ضيوف على مائدة رمضانية

فكرة زى العسل زى صحبتها خدى الف بوسه وانا اول الضيوف

:)

جميله الفكره اوى يا دوللى
رمضان كريم
اللهم بلغنا رمضان

تبارك الله عليك الحبيبة فكرة رائعة.إن شاء الله تلقى اعجاب الجميع
بارك الله فيك و جزاك الله خير الجزاء على المجهود الكبير
مجهود يستحق التثبيت

حلوة الفكرة اوى

ربنا ديما يجمعنا على خير وطاعة اللهم اميييييييييين ابلابسب

تسلم افكارك يادولى فكرة جميله فعلا
كل سنه وانتى بالف خير والمنتدى دايما فى تقدم[b][i]

طودايما تمتعينا بافكارك يادولى

مشكووووورين حبايب قلبى لردودكم الحلوووة زيكم

ورمضان باقى عليه ايام

ونجتمع بأذن الله باجمل مائدة رمضانية

وسنبدأ اولى ضيافتنا الرمضانية

وضيوفى هم

كيداهم وسحورة وغيظاهم وغزولة ونوستك


مين تانى حابب ينضم لصحبتنا يقول واحنا نسعد بتواجدة معنا


واتيت لكم بواجب الضيافة تفضلوااااا






بالهنا والشفا يابنوتات


مين حتجهز لنا الفطار بكرة؟؟؟؟

ويالا نسولف سوا ويكون بينا حوارات رمضانية شيقة

اسئلتى لضيوفى الكرام:

رمضان ماذا يمثل لك؟

طبق لابد من تواجدة بفطورك واخر بسحورك؟

فى رمضان تتابعى المسلسلات؟ كم مرة تختمى القراءن؟

فى يوم قبل الفطور بساعة اتصل زوجك واخبرك انه سيأتى بضيوف على الفطار ماذا ستفعلى

تتصلى بالمطعم وتطلبى الفطار ام تجهزى الفطار بنفسك وتتأخرى عن موعد الفطار وقت المغرب ام تعتزرى انك ما حتلحقى؟

احكى لنا عن اجمل زكرياتك مع رمضان؟


ولى عووودة بعد اجاباتكم انتظرونى

اتيت اليكم بالفطور من على النار حالاااااااااااااااا








تفضلوا بالهنا والشفا

معاكى يا عسل

استنى البس فوطة الاكل واجيب المغرفة والكوريك

واجى الهط

هههههههههههههههههههههههه

لى عودة من جديد

هههههههههههههههههههههههه جميل اوى الاكل يا دوللى استنينى جايه ادردش معاكى

رمضان ماذا يمثل لك؟
احساس روحانى جميل وفرصه كبيره للتقرب الى الله غفر الله جميع زنوبنا
طبق لابد من تواجدة بفطورك واخر بسحورك؟
الشوربه دى طبق اساسى فى الفطور والسحور الفول طبق اساسى
فى رمضان تتابعى المسلسلات؟ كم مرة تختمى القراءن؟
وانا صغيره كنت مدمنه مسلسلات بس الحمد لله شفيت من الادمان دى بس ممكن لقطات من مسلسلات تشدنى والحمد لله بختم القران كام مره دى على حسب بقى كل سنه وظروفها
فى يوم قبل الفطور بساعة اتصل زوجك واخبرك انه سيأتى بضيوف على الفطار ماذا ستفعلى
هى حصلت معايا كتير بس ممكن قبل الفطار بساعتين تلاته والحمد لله كان ربنا بيقدرنى
تتصلى بالمطعم وتطلبى الفطار ام تجهزى الفطار بنفسك وتتأخرى عن موعد الفطار وقت المغرب ام تعتزرى انك ما حتلحقى؟
ههههههههههه ولا اختيار من دول طبعا حجهز بنفسى
احكى لنا عن اجمل زكرياتك مع رمضان؟
اجمل زكرياتى فى رمضان كانت ايام طفولتى مازالت محفوره فى زاكرتى رغم بساطتها

