بمنتهى البساطة درج التسريحة عندى عبارة عن كارثة مرورية كأنك راكب الاتوبيس فى عز الحر ومزنوقة ومش عارفة تخرجى منه (قنبلة زمنية موقوته )
طبعا لما تتفرجوا على الصور هاتعرفوا انا قصدى ايه
خير اللهم اجعله خير جيت فى يوم وقلت لااااااااااااااااااااااااااااااااااا كده كفايه قوى لحد كده وخلاص مش قادرة استحمل منظره لازم يتروق ويتنضف دا بقالة يمكن 100 سنة ما اتروقش ......... وقولت لازم اصورلكم الحدث الهام اللى حصل عندى عشان دى مش هاتتكرر تانى
روحت لابسة الخوذة واتسلحت بجميع الاسلحة كويس وسميت بالله وبدأت
بسم الله
اوعوا تتخضوا من فضلكوا
وكده بعد ما شيلت شنط المكياج الكبيرة
كل حاجة ممكن تلاقوها هنا ورق وفلوس ومكياج وفرش وتوك وايصالات النور والدبابيس واكسسوارات كل حاجة موجودة وبدات اشيل الحاجات واحدة واحدة وارتبهم على التسريحة من فوق مجموعات
الحمد لله بدأ الدرج يفضى
المهم فضيته خالص ونضفته ومسحته بحتة مبلولة ومعصورة كويس قوى
و جيبت ورق فضى من اللى بيتفرش على ارفف المطبخ وقصيته وفرشته جوا الدرج
وكان عندى فواصل الوميتال بتاعت شباك قديم ........ قسمت بيها الدرج وبدات ارتب الحاجة
اللى هاتدخل وتخرج من غير تعليق هازعل منها عشان انا ده اكتر موضوع تعبنى جدا لانى كنت كل شوية اجيب الموبايل واصور وانا ف وسط المعمعه واولادى بقى لما شافوا الدرج طلع من مكانه وكل الهيصة دى طلعت يا فرحتهم يا فرحة قلبهم بقوا مش عارفين يلعبوا بأيه ولا أيه وانا واقفه فى النص شبكة باحوش واروق واصور
كل تنضيفة وانتوا بخير على لقاء مرة اخرى مع درج الشرابات
الرئيسية 
المنشورات 
28/2/2024, 4:12 pm
تاريخ التسجيل
عدد المشاركات
موضوع: لوووووووووولى درج التسريحة بتاعى اتروق ... (بالصور خطوة خطوة 
24/7/2011, 7:57 am
