رز بني بالمكسرات

رز بني بالمكسرات
المقادير:
2 كوب أرز
4 ملاعق كبيرة زبدة
1/ 2 كوب زبيب
3 ملاعق كبيرة سكر
2 1/ 2 كوب ماء أو شوربة
1 1/ 2 كوب مكسّرات (أي نوع تحبّيه)
ملح

الطريقة:
1- اغسلي الأرز وصفّيه كويس من الميه.

2- حمّري المكسرات في ملعقتين زبدة، وبعد كده طلّعيها على مناديل ورقية، وخلّي بالك إنك لو هتستخدمي أكتر من نوع المكسرات يبقى بتحمّري كل نوع لوحده.

3- في نفس الحلة اللي حمّرتي فيها الزبدة، ضيفي باقي الزبدة اللي عندك، وحمري فيها السكر لغاية ما يبقى لونه بني.

4- بعد كده ضيفي الرز على السكر والزبدة، وقلّبيهم مع بعض كويس لغاية ما الرز يبقى لونه بني، وبعدين تبّليه بالملح على حسب ذوقك.

5- في الآخر ضيفي مقدار الميه أو الشوربة اللي عندك، وغطّي الحلة وسيبيها على نار عالية لغاية ما الميه تبدا تغلي، وبعدين هدّي النار خالص وسيبي الرز لغاية ما يستوي على نار هادية.

6- بعد ما الرز يستوي ضيفي الزبيب ونصف كمية المكسرات اللي حمّرتيها، وقلّبيهم مع بعض كويس.

7- عند التقديم، حطّي باقي كمية المكسرات اللي عندك في صينية وافرديها في القاعدة، وصبّي فيها الرز وساويها كويس؛ بحيث إنه يبقى شبه الكيكة، وبعد كده اقلبي الرز في طبق التقديم.. وبالهنا والشفا.

برااااااااااااااااااااااااااااافو

تسلم الايادى