ياحبيبتى ياام عمار نورتى المائدة ياقمر

ومنتظرينك معانا تنورينا بحواراتك الجميلة

اما سحورة فسعيدة باجوبتك الحلوة زيك

طيب بماانك كنتى مدمنة مسلسلات والحمدلله مش بتشوفيها حاليا انا كمان كنت زيك

لكن حنعمل اية مع ولادنا

نسيبهم يتابعوا وبكرة لما يكبروا حيبطلوا زينا ولا نمنعهم من دلوقت تفتكرى اية الصح؟

وطبق الفل على السحور زماااااان كنت زيك لكن دلوقت مش بقدر على الفول المعدة بتتعب منه وبيعطش كمان

نصيحتى بدلية بالجبن اخف واسهل بالهضم ههههههههه

والله يا دوللى مشكلة اولادى انهم مدمنين افلام اكشن اجنبى موش متعلقين بالعربى وبحاول معاهم وخلتهم فى رمضان الحمد لله ما يسمعهوهاش باقتناع انها حرام اما بالنسبه للكرتون ملوش حل ومحمد ابنى مدمن طيور الجنه برضو موش بقدر عليه ربنا يعينا على تربيتهم
نييجى بقى للفول هو طبعاهضمه صعب والدكتور منعنى منه عشان معدتى بس هو ادمان مقدرش بس يعنى يدوب حبه بسيطه على نفسى لان الجبن مليش فيها

يلا بسرعه جبتلكم السحوريارب يعجبكم



وادى البطاطس




وادى البيض المسلوق



وادى المخلل


وادى الجبنه


وادى كنافه للتحليه

وادى العصير


واخيرا الزبادى عشان نهضم



اتمنى لكم سحورا خفيفاوصياما مقبولا

رمضان ماذا يمثل لك؟
رمضان بالنسبى لى اهم شهر فى السنة كلها بفرح جدا لما يجى و بحزن اوى لما يخلص و بفضل اعد الايام علشان الاقيه جه تانى دا شهر خير و بركة و عبادة شهر كله روحانيات
طبق لابد من تواجدة بفطورك واخر بسحورك؟
بالنسبة لى مفيش حاجة اساسية فى الفطار لكن السحور اساسى الفول و الزبادى 30 يوم فووووووووووووووول هههههههههه
فى رمضان تتابعى المسلسلات؟ كم مرة تختمى القراءن؟
زمان مكنتش بسيب مسلسل دلوقتى نادرا لما بتفرج اما ختام القران بقى على حسب بس ربنا ييسر و السنة دى اختمه اكتر من مرة
فى يوم قبل الفطور بساعة اتصل زوجك واخبرك انه سيأتى بضيوف على الفطار ماذا ستفعلى

تتصلى بالمطعم وتطلبى الفطار ام تجهزى الفطار بنفسك وتتأخرى عن موعد الفطار وقت المغرب ام تعتزرى انك ما حتلحقى؟
اولا هفرح جدا حتى لو هتعب يا بخت من فطر صايم و ثانيا انا على طول ستاند باى هههههه يعنى هتصرف اعمل اكل كويس فى اقل وقت ممكن و الناس تفطر فى معاد الفطار و ربنا بيعين البنى ادم طول ما هو بيعمل خير
احكى لنا عن اجمل زكرياتك مع رمضان؟
رمضان بالنسبة لى كله لحظات جميلة لانى بجد بحب الشهر دا جدا و ياريت كل السنة تبقى رمضان


دا بالنسبة للاسئلة يا ست البنات يا شابة و بعدين تعالى لى هنا هو مفيش هنا غيرى و ايه صور الاكل اللى تفطر دى و ايه السحور العجيب دا مخلل و كنافة فى السحور يا مفترية عاوزنا نطلع لسنا برة بقنا من العطش و نهوى عليه هههههههههههه
كل سنة و انتى طيبة و كل الامة الاسلامية بالف خير يارب

انا بقى موش بتاعت اسئلة ورغى
لااااااااااااااااااا انا بتاعت الاكل
وجايبلكم فطور
اوعى وشك
كله يلحق الاكل سخن وموحوح
[img][/img]









