موسوعة ست البيت الشاطره فى كيداهم وبس.. تعالوا بسرعه..

ازيكم يا قمرات المنتدى
موضوعنا النهارده موضوع جديد ومفيد
كل واحده فينا مهما كانت خايبه فى البيت او المطبخ
ففيه حاجه اكيد اتعلمتها من مامتها من جارتها من صاحبتها او جربتها
حاجه مفيده
فكره موفره
كل واحده فينا تدخل تكتب فى كل مشاركه حاجه من دى
ممنوع تدخلى تردى وتشكرى وتسلمى من غير ما تفيدينا بحاجه من دى
وانا هابتدى وكل فتره هازود حاجات
عاوزينها موسوعه بجد
* لو نقعتى اى هدوم فى ميه وكلور ومسحوق او حتى كلور الوان بس ماترميش الميه استخدميها فى تنظيف الحمام.. ممكن ترميها على الارض وتدعكى بالفرشه وتنضفى بيها الحوض والتواليت.. تبقى نظافه سريعه واستغليتى الميه..
* لما تنقعى الرز ماترميش ميه النقع.. حطيها فى اناء على جنب ولما تخلصى طبيخ اشطفى بيها وشك واتفرجى على البياض والنعومه..
*لما يكون عندك سمك ومش عاوزه الراس او جمبرى بتقشريه عشان تعمليه مقلى ومقشر ماترميش القشر والراس.. اجمعيهم وشيليهم فى الفريزر.. ولما تحبى تعملى شوربة سى فود اسلقى الروس وقشر الجمبرى مع بعض مع بصل وصفيهم واستخدمى الشوربه كقاعده لعمل شوربة السى فود عشان اتطلع زى المحلات بالظبط
ها
ادى تلات نصايح
مين يزود؟؟؟

يا عبيب هارتى من جوة يا قدارة ربنا ما يحرمنى منك و لا من نصايحك ابدا
انا بقى ممكن اشارك بحاجة متواضعة لما يكون عندك كمية بطاطس كتير بدل ما تبوظ و تدبل و تترمى قطعيها صوابع تخينة شوية و سخنى زيت غزير و اقليهم ربع قلية كدة يادوب القشرة تبدا تصفر صفار خفيف و انشليهم فى مصفة لحد ما يصفو كل الزيت و حطيهم فى اكياس و هوب على الفريزر و لما تحتاجى تسخنى الزيت اوى و تطلعى من الفريزر على الزيت على طول هتطلع مقرمشة اوى من برة و طريه من جوة و مش هتاخد خمس دقايق بتتحمر على طول كدة حافظنا على البطاطس انها متترميش و فى نفس الوقت وفرنا وقت تقشير و تقطيع فى كل مرة
نصيحة اتنين كل التوابل الىل عندنا نخلى منها كميات صغيرة اوى فى متناول ادينا و الباقى نشيلة فى التلاجة و منطحنش كتير منها نطحن كل فترة كمية صغيرة على اد استعمال اسبوع مثلا كدة حافظنا على التوابل انها تبقى ريحتها قوية و تبقى طازة كل مرة نستعملها و برضة انا كل فترة هحط نصيحة كل ما افتكر حاجة هنزلها

ده ايه ده
اى الروعة دى
تسلمى حبيبتى موضوع تحففففففففففففففففة
لى عودة مرة اخرى

تسلمى غاليتى
رووووووووووووووووعه
تسلم الايادى

حلو اووووووووووووى بس ياريت دياما نرفعه وبلاش كسل يا بنات يا عسسسل