والله خايفه عليكى

والله خايفه عليكى

عايز اتكلم معاكي شويه عن شئ مهم جداااا في حياة كل مسلمة..شئ بيميز أي بنت مسلمة عن بنات الكون كله..عايز اتكلم معاكي عن حجابك ! يوووووه تاني عن الحجاب ، طب ما أنا محجبه !أنا معاكى بس ياترى انتي فعلا محجبة ؟.... إحنا ما نقدرش نقول غير كده لأن فعلا فيه حاجة ملفوفة حوالين شعرك... بس للأسف صعب نحكم عليه إنه "حجاب يرضى ربك"وقبل ما أكمل كلامي..أولا :لازم تعرفي إن ربنا بيحبك ..ودليل حب ربنا ليكى إن الكلام ده وصلك وبتقرأيه .. بنات غيرك كتير ممكن ما يوصلهمش الكلام ده ويضيعوا أخرتهم وهما مش حاسين وفاكرين انهم ماشيين كده صح! ، فالحمد لله إن ربنا بعت لك اللى يذكرك ..ثانيا: اوعي تزعلي مني ..او من الكلام...لأن ده مش كلامي ده كلام ربنا سبحانه وتعالى والنبي صلى الله عليه وسلم اللى حبهم بيجرى فى دمي ودمك .. ولا انتي مش بتحبي ربنا والنبي صلى الله عليه وسلم؟ ... بتحبيهم يبقى لازم نتفق إن أى حد بيحب حد يبقى لازم يحب كلامه ويسمعه عشان كده اسمحي لى أكلمك وكلم كل أخت مكتوب فى خانة الديانة فى بطاقتها مسلمه .. واقولها يا اختى ياللى بتصلى ، وبتصومى ، وبتطيعي ربنا.....لكن ....حجابك لسه مش كامل ، الحجاب يا أختي مش مجرد طرحة بتتلف على الرأس وخلاص ، الحجاب يعني لبس البنت المسلمة ككل كلمة "حجاب" أصلا يعني بيحجب ، يعنى بيمنع، يعني بيغطي ، وده للأسف مش متوافر في لبس البنات زي ما انتي شايفة ، طب تعالي نفكر كده ونشوف إيه هو الهدف من الحجاب ؟ وإيه لازمته ؟ يا أختي المفروض إن الحجاب يحمي البنت المسلمة ، ويعفها ، ويمنع عنها ذئاب البشر وأي أذى ، وكمان عشان نحمي شباب المسلمين من فتنة النساء ، الشباب اللي عينيهم اتدمرت من كتر النظر للبنات ، غير كده ربنا هو اللي فرض الحجاب واحنا عباد ولازم نطيع سيدنا ، وهو أعلم بينا وبمصلحتنا وباللى فيه الخير لينا.. واللى بيخالف أمر ربنا يبقى يستاهل عقابه؟
يا أختى الموضوع خطير ، خطير والله .. انا عايزك تخافي على نفسك وصحح لك بعض الأوهام.
