لأصحاب القلوب الرحيمة

السلام عليكم ورحمة الله وبركاته





بعد غياااااااااااااااااااب طويل وتفكير عميق





لقد اتخذت قرارا أريدكم جميعا أن توافقونى عليه





لقد قررت





أن





أتعلم الطبيخ





أيوة





والله مش بهزر





إن شاء الله حتعلم الطبيخ





للضرورة أحكام





نقطة ومن أول السطر ..................





إلى أصحاب القلوب الرحيمة كل الستات اللى اتجوزوا وعندهم
خبرة فى الطبيخ





عايزاكم كدة تركزوا معايا وتساعدونى





فكرة الموضوع هو إنى ححط
اسم أكلة وكل واحدة تقولى بتتعمل ازاى من وجهة نظرها



عشان كل اللى مش بيعرفوا يتعملوا معايا





طبعا حنبتدى بأسهل أكلة ممكن تتعمل وهى " الأرز"



يالا يا كيداهم أنتى وهيا


كل واحدة كدة تعصر مخها وتقول هيا بتعمل الارز بتعا ازاى
وياريت تكتبوا المقادير صح

ههههههههههههههههههههههههه
مبروك على الخطوبه والخطوه الجميله دى انك تتعلمى الطبيخ
على فكره هو مش صعب زى منتى متخيله
اهم حاجه تعرفى اول حاجه هو بياكل ايه
تانى حاجه بقه الرز
الرز بقه ياسيتى ممكن يكون رز ابيض ورز بشعريه ورز سمك ورز بالخلطه
ورز رزايه ورزايه
اول حاجه الرز الابيض
وده بقه لو هتعملى كوبايتين رز مثلا
هاتى كوبايتين الرز وحطيهم فى اى حاجه ونقى الرز كويس وبعد كده اغسليه تمام كده
هاتى حله حطى فيها سمنه او زيت ذره زى ما تحبى وبعد كده حطى عليها الرز لو كوبايتين بحط معلقة شاى ملح وبعد كده اضيف عليهم كوبايتين مايهالمهم المايه تغطى الرز بس وسيبيه على النار لحد ما يشرب مايته اول ما تحسى انه شرب المايه تجيبى الشياطه وتحطيها على اصغر عين بوتجاز وتوطى النار خالص وبعد كده تحطى حلة الرز وتسبيه يستوى بقه
يااااااااااااااااااااااااه اصدقى ان لو عملته اسهل من انى اكتبه
شويه كده وهدخل اكتبلك باقى الرز الى اعرفه

بعد كده بقه يا شيموالرز بشعريه
نفس الموضوع تنقى الرز وتغسليه وتجيبى حله وتحطى سمنه او زيت وبعد كده نجيب نص كوبايه شعريه
ونحطها نحمرها اوعى تحرقيها افضلى ققلبى قلبى لحد ما تحمر وحطى عليها كوبايتين رز مغسول يا شيمو اوعى تنسى
وبعد كده كوبايتين مايه وملح معلقه شاى او زى ما تحبىوتسبيه يتشربوتحطى على الشياطه على نار واطيه يستوى

انتى يا بت يا شيمو ايوه انتى هو بكلم نفسى
هههههههههههههههههههههههههه
خلى بالك معى يا قمرنا
على رئى فرساهم نكسب فيك ثواب
المقادير

2 كوب من الارز المصرى مفيش احلى من المصرى
2 ملعقه من الزبده او 3 ملاعق من زيت الذره او عباد الشمس
2 و 1/2 كوب ماء ساخن او بارد ما يفرق
مقدار من الملح حوالى 2 ملعقتين
الطريقه

1: نغسل الارز جيدا للتخلص من كميه النشاء المرتفعه الموجوده فيه ونضعه فى مصفاه جانبا

2: فى وعاء الطهى نضع مقدار الزبده او الزيت النباتى ثم نضيف عليه الارز المغسول سابقا
ونحرك الارز جيدا حتى تصبح حبات الارز متماسكه
3: نضيف كميه الماء ويفضل الساخن ثم نضيف مقدار الملح ورشه الفلفل الاسود او الابيض
ونغطى جيدا على الارز حتى يتشرب الماء ثم نخفف عليه النار ونضعه على نار هادئه جدا حتى تمام النضج
ويقدم ساخن مع اشهى اطباق الخضار وخلافه
وبالهنا يا عروستنا ومستنيه دعوه