نخوش بقى على الحلو



ونختم ونقفلها بالعصير



انا بقول كفاية اكل كده
وننزل نصلى التراويح
ههههههههههههههههههههه

ايه هو انتم معجبكموش تبيخى

اخثثثثثثثثثثثثثثثثثثثثثثثثث

مين دا اللى مش يعجبة تبيخ ام عمار

رووووووووووووووووعة طبعا وتسلم ايدك ياقمر

انا حاخد المكرونة بالبشاميل وانتوا خدوا الباقى ههههههههههههههههه

وسحور جميل سحورة بس الفول امممممممممممم مش حقربلة عيشى حياتك انتى ودودو فيه

وجميل الكنافة والزبادى بقا دول اللى حيعطشوا يا دودو والفول لا مسكين هههههههههههههه

تسلم اديكم وفين باقى الضيوف نايمين ولااية

ام عمار بوسيلى عمار حوبى

شوفى دا بزمتك مش شبهة

يا خلااااااااااااااااااااااااثى

ده احلى من عمار طبعا

هههههههههههههههههههههههههه

حاضر يعيونى حبسهولك

وبوسيلى انتى القمرات بتوعك

ربنا يباركلك فيهم

فطار اليوم يابنوتات تفضلواااااااااا

ماشى ماشى
بخلانين علينا بالوكل
يلا خليها علينا كمان المرة دى
يا بخت من فطر صائم
يلا ركزوا معايا بقى النهاردة فى فطور اليوم
فطور مخصوص من اسكندرية
من بحرى وبنحوه
ههههههههههههههههههههههههه





























اووووووووف
يلا كفاية كده تبيخ
ايديا وجعتنى
يلا يا هانم منك ليها كولى واملى بتنك
وامشوا انجعروا قدامى على المتبخ
ورانا مواعين
ههههههههههههههههههههههههه

الف هنا وشفا

:yjh: :yjh: :yjh:

يلا يا دولى
ينقوا اللى هما عاوزينه بقى وياكله
مهما جاين ياكلوا وبس
هههههههههههههههههههههههه

بجد رائع

رمضان ماذا يمثل لك؟
بيمثل صحووة ليا لو دنيا غرتنى برجع افوق واتعدل ههههه
طبق لابد من تواجدة بفطورك واخر بسحورك؟
للاسف مش طبق نقول كوباية عصير دنيا حر معندناش اطباق
فى رمضان تتابعى المسلسلات؟ كم مرة تختمى القراءن؟
بختمة مرة بس للاسف وبحفظ جزء
فى يوم قبل الفطور بساعة اتصل زوجك واخبرك انه سيأتى بضيوف على الفطار ماذا ستفعلى

تتصلى بالمطعم وتطلبى الفطار ام تجهزى الفطار بنفسك وتتأخرى عن موعد الفطار وقت المغرب ام تعتزرى انك ما حتلحقى؟
تتصلى بالمطعم وتطلبى الفطار ودبسة عشان يحرم
احكى لنا عن اجمل زكرياتك مع رمضان؟
كل رمضان على بعضة احلى ذكرة من سنة للسنة

فطار لكل كيداهم اتفضلوا

اة متنسوش غسل ايدين قبل اكل وبعدة

وادى صابون محرمتكمش من حاجة

شغل عااالى يا بنوتات تسلم اديكم

ام عمار بالرغم ان مليش فى الاسماك اوى لكن بصراحة شكلة يجنن

وكمان من تبيخك يبقا روووعة

ونسومة جابت لنا عصاير تفرح وصابون طيب فين البرفان يا نسوم دا سمك يابنتى ههههههههههههه

بنوتة منتظرين منك السحور بقا

ويالا يا بنات اسئلوا بعض واجروا حديث الثلاثاء ههههههههههههههههه

فينكم ايها الضيوف الكرام؟؟؟؟

طيب اسئلتى اللذيذة طبعا لكم ويالا جاوبوا وانتوا صايمين لان بعد الفطار الاكل بيتقل وتروحوا على السرير