إنتى فاكره نفسك ماشيه فى طريق الجنه للأسف انتى بدون الحجاب الصحيح مش ها تقربي منها ولا حتى ها تشمى ريحتها إلا أن تتوبى ، طيب انا بكلمك ليه؟؟ ... بكلمك لأنى لما اشوف اختى ماشيه وقدامها حفره وها تقع فيها وهى مش واخده بالها لازم احذرها … بعد كده لو وقعت في الحفرة يبقى هي اللى اختارت مصيرها بنفسها .... عشان كده بوجه كلامي إلى كل أخت بتصلى وبتصوم ، وبتقرأ قرآن ، وفاكره إنى ربنا كده راضى عنها ، وملابسها بتغرى وتفتن شباب المسلمين بالله عليكى يا أختى والله ربنا من فوق سبع سموات زعلان منك ،والله يا أختى مفيش حاجه اسمها بنطلون واسع وبنطلوق ضيق ..مفيش حاجه اسمها بنطلون وفوقه فيست..مفيش حاجه اسمها بدى لوحده وبدى فوقه بلوزه.. لكن في حاجه اسمها الزى الشرعي الإسلامي كما وصفه الله ورسوله.وده اللى هنعرفه باذن الله..أنا ها كلمك دلوقتى ، ولو شديت عليكى ما تزعليش ..لأنى خايف عليكى ...أنا ممكن اضحك عليكي بكلمتين زي أى حد مش خايف عليكي ومش خسران أي حاجه لما يجاملك ويقولك : إنك كده كويسه وأحسن من اللى كاشفه شعرها ، يا أختى ده الرسول نفسه عليه الصلاه والسلام خايف عليكى وقالك(يا معشر النساء تصدقن وأكثرن الإستغفار فإني رأيتكن أكثر أهل النار (فا مستنيه ايه علشان تلبسى اللبس الشرعى ؟؟مستنيه ايه؟؟ مستنيه موت الفجأة يجى ياخدك وتقابلى ربنا كده؟؟ ....ممكن تقولى "يا أخى انتا مكبر الموضوع كده ليه ! ، ما كل البنات والستات لابسين كد معنى كده ان كلهم ها يدخلوا النار يعني؟ … يا أختى ما أنا لسه قايلك إن النبي قال إن النساء اكثر اهل النار! وكمان تعالي نشوف لبسك ده ممكن يوديكي فين؟ ...... إنتى عارفه يا أختى ..لو نزلتى الشارع و100 واحد بس نظر ليكي ده على طول بـ 100 سيئه فى ميزان سيأتيك! لو نزلتلى الجامعه والف واحد بس من الألوف اللى موجودين فى الجامعة نظلر ليكي.. وكان نصيب كل واحد منك 100 نظرة ها يطلع بس100000 سيئه ، ولو واقفه مع شلة فى الجامعه ساعة ولا ساعتين كل واحد نظر ليكي 100 نظرة ده غير لو شاب من الشباب إياهم اللى عينهم هيئه أرصاد جابك من فوقك لتحتك ربع ساعه يعنى كمان ألف نظره ، لو نزلتى تتفسحى بالليل وكل واحد من شباب الليل اللى ما يتوصوش مش هنقول نظر ليكي عشرين نظرة ..هنقول عشرة بس..هترجعى البيت بكام سيئة؟! ...كل ده ما يخليش جسمك يقشعر ، ده ولسه كمان انتى قبل ما تنزلى وقفتى قدام المرايه ساعه ولا اتنين تعدلى الطرحه وتلفيها فوق وتحت وتحطي عشر طرح فوق بعض وتحطى حبة مكياج خفيف على حبة روايح وكله بحسابه ، وبعدين نزلتى الشارع..
