كل واحدة تفكر قبل ما تدعى دعوة وحشة

السلام عليكم ورحمة وبركاتة
انا النهاردة افتكرت حكاية من زمان اوى حكاية فعلا محزنة بالنسبه لية بس قلت
احكيهالكوا عشان تكون عبرة لينا كنا وانا قبليكوا
كل واحدة تفكر قبل ما تدعى دعوة وحشة Mood12

كل واحدة تفكر قبل ما تدعى دعوة وحشة Mood12

طبعا امى اللى حكيتهالنا امى اول ما ولدت اول مرة ربنا رزقها ببنت بابا واهلة مش فرحوا وكمان عايروها بيها
تانى مرة حصل الحمل بسرعة وشرفت انا بابا ساب امى فى المستشفى من غير ولا مليم ولا كلمة واحدة ومشى
ماما طبعا حلفت ما هى مخلفة تانى وبعد كام سنة اكتشفت ماما انها حامل للمرة التالتة وبدات المشاكل بابا مش عايز الحمل وماما كمان وبقت على طول حزينة ورافضة الاكل وخناقات مستمرة كانها هى اللى بتجيبوه بنت او ولد مش ربنا استغفر المهم بقى ماما من قلبها بقت تدعى وتقول يا رب يجى ولد ومش تفرح بيه

تخيلوا الدعوة اد ايه صعبة ازاى حد يقول كدة بس ده كان من حرقة قلبها ومن حزنها المهم ولدت وكان ايه ولد زى القمر سبحان رب العالمين ابيض وجميل بشكل وشعرة مائل للاصفرار وعينيه عسلى قمر 14
المرة دى راح جابلها تاكسى وكان ناقص يجيبلها حتة من السما وفرح فرحة الدنيا كلها
لكن مر 6 شهور واخى الغالى لا يبكى ولا يترك مطرح ما تسيبية تلاقية واكتشفت امى مرضة كان عندى شلل دماغى بس بنسبة كبيرة كان المفروض يدخل حضانة لكن الدكاترة يسامحهم ودعوة امى يسامحها
المهم اخويا حبيبى طبعا لسة فاكراه عاش 7 سنين كلها معاناه ومرار واكتر حد عانا هى امى مش قادرة اوصفلكوا مدى حزننا واحنا شايفينوه لا يتحرك ولا حتى يهش ذبابة من علية لسة فاكرة لما كنت بكلمة وهو مش بيرد علية ولما كنت اصحى بليل اشربة الميا واغيرلة ملابسة على فكرة انا اكبر منه ب 4 سنين بس بس كنت بحبة كانى امه
فكرة مرة ماما سابتة معايا كان عندى 6 سنين بس وراحت تجيب اختى الكبيرة من المدرسة رجعت لقيتنى حطة كل الغطا اللى فى البيت من خوفى علية من السقعة وانا نمت من غير غطا وفاكرة قبل وفاتة بساعات كنت حضانة وبقولة انا عارفى انا سايبنى وماشى مش عارفة ازاى حسيت بيه بالشكل ده

طبعا الحمد لله الف مرة انه توفى قبل ما يبقى شاب ونشوفة نايم قدامنا زى الاطفال انا عارفة انه فى الجنه
بس انا بسال نفسى ليه امى دعت الدعوة الوحشة دى هى اكتر واحدة اتالمت بيها هى اللى لفت 7 سنين على المستشفيات وهى تعبت فيه
المهم يا يت انتوا تاخدوا بالكوا فى ساعة عصبيتكوا بلاش الدعاء انا سمعت ان الشيخ السديس او الشريم لا اذكر المهم كانت امه لما بيزعلها كانت بتقلوه جعلك اماما للمتقين شوف الدعاء الجميل حتى وقت الغضب
عافاكم من شر الدعاء الوحش
السلام عليكوا
نسيت اكمل الحكاية ماما بعد وفاة اخويا حملت تانى وخبت عن كل الناس انها بنت كان السونار طلع بقى وكانت بتاكل اكل غير عادى خايف على البيبى لحسن يطلع زى اخويا وكانت فرحانة ولما ولدت بابا فرح فرحة الدنيا وبطل يقول ولد وبنت

لا حول ولا قوة الا بالله

فعلا الرسول عليه الصلاة والسلام حذرنا من الدعاء على انفسنا واولادنا واموالنا

ربنا يرحمه حبيبتى وفعلا هى قصة وموعظة كبيرة يجب اننا جميعا نتعظ منها

» القطة التى لم تفكر جيدا
» ممكن تدعى لى وليكى بهذا الدعاء
» ادخلى بسرعة مش حتندمى بس اوعى تنسي تدعى لى
» دعوة نت سريعة
» دعوة للمشاركة