رمضان بالنسبة لى بطفولتى كان يرتبط بالفوازير

نيللى وشريهان وفطوطة والله بعدهم كتيييييييييير

ياترى انتوا كمان فاكرينهم؟ واحساسى ان رمضان كان ألذ بروحهم الخفيفة ولا رأيكم من غيرهم افضل

يالا بينا كل واحدة تقدم طبق مميز ليها وتقولنا وصفتة وياسلام لو صورتة وجابت لنا الصورة وااااااااو

يالا نشوف ابداع بنات كيداهم بالمطبخ ونقول احلى وصفاتنا

تاااابعوناا فهناك المزيد والمزيد

هذة سفرتى اتيت اليكم بها لاعزمكم على اجمل الاطباق




وهذة اطباقى المفضلة







وحقولكم على وصفاتى بكرة على رواقة قولولى رأيكم اية بالشكل وبعدين المضمون ههههههههههههههه

انتظرووونى

جبتلكم الصور مصغرة لان الاطباق كبيرة مش واضحة

وبكرة حجيبلكم الوصفات بس قولوا رأيكم بمنتهى المجاملة ههههههههههههههههه اقصد الصراحة

اموت انا فى المحمر والمشمر جلابيته عشان يعدى الترعة
هههههههههههههههههههههههههههههه
لا بجد رووووووووووووووووووعة
ربنا يسامحك مشيتيلى معدتى
اه يا معدتى

ههههههههههههههههههههههههههههههههههههههه
و الله انتو عيال مصايب هتبوظو صيامى اللهم انى صائمة
الموضوع دا المفروض يتكتب عليه ممنوع دخول الصائمين الواحد بصراحة احتار ياكل ايه ولا ايه
اقول لكم اقفلو عليا الموضوع و سيبونى اعيش بقى هههههههههههههههههههههههههههههه

وصفااااتى لاطباقى


اولا الارز بالخلطة



ودى طبق رااائع بالعزايم وله طريقتين

اول طريقة تكون خفيفة على المعدة لان الارز ما يحمر واليكم الطريقة:

نضع سمن بالحلة الى ان يقدح ثم نضع طماطم مضروبة بالخلاط كمية بسيطة ونتركها تسبك على النار

ثم نضع الماء على حسب كمية الارز كل كوب ارز له كوب ماء

مثلا لو مقدارنا 3 كوب ارز يكون 3 كوب ماء

ونضع الملح والفلفل والتوابل اللى نحبها ونترك الماء يغلى

ثم نضع الارز ويسوى كالأرز العادى الى ان يتم طهية ويستوى

ونحضر ايضا فى حلة اخرى بسلة وجزر ونضع لهم ماء وملح ونسويهم ونتركهم بالماء حتى التقديم

ونجهز ايضا اللحمة المفرومة المعصجة اكيد كلنا نعرف نسويها

اما الزبيب فننقعة بالماء والملح قبل ان نحمرة بالسمن لكى نزوق به الطبق

واللوز نضعة بماء ساخن لننزع القشر ولو نحبة محمر نحمرة بالسمن ايضا

ونبدأ بتنسيق الطبق نضع الارز اولا وفوقة اللحمة المفرومة ثم البسلة والجزر ثم الزبيب والمكسرات

وممكن نضعة بقالبولكن بالترتيب العكسى ليأخذ شكل قالب الكيك ونقلبة بالطبق فيكون شكلة رااائع بالتقديم

وبالف هنا نااااكل وعدوا صوابعكم اولا ههههههههه

طريقة اخرى للارز:

نغسل الارز ونتركة ينشف ثم نحمرة بالسمن حتى يحمر لونة ومن الممكن ان نضيف له سكر محروق مثل الكراميل

فى ااناء خارجى نضع ثلالث معالق سكر مثلا وملعقة ماء ونقلب على النار

حتى يصبح لون الكراميل ونضيفة للارز فيمنحة لون وطعم رااائع

وعندما يحمر الارز جيدا نضع له الماء بنفس المقدار السابق الى ان يستوى الارز بالطريقة المعتادة