قامت واحده فى اعدادى شافتك قالت أنا ها طلع زيك ، هاتبئا فى ميزان سيئاتك ..! شاب ملتزم شافك انتكس فى ميزانك..! شاب شافك شهوته ثارت راح عمل عاده سيئه فى ميزانك..! واحد تانى لما شافك راح زنا فى ميزانك..!واحد تانى لما شافك نفسه اتفتحت قعد يبص على اللى الرايحه واللى جايه طول الليل فى ميزانك ، واحده ملتزمه لما شافتك اتفتنت بنظر الناس ليكى خلعت الحجاب فى ميزانك..!بنتك لما تكبر وتشوف صورك وتقول انا هطلع زيك يا ماما فى ميزانك..! أعداء الإسلام لما يشفوكى إنتى وبنات المسلمين بالمنظر ده ويفرحوا يبقى انتى شمتى أعداء الإسلام فى الإسلام فى ميزانك..!ايه ده كله ؟؟!!كل ده يجيله كام سيئه ؟؟؟ مليون سيئة على الاقل فى اليوم…..!طيب ده انتى بقالك 5 سنين بالمنظر ده ..هنقول 2000 يوم × مليون سيئه = كااااااااااااام ؟؟ ده احنا بقينا بنلعب فى مليارات السيئات دلوقتى …. والعداد ها يفضل شغال طول ما فساتينك ولبسك فى دولابك لحد اما تتوبى…...طيب حكم رسول الله فيا أيه ؟؟ بلبسك اللى انتي مستهزئة بيه ومش حاطه أهمية ليه النبي قال انك :من اهل النار ولن تقربي الجنه ولن تجدي ريحها....قال الرسول صلى الله عليه وسلم " صنفان من أهل النار لم أرهما ، قوم معهم سياط كأذناب البقر يضربون بها الناس، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة و لا يجدن ريحها ، وإن ريحها يوجد في مسيرة كذا وكذا " ... عارفه كاسيات عاريات يعني ايه؟؟ يعنى لابسه وساتره نفسها وما فيش أي حاجه من جسمها ظاهره ..بس لبسها ضيق مبين جسمها كله فكأنها مش لابسه ..زي اللى موجود دلوقتي من لبس البنات(بديهات وفيستات وبناطيل واسترتشات وبناطيل جينز..وللأسف اعدائنا عرفوا إن الأمة مش ها تتدمر بالقنابل .... بل بكأس وغانيه.. فترضى انك تبقى قنبله تنفجر فى الدين .. ترضى انك تبقى سكينه ينطعن بيها الدين فى مقتله ؟؟؟ الأجابه "نعم "بملابسك دى إنتى رضيتى ، وكمان وللأسف البنت اللى بتفتن شباب المسلمين بلبسها وجسمها ملعونه ومطروده من رحمة الله..2 فقال الرسول الله صلى الله عليه وسلم عنهم " إلعنوهن فإنهن ملعونات " إنتي عارفة اللعنة يعني أيه ؟ اللعنة يعنى الطرد من رحمة الله ، الرحمه اللى ما حدش يقدر فى الكون يعيش من غيرها ولا ينجوا من نار جهنم إلا بيها ، ومش ها ندخل الجنه أصلآ غير برحمة ربنا ؟؟ شوفى بئا أديكي بلبسك ده بقيتى ملعونه وطردتي نفسك من رحمة ربنا ... ليه كده ؟؟؟ مين اللي يستاهل وأيه اللي يستاهل؟ ! والأكتر من كده تعرفى إنى البنت اللى بتحط برفان بتكون وغصب عنى لازم أقولك إنها بتكون " زانيه "ولا يقبل منها صلاه.... قال رسول الله صلى الله عليه وسلم "أيما امرأة إستعطرت فمرّت بقوم ليجدوا ريحها فهي زانيه" زانية !! وكمان الصلاة بتاعتها مش مقبوله ! يا نهااااار ترضى تبقي زانية عشان شوية برفان وروايح ! فيه واحدة عاقلة ترضى على نفسها كده .....وكمان تعرفى انك بكده ممكن تكونى جند من جنود الشيطان ؟! ... أه والله "قال رسول الله صلى الله عليه وسلم : المرأة عورة فإذا خرجت استشرفها الشيطان) يعني الشيطان بيفرح أول ما بتخرجي بالمنظر ده .. لأنك بتوفري عليه كتير أوي فى إضلال الشباب….. بعد اللى قرأتيه دا عمرك شفتى ذنب الرسول بيعظم خطورته بالطريقه دى؟ وطبعآ ممكن تقولى إ نت أكيد بتهرج!! وتقولى أنا عمرى ما سمعت الكلام ده قبل كده وتقولى للدرجه دى الموضوع خطير !!للدرجه انى ممكن رائحة الجنة ما أشمهاش!! . . .