وشوية كلور الوان اوديتول وبعد كدة تشطفيها بالمية وتضعيها فى كيس الشربات وعلشان ما تتخلطش

بالغسيل وتغسليها فى الغسالة عادى

5لاتتركى اى فوطةمبلولة حتى وان كنت مش هتغسليها بسرعة علشان (متعفنش)اتركيها فى الهواء لتجف وبعدين ضعيها فى سبت الغسيل

6ممكن تعملى سبت اوطبق مخصص لجمع فوط المطبخ علشان م تختطلتش بالغسيل

7يمكنك استخدام الملابس القطنية القديمة بعد قصها الى قطع فى مسح الاشياء المتسخة زى الشفاط والبوتجاز وبعد كدة ترميها علشان فوط

المطبخ متتبقعش وتتسخ بزيادة وتحافظى عليها وقت طويل

يتبع

:hjg:

نصائح عامه:
1لاتضعى الليمون على رخام المطبخ مباشرة لانى هييتسسب فى بقع بيضا على الرخامة كمان البرتقال والخل اى شى حمضى

2طبعا احنا بنقضى ساعات طويلة فى المطبخ مفيش مانع انك تزينى المطبخ علشان يفتح نفسك حتى ولو كان صغيرة بفازة او اكسسوارات

للمطبخ زى شوكة او فواكة

3لو عندك معالق كتير شليها فورا وضعى فى الصفاية على قدكم

ممكن تستخدمى كولمن للماء البارد بدل الفتح والقفل فى التلاجة وملى الزجاجات

6حاجة عايزة اقول لكم عليها ممكن ساعات المية تقطع فجاة ويكون حد فى الحمام او عايزة تعملى حاجة ضرورى لازم تحتفظى بجركن ماء

وخصوصا لو عندك اطفال

لو تلاجتك فى المطبخ غطيها من فوق بمشمع اوفويل او حتى ورق جرايد علشان متزيتش ويصعب تنظفها

7من الحاجات اللى بتعمل فوضى فى المطبخ الاكياس البلاستك اى كيس غير نضيف تخلصى منة فورا لانة وجودة بيساعد على وجودة

الحشرات

8لوفى اكياس نظيفة مفيش مانع تحتفظى بيها بعد مطبقيها كويس وتشليها فى كيس كبير اوعلبة اودرج

9ممكن تحتفظى باطباق الفويل بتكون فيها الجبن لو نظيفة (يعنى ميكنش فيها لحوم )اطباق الجبن الحلاوة اغسليها وضعيها فى داخل بعضها

وكيس بلاستك علشان متعملش فوضى واستخدمها لما اتبل لحوم او بانية او كفتة

فى بعض الاشيا ءزى البقسماط او الردة او الفريك بتسوس لو اتخزنت حتى وان كان وقت قصير بضعها فى برطمان واحفظها فى الثلاجة

نيجى لحاجة فى المطبخ خاصة بيكى انت مريلة المطبخ لازم المريلة طبعا علشان تحمى هدومك بنصحك انك تشترى مريلة شيك وجميلة

لانك بتقضى بيها وقت طويل وممكن زوجك يشوفك بيها لا مش ممكن دة اكيد فلازم تكونى جذابة حتى فى مريلة المطبخ

1لازم لازم المريلة تتغسل كل ماتتسخ وتكون رحتها حلوة

2خلى عندك اكتر من مريلة علشان لو غسلتيها اوجالك ضيف وحب يساعدك او زوجك (فى الاحلام طبعا)

3احترسى فى مرايل بتتباع فى 2 ونص ملونة دة بتبهت على الهدوم

4لا تستخدمى مريلة وشها بلاستك وانت واقفة امام النار لانها بتنفل الحرارة

5ممكن تغسلى المريلة على ايدك بماء وصابون او تضعيها فى الغسالة بعد ما تطبقيها وتضعيها فى كيس الشربات برضو علشان متختلطش بالغسيل

تنظيف الادوات الكهرباءة اللى فى المطبخ

اهم الادوات الكهرباية فى المطبخ هو الخلاط ولتنظيف الخلاط اليك الاتى

1غسل شفشق الخلاط بعد كل استحدام بالماء والصابون

2ممكن وضع ماء وصابون ونشغل الخلاط بعد ذلك هنلاحظ ان تنظيفة اصبح اسهل

3خصصى مطحنة للتوابل ومطحنة للمكسرات علشان رايحة التوابل ماتتنتقلش للمكسرات

4 لنظيف الجزء الخاص بالماتور بفوطة مبلولة بميى وصابون وامسحية مش تغسليى بالماء حتى لا يحترق الماتور

5لتنظيف بين الازرار بفرشاة اسنان مغموسة بماء وصابون اوكلور

6لتنظيف اى اداة امسحى جزء الماتور بفوطة مبلولة بالماء والصابون واى جزء ممكن يتغسل اغسلية بالماء الجارى وانشفة زى مثلا

