طريقة سهله لعمل سويسرول

السلام عليكم

طريقة عمل السويسرول


انا عن نفسى بموت فيه بس بخلى اخويا هو الى يعمهولى


الكمية تكفي:10 أشخاص

المقادير:
:250 جرام سكر ( كوبايه تقريبا )
8 بيضات
250 جرام دقيق منخول ( 2 كوب )
1/2 معلقة كبيرة بيكنج بودر
شوية فانيليا صغيرين خالص
مربى فراوله / او كريمه مخفوقه شيكولاته
سكر ناعم
صينية مربعه او مستطيله

التحضير

اضربى السكر و البيض و الفانيليا بمضرب البيض لمدة ربع ساعه كده أو لغاية ما تحسى ان حجم الخليط بقى الضعف و أبيض كريمى
حطى الدقيق و البيكنج بودر شويه شويه و قلبيهم براحه لغاية ما تبقى عجينه سائله بس مش اوى زى عجينة الكيكه كده
حطيهم فى الصينيه بس خلى بالك تكون الصينيه مش بتلزق تيفال مثلا او تدهنى الصينيه بحبه سمنه صغيرين و الكيكه ماتكونش عاليه يعنى المقادير دى ممكن تعملك صنيتين

الطبخ
تحطيها فى فرن حرارتها 220 طبعا بتكونى مسخناها قبل ما تحطى الكيكه و سيبيها لمدة 10 دقايق تقريبا لغاية ماتلاقيها كده كشت و بدأت تبعد عن جوانب الصينيه
رشى رشه كبيره من السكر على المكان اللى هتنقلى الكيكه فيه عشان تزوقيها و اقلبى الكيكه عليه و سيبيها تهدى شويه و بعدين افردى عليها المربى او الكريمه بالشيكولاته و لفيها و غلفيها بورق المونيوم و حطيها فى التلاجه و بعدين طلعيها و قطعيها







اتمنى ان ينال اعجابكم

تسلمى ايدك حببتى بس لما اخوكى يعملة اعملى حسابى معاكى