أه... للدرجه دى وأكتر مستنيه أيه بقى ؟؟ مستنيه عقوبه ربنا فى الدنيا ؟ ولا مستنيه سوء الخاتمه؟؟ ولا مستنيه عقوبه ربنا فى القبر..؟؟ ولا مستنيه أهوال يوم القيامة ؟؟ ولا مستنيه عقوبه ربنا فى النار؟؟مستنيه ايه؟؟ " تعرفى إنك ها تتحجبى غصب عنك حجاب شرعى كااااااااااااااااامل بس وانتى داخله قبرك .هاتتحجبى فى خمس او ست لفات من ثوب الكفن.. ..!!!فا يا أختي إلبسيه حباً قبل ما تلبسيه غصبا ً !جسمك اللى كنتى بتغرى بيه الشباب ها يبقى فى القبر وجبه غذائيه متكامله العناصر للدود ، جسمك ووجهك الجميل اللى كان بيبص عليه الشباب فى الدنيا لو حد بص عليه فى القبر ها يترعب من منظره ، ده طبعآ غير موقفك اللى لا تحسدى عليه يوم القيامه فالرسول يقول " إلعنوهن فإنهن ملعونات " ودا معناه الطرد من رحمة الله.. إزاى الكلام دا؟..... يعنى فى عز الحر والشمس فوق الرؤوس ها تطردى من ظل عرش الرحمن ..و ها تطردي من إنك تشربي من إيد النبى ! ، وغير دا كله ها تقابلى ربنا ازاى وتقفي بين أيديه ازاي وها تقولي له أيه ساعتها. ؟ ومصيرك هيبقى أيه ساعتها..؟؟. ومش خايفه إنى يكون جسمك اللى فتنتى بيه الشباب وبلبسك الضيق إنى يكون مصيره النار... عارفة يعني ايه النار ؟؟؟ يا جماعه الواحد لما بيشوف فرن مولع بيقول الواحد لو دخل هنا ها يحصله ايه؟ إنتى مش عارفه إن شراب أهل النار نار ؟؟ إنتى مش عارفه إن طعام أهل النار نار؟ إنتى مش عارفه إن فراش اهل النار نار ؟؟ يا أختى إتكبرى فى أى حاجه إلا مصيرك؟؟ بأيدك تحددي مصيرك أوعى تترددي فى القرار دا الرسول بيقول " صنفان من اهل النار" ..انتى عارفه يعنى ايه اهل النار ..يعنى لما واحد يعيش فى بيت كذا سنه بنقول ده من أهل البيت ..يعنى انتى هتبقى من اهل النار ..يعنى ها تقعدى فى جهنم سنيييييين مش يوم ولا يومين...فى نفس الوقت كان ليكى قصر فى الجنه ضيعتيه من ايدك بتبرجك بالله عليكى ..أيه اللى يستاهل..؟؟ إنتى متخيله جمالك فى الجنة ها يبقى شكله ايه لو أطعتى الله ؟؟ ها تبقي أجمل من الحور العين بإذن الله .... والله يا أختى المنقبه او المختمره بتبقى ملكه ماشيه فى الشارع ..ليه تحرمى نفسك من لذه الايمان ..الحقي اركبي فى قطر التوبه قبل ما يطلع..عارفه المرأة اللى جت للرسول تشتكى له الصرع وتطلب منه انه يدعي لها .. قالها اصبري ولكى الجنه ..قالتله ولكنى اتكشف..... يعنى المرأه صبرت على الصرع وما صبرتش على إنها تتعرى..!!مع إنها مريضه وليها رخصتها ..!طب احنا ها نعمل أيه اللي بنلبس اللبس ده وبنشتريه بأيدينا؟؟ قال تعالى " وَلَا تَبَرَّجْنَ تَبَرُّجَ الْجَاهِلِيَّةِ الْأُولَى " إنتى عارفه تبرج الجاهليه الأولى ده كان أيه ؟ كان النساء بيلبسوا الطرحة فا تبان حته من مقدمه رأسها ورقبتها وبس ، ودا ربنا قال عليه تبرج ، وعمرنا ما سمعنا مرات ابو جهل لبست (بدى) ولا مراة ابو لهب لبست (استر تش)..ولا كانوا يرضوا يلبسوه ..!!فى الوقت اللى المسلمه دلوقتى ما بتتعرفش من غير المسلمه وده للأسف من لبسها ....!!يا أختي ربنا أعطاكى الجمال وده نعمه من نعمه ..ممكن ياخدها منك في أي وقت...خافي إن ربنا يسحبها منك
