ممبار اوعوا تروحوا اي مسمط تعالوا هنا

الممبــــــــــــــــار وفتـــــــة الكـــــوارع .... اوعوا تروحوا أى مسمـط

ممبار اوعوا تروحوا اي مسمط تعالوا هنا 24-3-2011-9-24-9368

اسم السلسلة:
مطبــــــــــــخ SemSem

ما أروع إنك تنفذى أطباق جديدة فى مطبخك بكل حب لأسرتك بتكاليف بسيطة .... وتنفيذ أبسط ... وبعيدا عن التقليدية

أكلتنا
النهاردة أكلة لذيذة جدا وبتسبب للأسف كتير من المشاكل فى معظم بيوتاتنا
المصرية وأنا واحدة من الناس لو مكنتش اتعلمتها وأتقنتها فى بيت الأسرة
بسبب عشق والدى ليها كان زمانى كل يوم فى مشكلة ( مطبخية ) لأنها أكلة
بيجمع عليها كل أفراد أسرتى الصغيرة والكبيرة وبتتطلب منى فى معظم (
العزومات ).... ولأن الأكلة دى بتحتاج ( نضافة ) متقنة وإلا مش ح تبقى
مرغوب فيها فمش ممكن ناكلها برة البيت ( فى المسمط ) .... تعالوا نجرب
ونشوف.

الممبـــــــــــار :

الممبار عند الشراء بتكون ليه رائحة غير مرغوب فيها ولو حتى ح اشتريه متنضف لازم نزيل منه الرائحة ودى طريقتها سهلة جدا .
أولا
: لو ح اشتريه متنضف لازم انقعه فى شوية مية مضاف ليها خل كتير لمدة عشر
دقايق ( على فكرة الخل كمان ح يساعد فى إنه يستوى بسرعة ) وبعدين ننشله من
المية وندعكه بشوية ملح خشن لمدة عشر دقايق وبعدين نشطفه .
ثانيا : لو
مش ح اشتريه متنضف ح اقلبه بواسطة الحنفيه على ضهره ح الاقى مادة مخاطية
أنقعه فى المية بالخل لمدة عشر دقايق وبعدين بحافة السكينة ( أكشط ) المادة
المخاطية ح ألاقيها بتزال بسرعة جدا وبعدين أدعكه كويس بالملح الخشن
واشطفه وبعدين بالدقيق واشطفه وارجه اقلبه مرة تانية وبعدين اقطعه حسب
الرغبة .

مكونات الحشو :
صلصة
طماطم - بصل مقطع صغير ومش بافضل المفروم - خضرة محشى ( شبت - كزبرة -
بقدونس - روز مارى ) - ملح وفلفل وبهار وقليل من الشطة وبابريكا ونعناع -
أرز مغسول - زيت حسب الرغبة.

الطريقة :
نخلط
كل المكونات مع بعضها ونبتدى فى حشو الممبار بعد تقطيعه إلى الطول المناسب
( أنا مش بربط الممبار لأنه أول ما بينزل فى الماء بيقفل من الأطراف.
ملحوظة : عند الحشو ( نبطط الممبار ) علشان ميبقاش مليان بالرز ومجرد نزوله الماء المغلى ح ينزل كل الرز الزيادة لأن حجمه بيقل .

اةةةةةةة حرااااام عليك جوعت متجبي حتة

اتفضلي يا قمر ميغلاش عليكي
وبالهنا والشفا

ممبار اوعوا تروحوا اي مسمط تعالوا هنا Amiraab85db7f84a

تسلم الاياااااااااااااااااااااااااااااااااااااااااااااادى

انا كدة هتخن يعنى هتخن ارحمينى من الاكل اةةةةةة يانى تسلمى ياقمر

» ممبار
» صور اعلان لمنتدى كيداهم اوعوا تفوتوها
» لكل من ضاق به الحال...........تعالوا
» بسماشكات هتقولوا ايه ده يا ختي طيب تعالوا
» تعالوا ننظم نفسنا اكتر ونرتاااااااااااااااااااح