اقضى على القشرة بأسهل طريقه واقل سعر ومن اول غسله

هقولكم والله

انا بقى جربت كل انواع الشامبو اللى سعرها غالى كمان

ولا حاجه نفعت معايا




عارفين هتجيبوا اى شامبو من اللى بتستعملوه وتحطوا عليها واحدة اسبرين ريفو

اسبرين ريفو القرص بخمس قروش بشلن يعنى

الطريقه بقى



انتى بتستعملى الشامبو اد ايه فى الغسله الواحده مثلا اد كف ايدك



هتجيبى حبة الشامبو وتحطيهم فى كوبايه عاديه وتحطى عليهم الاسبرين الريفوطبعا قرص واحد



وتفركيها كويس وزوديها ميه



وتقلبى حبة الشامبو وتبلى شعرك وتروحى حاطه الشامبو اللى فى الاسبرين على شعرك



وتسيبيه على شعرك لغاية ما تغسلى جسمك كله يعنى المده 5دقائق تقريبا



وبعدين تشطفيه



والله من اول غسله القشرة راحت



وبتقعدى فترة طويله ومبتظهرش القشرة تانى

التفسير العلمى
للموضوع دا



هو لان الاسبرين عباره عن ماده اسمها السلسيلك اسيد او حمض الساليسيلك
والحمض ده بيفكك الطبقه بتاعه القشره وبيخليها مش متشابكه فمتنموش نموها
الصحيح وتبتدى تتكسر وتقع بس الشامبو يكون نوعه طبى ولا عادى فى نقطة كمان
الشامبوقلوى والاسبرين حمضى بيعادله وبالتالى يخف التاثير المؤذى للشامبو