القرنبيط بالصلصة

بنجيب القرنبيط ونسلقه في ماء وكمون وملح بسيط لغاية هنا عادى بعد كده نبرده ونسيبه شويه في مصفاة يبرد
في هذه الاثناء باحضر الصلصة عادى نشوح بصل وثوم ونضيف عصير طماطم وبهارتك بقي كمون فلفل اسود ملح وسيبيها تتسبك
هنجيب القرنبيط نحمره قليلا ومن غير بيض باكرر اهو من غير بيض ولا اى حاجة خالص بس باقلبه في الزيت ياخد لون دهبي بسيط واسيبه علي منديل يشرب الزيت اللي فيه وكل شوية غيري المنديل لغاية ما يصفى الزيت خالص
بعد كده اما الصلصة تتسبك حطى القرنبيط المقلي من غير بيض ادينى باكررعشان متبقاش مأساةحطيه يغلي غلوتين واما يشرب الصلصة شوية اطفي عليه وممكن بعد ماتقليه وتصفيه تحطى الصلصة عليه ودخليه الفرن شوية
المهم اما تيجى تغرفيه اديله عصرة ليمون بسيطة اوى هتمززه وتخليه رهيب
وبيتاكل عادى مع ارز ولحم او فراخ زى اى خضاروممكن بعيش مش هيعترض خالص
الف هنا مقدما بس جربوه وادعولي

تسلم الايادى يا ام عمار