ازاي تعرفي ان نسبة حدوثك للحمل عاليه قبل الجواز(معلومه)

ازيكن يا احلى صحبة وحشتوووووووووووووووونى
يارب كلكوا تكونوا بخير
بصوا بقى الموضوع اللى انا جمعتكم علشانوا موضوع تحفة ها يعرفك ان الحما حما والعمة عمة حتى لو كانوا من الفراعنة
كانت يا ختى الحما من دول هى وبناتها تقعد تدور على عروسة لابنها واول ما تلاقى العروسة المنشودة
تبتدى دور الحما بس بطريقة مختلفة
كانت بتعمل ايه
قولتلى كانت بتعمل ايه
كانت بتروح للعروسة من دول ومعاها عصير
سامعة واحده بتقوللى عصير ؟
اقولها اه عصير
بس عصير ايه يا حلوين
عصير بطيخ مخلوط بلبن واحده لسه والده جديد
ولاااااااااااااااااااازم يكون اللبن من واحده لسة والده عشان الحما تعرف تشوف شغلها
كانت ياختى تدخل على العروسة من دول وفى ايدها العصير وبعد ما تتوفر فيها الشروط اللى احنا عارفينها
اللى هى شروط مارى منيب ههههههههههههه
بعد ما الحما تعمل فى العروسة اللى عملته مارى منيب فى لبنى عبد العزيز وتتأكد ان الشعر مش عيرة وان السنان مش طقم والكلام المعروف ده
تروح ساقياها العصير
وتستنى تشوف النتيجة بعنيها وهى ان العروسة لو رجعت تتم الجوازة
ولو ما رجعتش يبقى مفيش جواز
واحده تقوللى ايه اللى بيحصل وليه لو رجعت تتم الجوازة وليه لو ما رجعتش ما تتمش الجوازة
اقولك ان اللى ها ترجع من العصير بتبقى خصوبتها عالية وماعندهاش مشاكل تمنع الحمل
واللى مش ها ترجع تبقى ما بتخلفش ومفيش فايده منها
شوفتوا بقى ستات اللذينة بتوع الفراعنة كانوا حماوات وعمات خارقات
عايزين يتاكدوا ان العروسة شاده حيلها من قبل الجواز
مش لسه ها يستنوا لما تتجوز ويقعدوا كل شوية يسالوها عن الخلفة ولما تتاخر يقعدوا يقولولها شدى حيلك شدى حيلك
والغلبانة يا عينى مش عارفة تشده ازاى
فا كانوا بيعملوا كده عشان يتطمنوا على مستقبل ذرية العيلة
شوفتوا عبقرية الناس دى
من غير تحاليل ولا اختبارت ولا معامل ولا دكتوراه متخصصة كانوا بيعرفوا
الناس دى كل يوم بتـأكد بتاريخهم للعالم كله انهم كانوا اعظم حضارة عرفها التاريخ
على فكرة انا كنت سمعت المعلومة دى من دكتور فى برنامج على التليفزيون

وفى معلومة كمان اثبتها التاريخ الحديث
وهى ان التقيم ما بيوجعش الايد ولا حاجة
يعنى ايدك مش ها توجعك لو قيمتى الموضوع يا قمر منك ليها
بحبكوا كلكوا فى الله

اول مرة اسمع المعلومة دى يا يويو ههههههههههه تسلمى