موضوع: تعاللي معايا اعملي شعرك ها لايت 21/8/2012, 1:00 am
السلام عليكم ورحمة الله وبركاته
ازيكم يا احلى بنـــــــات ياربت تكونو بكل خير
طبعا أنا عارفة أن كلنا بنبقـــــــــــى نفسنا نصبغ شعرنـــــــا بس بنخاف من اضرار الصبغة ده غير التكاليف
وأنا النهارده جيبلكو طريقة هتفدكو من الجهتين التوفير و الاضرار
نبــــــــــدا ونسمى الله اولا
الأحتياجات ال هتستخدميها
1 - صبغة بايجن بنى غامق
2 - صبغة باليت أشقر فاتح
3 - صبغة باليت أحمر ف حالة لو حبيتى تعملى هايلات متداخل فيه 3 الوان زى كده
4- أكسجين 20
نيجى بقــــــــا للطريقة
أولاً :
هنصبغ شعرنا بصبغة يايجن وطبعا كلنا عارفين ان صبغة بايجن من غير امونيا وخفيفة جدا ع الشعر والغرض من اللون البنى اننا نفتح الشعر كله عشان يبقى الهايلايت متداخل مع اللون البنى مش مع الون الأسود
وهى ما بتقعدش كتير على الشعر بالكتير ساعة وتغسلى شعرك وتسبيه ينشف او تنشفيه بالسيشوار
ثانيا :
تجيبى صبغة باليت اللون الاشقر وهنلاقى معاها اكسجين بتاعها نحطه كله ونحط شوية من الاكسجين 20 ونقلبها
ونبتدى نشوف لو عاوزين ميش يبقى هتبقى الخصل رفيعة و دى هتحتاج طقية بتشتريها من الصيدليه وده شكلها
بتحطيها على الشعر وتبتدى تجيب ابرة كورشيةعرفنها ونمسكها نفس الماسكة ال فى الصورة ونطلع بيها من الاخرام ال ف الطاقية كام شعراية رفيع من كل خرم وبعدين نجيب الصبغة ونزعها بفرشة على الطاقية من فوق على كل الشعر ال طلعناه فوق الطاقية
ونجيب شيشوار ونبتدى نمشيه على شعرنا من فوق من غير ما يلمس الشعر خلى بالكم ولو ما فيش سيشوار نسبها وهى هتنشف وتدى لون لوحدها مش مشكلة
و نقعدها لحد ما تدى الدرجة ال احنا حبنها وبعدين نغسل شعرنا كويس هتدينا الشكل ده
طيب نفترض احنا عاوزين ندخل ميش من 3 الوان زى كده
هتبقا نفس الخطوات ال فاتت مع زيادة خطوة واحدة هنغسل شعرنا بعد الميش ال عملناه فوق ونشفه كويس ونجيب الطاقيه تانى ونحطها على الشعر ونجيب صبغة باليت الحمرا ونحط الاكسجين بتاعها عليها وشوية بسيطة اكسجين 20 و نقلبها
ونبتدى نوزعها على الخصل ال طلعنها فوق الطاقية ونقعدها برده لحد ما تدى اللون ال احنا عوزينه ونغسلها هتدينا الشكل ال شوفناه فوق
نيجى بقا لو عاوزين خصل عريضة وهو مايسمى بالهايلايت هنستغنى خالص عن الطاقية وهنحتاج ورق الالمونيوم ال بنستخدمه ف الاكل دد نجيبو ونقطعو قطع عريضة وطويلة ونجيب خصل من الشعر ونحط ورقة المونيوم تحت كل خصلة هنصبغها ونبتدى نحط الصبغة على الخصلة ونغلفها من اليمين والشمال ومن تحت بورقة الالمونيوم
زى كده
وطبعا النتيجة هتبقى ان شاء الله خصل عريضة زى كده
طبعــــــــا الطريقة دى اخف ضرار فى ايه اننا هنريح الشعر من اننا نحرقه بصبغتين عاليتين فوق بعض واحدة للشعر كله وواحدة للخصل فخففنا الضرر بصبغة مافيهاش امونيا وخفيفة جدا على الشعر للشعر كله وواحدة للخصل فيها ضرر بس بسيط لا يقارن ببودرة التفتيح ال كل الكوافيرات للاسف شغلين صبغ بيها وبتحرق جدا الشعر وبتدمره
الرئيسية 
المنشورات 
28/2/2024, 4:12 pm
تاريخ التسجيل
عدد المشاركات
موضوع: تعاللي معايا اعملي شعرك ها لايت 
21/8/2012, 1:00 am