عصارة البرتقال محضرة الطعام وووو

نيجى لاكتر حاجة مزعجة فى المطبخ وهىالبوتجازولتنظيف البوتجاز اتبعى الاتى

1نظقى البوتجاز اول باول لا تتنتظرى لبعد انتهاء اليوم لان فى حاجات لو سقطت علية هتسودو وتعمل ريحة مش كويسة زى اللبن والشربة

2ممكن تنظفى بالليف والسلك والصابون

3لو محتاج تنظيف شوية يبقى بشوية كلور وسلك بس خلى بالك لان فى بوتجازات ضاجها بيقشر من السلك

4فى منظف بوتجازات اسمة سيف انا مجربتوش بس سمعت انة كويس

5لتنظيف مفاتيح البوتجاز ممكن خلعها ونقعها فى ماء وصابون وغسلها بعد ذلك او تنظفها بدون خلعها بفرشاة اسنن مغموسة فى ماء وصابون

لنظيف عيون البوتجاز اتبعى الطرق الاتية

1ممكن نقعها فى ماء وصابون وكلور وبعد ذلك تدعكها بالسلك

2ممكن تغليها مع عصير ليمونة وبعد ذلك تدعكيها

3ممكن كمان بعض الخل يودى الغرض

4اغسلية وجفييها جيدا وامسحى الشعلات

وركبيها تانى

لتنظيف الفرن عليكى الاتى

1امسحى الفرن لو فيها دهون بقطعة قماش وهى ساخنة لان ذلك سيكون سهل

2ممكن تسكبى بعض الخل فيها

3قرات فى مجلة ان ورق الجرايد يجعل الفرن لامعةاذا مسحتى بية بس لم اجربة

4جوانب البوتجاز ممكن تدعكيها بالليف الخشن او السلك ونتنشفى بعد ذلك بفوطة ناشفة

يتبع

:hjg:

اهتمى بصحة اسرتك من داخل المطبخ بعض النصايح لصحة الاسرة

1استخدمى ليفة للاكواب وليفة للاطباق

2استخدمى قطاعة للخضروات وقظاعة للحوم حتى واغسلى قطاعة اللحوم بالكلور او الخل لقتل السلامونيلا الموجودة فى اللحوم والدواجن الى الخضروات

3استخدمى سكين لتقطيع الخضروات والبصل واخرى للفواكة

4امسحى رخام المطبخ برشةمية وديتول او خل او كلور اى حاجة مع الية لتعقيمها

5لاتتركى اى طعام بدون غطاء

يتبع

لتنظيف اوانى المطبخ اولا الاكواب والمجات

1انقعها بماء وصابون وشوية كلور وبعد كدة اد عكيها بفرشاة الاسنان

2لتظيف الاطباق البلاستك نفس الفكرةالنقع والدعك

4يفضل عدم استخدام العلب البلاستك لحفظ الطعام مثل الخضار لانى بيغير لونها استخدمة زجاجاو صاج لسهولة التنظيف

5لاعادة بريق المعالق انقعيها فى ماء وصابون وبعد كدة لو فيها حفر استخدمى الفرشاة الصغيرة

:hjg:

لوضع اللمسات الاخيرة

1لازم الحوض يدعك بالسلك والصابون وممكن شوية ديتول او كلور لقتل الميكروبات

2تخلصى من اى مشوة اومكسور فى المطبخ لانة ممكن يجرح ايدك مثلا طبق مكسور فى جزء صغيراوكوب ارمية على الفور اواستخدمية فى

وضع فرش السنان بعد تزينة لكن لا تاكلى اوتشربى فية

3ممكن تزينى كرتونة المسحوق وتضعى فيها بعض الاشياء مثلا الجرايد او رول الفويل

4شبشب البيت يكون غيرشبشب المطبخ لان ساعات المطبخ مش بيكون نظيف والشبشب يتوسخ وتخرجى بية تلاقى السجاد اتسخ

5من وقت للتانى حاولى تجددى فى المطبخ يعنى مثلا اشترى فوط جديدة او اشياء توضع على الثلاجة ولو انت من هواة الاشغال اليدوية

ممكن تعملى دة بنفسك ولو حاجات بسيطة هتغير وتجدد من شكلة ومن نفسيتك

احبكم فى الله

:hjg:

تسلم ايدك شويه نصائح فى الجون
:yjh:

يعطيكِ الف عافية
على الطرح المميز
في إنتظار جديدكِ القادم
دمتِ بخير

موضوع متكامل فعلا
برااااااااااااااااااااااااافو

» بعض النصائح للبشره المختلطه
» بعض النصائح لانقاص الوزن
» أسوء النصائح لرعايه الاطفال
» أهم النصائح خلال فترة النفاس
» سيدتي…انصحي طفلك هذه النصائح