شكرا يا ماهى ويا فرساهم يا أم تسنيم
وإن شاء الله حسود وشكم واعمل الرز شايط وأقول لسى السيد هما اللى قالولى اعمل كدة
يالا اللى مقالش طريقة الرز يقول وإلا



يالا بسرعة عشان الوجبة التانية
"المعكرونة"


ملحوظة المعكرونة العادية مش البشاميل

الناس خيبتها السبت و الاحد و انتى خيبتك ما وردت على حدهههههههههههههههههههههههه
رز ايه اللى جاية تقولى عليه صدمتينى بقى اعرفك دا كله و تطلعى خايبة كدة
هههههههههههههههههههههههههههههههههههههههههههههههههههه
بصى فعلا لو لاحظتى هتلاقى كلهم قالو نفس الطريقة
يعنى الرز له قاعدة واحدة بس ابقى قلبيه لما يتشرب المية و تحطيه على الشياطة علشان يستوى كله و بس بالف هنا
نيجى بقى للمكرونة
تجيبى كيس الكرونة و تقرى تعليمات السلق يعنى تملى حلة مية و تخليها تغلى و تحطى شوية ملح يعنى بتاع معلقتين كدة صغيرين لما المية تغلى بقى سقطى المكرونة و قلبيها علشان متلزقش و كل شوية تقليبة خفيفة لحد ما مدة السلق اللى على العبوة تعدى و تصفيها من المية و تشطفيها بحبة مية من الحنفية تنزلى النشا اللى فيها و تجيبى حلة حلوة زيك كدة و تحطجى فيها معلقتين زيت او سمنة و تكون عاملة عصير الطماطم و تخطية على الزيت و تسبيها تتسبك و تحخطى ملح و فلفل و تحطى عليها المكرونة و تقلبيها كويس و تحطى الشياطة و تغطى الحلة على نار هادية كمان عشر دقايق لحد ما المكرونة تتشرب الصلصة و تبقى حلوة و بالف هنا

خلصنا من الارز والمكرونة ندخل على الجامد بقى المسبكات كل واحدة كدة تقولى بتسبك طبيخها ازاى
"البامية البسلة الفاصوليا الخ ............"

بصى يا ست البنات
وربنا يسامحنى على ست البنات دى
بس ما علينا
بصى يااوختشى طريقة المسبكات كلها شبه بعضها
انتى بتبشرى بصلة حلوة ومحترمة كده
وتحطى عليها معلقتين سمن محترمين برضو بحيث انهم يغطوا البصلة وتحمرى البصلة تحمير خفيف
وتقومى حطة قطع اللحمة لو طبيخك بلحمة على البصلة
وتشوحيها بحيث يتغير لونها بس
وبعدين تحطى عليهم الطماطم المعصورة اللى بتكونى عصراها وجهزاها
وفلفل اسمر وتغطى الحلة
وكل نص ساعة ولا حاجة تقلبى اللحمة
ولما الطماطم تحسى انها حتقصر تزوديها شوية ماى لحد متلاقى اللحمة استوت وعادة اللحمة بتستوى بعدى ساعتين تقريبا
بس دى طريقة تسبيكة البامية والسبانخ والبسلة وكده
نيجى بقى لطريقة البامية
بصى يا ستى
نص كيلو البامية عليه حوالى كيلو الا ربع طماطم
عليهم نص كيلو لحمة
تومام
بعد ما اللحمة تتستوى والخلطة تتسبك حتحطى البامية بعد تئميعها
ف الصلصة وتسيبها شوية لحد متتشرب شوية من الصلصة
تغسلى حزمة كسبرة خضرا+فصين توم+قرنين فلفل اخضر مفطعين
تحطيهم فى الهون وتدقيهم
لحد ميختلطوا
وتحطيهم على البامية والتسبيكة وربع ساعة وتطفى بع ما تحطى الملح فى الاخر
وبالف هنا وشفا يا موزة
تصدقى الطبيخ اسهل من الكتابة