وهذا الطبق لايضاف له لحمة مفرومة معصجة بل كبد واوانص نقطعها قطع صغيرة ونسويها بدون بصل طبعا

بالماء والتوابل فقط

ونجهز اللوز والزبيب مثل الطبق السابق

وعند التقديم نضع الارز وفوقة الكبد والاوانص ثم الزبيب واللوز وكدا خلاص اول طبق من اطباقى

ودى البطوطة

نسلقها بالبصل والحبهان والمستكة وجروبوا تضيفوا لها عصير طماطم

حتكون الشوربة تووووحفة

وبعد ماتستوى حنحمرها بالفرن وهم هم بالهنا والشفا

وطبعا ماننسى الخشاف نقطع المشمش والتين قطع صغيرة ونضيف القراصيا والتمر والزبيب واللوز واى حاجة تانية تحبوها

ونضعها بالاناء مع كمية كافية من الماء والسكر والفانليا ونتركها بالثلاجة يوم ونقدمها باطباق وقت الفطار

وكفاية عليكم كدا بدل ما تفطروا بسببى ههههههههههه

يالا ورونا همتكم واطباقكم وابداعاتكم بالمطبخ

♨ المقادير :

• 200 جم لحمة مفرومة
  
• 200 جم برغل
  
• قرفة ناعمة
  
• 100 جم لحمة مفرومة معصجة
  
• 200 جم زبادي
  
• زعتر
  
• صنوبر
  
• نشا
  
• ثوم
  
• كزبرة خضراء
  
• زيت زيتون
  
• بصل
  

♨ طريقة التحضير والطهى :

1. افرمي اللحم المفروم ثم البصل والبرغل والملح والفلفل والكزبرة جيداً
   
2. 
   في طبق اخر احضري اللحم المعصج والقليل من السماق والكزبرة ونقلب جيداً
   
3. 
   ضعي القليل من الزيت في يديكي ولفي خليط اللحم وافتحي فيها فتحة وضعي خليط اللحم المعصج واغلقيها جيداً
   
4. 
   وفي إناء على النار به ماء ومصفاه اسلقي الكبيبة على البخار واتركيها إلى أن تنضج
   
5. 
   لتحضير الصوص في إناء على النار ضعي قليل من الزيت والثوم ثم الزعتر والبقدونس ثم ضعي الزبادي واتركيه قليلاً
   
6. 
   رصي الكبيبة بعد أن تنضج ثم اسكبي الصوص فوق الكبيبة وحمري الصنوبر في القليل من زيت الزيتون وانثريه على الوجه وتقدم
   

http://www.shamlola.com/images/stories/meat/kobiba%20101.jpg

♨ المقادير :

* 200 جم لحمة مفرومة
* 200 جم برغل
* قرفة ناعمة
* 100 جم لحمة مفرومة معصجة
* 200 جم زبادي
* زعتر
* صنوبر
* نشا
* ثوم
* كزبرة خضراء
* زيت زيتون
* بصل

♨ طريقة التحضير والطهى :

1. افرمي اللحم المفروم ثم البصل والبرغل والملح والفلفل والكزبرة جيداً
2. في طبق اخر احضري اللحم المعصج والقليل من السماق والكزبرة ونقلب جيداً
3. ضعي القليل من الزيت في يديكي ولفي خليط اللحم وافتحي فيها فتحة وضعي خليط اللحم المعصج واغلقيها جيداً
4. وفي إناء على النار به ماء ومصفاه اسلقي الكبيبة على البخار واتركيها إلى أن تنضج
5. لتحضير الصوص في إناء على النار ضعي قليل من الزيت والثوم ثم الزعتر والبقدونس ثم ضعي الزبادي واتركيه قليلاً
6. رصي الكبيبة بعد أن تنضج ثم اسكبي الصوص فوق الكبيبة وحمري الصنوبر في القليل من زيت الزيتون وانثريه على الوجه وتقدم

تسلم ايدك يا بوتة

شيف كيداهم بصحيح

وين باقى الضيوف؟؟؟؟

مافى تسلم اديكم او اى ردود نمتوا ولااية؟؟؟