يختى خدى توك توك وتعالى عندى وانا اعلمك عملى واريح ايدى
هههههههههههههههههههههههه

ام عمار

خلاص لما اتجوز مع بعض على التليفونات

يا إما أنتى تعمليلى الاكل وتيعتهولى دليفرى وانا مش حقول لسى السيد

نيحى بقى للبسلة وطعامتها وخطورتها
هههههههههههههههههههههه
بصى هى ليها كذا طريقة بس انا بعملها بطريقة واحدة وبحبها بالطريقة دى انى بسلقها هى والجزر والبطااطس لو بتحبى
لحد ميستووا
وبعدين بحطها فى التسبيكة بتاعتنا اللى فاتت
واسيبهم لحد ما يتظبطوا مع بعضيهم واحط الملح واطفى وخلاوييييييييييييييييييييييييييييييس
وعلى فكرة انا ناوية اهاجر واسيب البلد فانسى انى ابعتلك اكل دى
دلع بنات صوحيح

ام عمار كتب:

نيحى بقى للبسلة وطعامتها وخطورتها
هههههههههههههههههههههه
بصى هى ليها كذا طريقة بس انا بعملها بطريقة واحدة وبحبها بالطريقة دى انى بسلقها هى والجزر والبطااطس لو بتحبى
لحد ميستووا
وبعدين بحطها فى التسبيكة بتاعتنا اللى فاتت
واسيبهم لحد ما يتظبطوا مع بعضيهم واحط الملح واطفى وخلاوييييييييييييييييييييييييييييييس
وعلى فكرة انا ناوية اهاجر واسيب البلد فانسى انى ابعتلك اكل دى
دلع بنات صوحيح

احنا بقى البسلة بنعملها اسهل من كدة بنبقى مخزنين بسلة فى الفريزر ونحطها على التسبيكة علطول

ماشاء الله المنتدى كله طبااخات ماهرات

كل اللىقالوا عليه صح الصح

فين بقيت الردود يا بنات يالا شيدوا حيلكم

المكرونه يا ست شيمو
زى ما البنات قالو
بتجيبى حله وتحطى فيها مايه اول ما المايه تغلى تحطى معلقتين ملح كبيره وتحطى زيت نظيف وبعد كده تقلبى المايه والملح والزيت وتجيبى كيس المكرونه تحطيهوتقلبيه وكل شويه تقلبى تقلبى علشان متعجنش ومتلزقش تكونى بعدها محضره الصفايه بتاعة الاكل فى الحوض اول ما المكرونه تستوى تحطيها فى الصفايه وتغسليها بمايه ساقعه تغسليها كويس لحد ما النشا كله يخلص وتسيبيها تصفى وتروحى لنفس الحله وياريت تكون تيفال يا شيمو وتفصصى توم او توم متجمد الى يريحكوتحطى معلقة توم وزيت يغطى الثوم وتحمرى الثوم اول ما يحمر بجيب برطمان الصلصه واحط تلات او اربع معالق صلصه كبار مليانين ومعاهم مكعب مرقة دجاج وحبة فلفل اسود نص معلقه صغيره لو تحبى انها تكون بفلفل وكل ده على نار هاديه وتقلبيه 5 دقايق كده
وبعد كده تجيبى المكرونه المتصفيه وتحطيها على الصلصه وتقلبيها كويس اوى لحد ما الصلصه كلها تبقى على المكرونه وتغطى الحله يا اختى لحد ما جوزك يرجع من الشغل وحطيله ياكل بقه وبالهنا والشفا

التسبيكه بقه الى هى الخضار
من باميه وبسله وفاصوليا والحاجات دى
بتجيبى بصله وتحمريها فى معلقتين سمنه
وتجيبى مثلا الباميه وتحطيها على البصله انا بتبقى عندى مجمده فبحطها على طول على البصله بعد تحميرها واغطيها على نار هاديه على ما احضر الطماطم اعصر كمية الطماطم الى انا عايزاها وهى بتكون على قد الخلاط واحطها على البصله والباميهومعاهم بقه قرن فلفل اخضر مقطوع نصين ونص معلقة ثوم نى مفروم ومعلقة زبده على الوش وتسبيها تغلى ويكون عندك شوربه لما تحسى انها نشفت شويه تضيفى شوربه وتسبيبها تستوى ولما تتدخل على السوا وتكون اللحمه مسلوقه تحطيها عليها وتديهم غلوه مع بعض وبعد كده تحيقى بقه اول حاجه نحط مكعب مرقه وبعد كده بهارات حبه صغيره يا شيمو مش كتير وتدوقى وتشوفى الحدوقيه لو محتاجه ملح تضيفى ملح وتدوقى بردو لحد ما تظبطى الطعم وحبة كمون
وبالهنا والشفا