واعكسى الكلام دا كله عن الحجاب اللى ربنا أمرك بيه ها تلاقيه عداد حسنات مفتووووووووح والمليارات اللى إحنا قعدنا نعد فيها وانتي متبرجة ها تخديها حسنات .... فيا بختك بحجابك الصح ومن قربك من الله ..يا بختك والله بجد " فَأَيُّ الْفَرِيقَيْنِ أَحَقُّ بِالْأَمْنِ إِنْ كُنْتُمْ تَعْلَمُونَ " طيب بس بابا وماما مش موافقين. يا أختى دى شطارتك بقى ...شوفى لما بتكونى عايزه فلوس أو حاجه بتحاولى بكل الطرق علشان تقنعيهم بيها ...... فا بنفس الطريقه باذن الله تقدرى تقنعيهم بالحجاب الشرعى السليم لأن ده مصيرك يا أختي وجنه ونعيم ، أو نار وجحيم ..... .بس ها يقولوا إنتى ها ضيعى شبابك ! انتي بتدفنى نفسك … ! ساعتها لازم تكونى زى الصخرة القوية اللى الناس كلهم عمالين يحدفوا بالطوب فيها وهى لاشئ يؤثر فيها.. فا أرجوكى إوعى تسمعى لأى كلمه من أى حد . إنتى اللى على حق ، إنتى اللى صح .. طيب بس زمايلى وأصحابى كلهم ها يسبوني ..... يا أختى زمايلك ، وأصحابك ولا ربنا …..! طبعآ ربنا والقرب منه ، وصحبه نبينا فى الأخره ، ورؤيه وجه الله فى الجنه ، إوعى تتخلى عن كل ده عشان الناس وخلى قدوتك هى السيدة عائشة ، والعفيفات من الفتيات المحجبات حجاب شرعي......... بس الناس ها تتريق عليا وعلى لبسى ..؟ !لازم تستحملي وتعرفي إن ها يجي اليوم اللى تتريقى انتى عليهم وانتى فى الجنه قال الله تعالى " فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ عَلَى الْأَرَائِكِ يَنْظُرُونَ" وأي حجه الشيطان ها يجيبها لك عشان تتأخرى فى التوبه لازم تشيلها من نفسك تماما ..مفيش وقت للتسويف ... إوعى تستني فقطار الأجل لا ينتظر .
نيجى لأهم نقطه فى الموضوع ..وهى صفات الحجاب الشرعى السليم ....... بصى يا أختى لبس المرأة ينقسم إلى : الحجاب ، والجلباب ، والحجاب بمفهومنا هو الحاجة اللى بتغطي الرأس ، والجلباب يعني اللبس اللى تحت الحجاب او العباية يعني ما ينفعش بقى أبقى لابسه حجاب شرعى وجلباب مخالف والعكس..!! ..... أما الحجاب فهو ما يحجب ويغطى جسمك ومفاتنك وده سواء كان إيشارب أو طرحة أو خمار ، أهم شئ يكون: مغطى نصف جسمك اللى فوق كله مش مثقوب ولا مطرز ولا ألوان الطيف ولا الكلام ا ده كله ، أما العبايه : عارفه إسدال الصلاه اللى بتلبسيه زيه كده بالظيط ، و بتلبسيه فى الصلاه لأنك واقفة بين يدى الله ، برده لازم تعرفى فى نفس الوقت إنك في الشارع برده واقفة بين يدي الله ، ولازم أهم حاجه فى العبايه أو الإسدال أنها ماتخليش اللى يشوفك يعرف حجم جسمك ..يعنى ما يعرفش إنك تخينه ولا رفيعه .. أى حاجه تانيه غير كده ها تبقى فتنه ..!! يعني ما فيش حاجه اسمها وسط للعبايه ..!!!وما ينفعش بنطلون إطلاقا ..حتى لو كان أوسع بنطلون في الدنيا !!وتكون العبايه طويلة بحيث إنه لو قعدتى أو ركبتي مواصلات مفيش حاجه من جسمك تظهر.. وطبعا قماشتها سمكية مش شفافة......طب والألوان ..... إلبسي أى لون بس اياكى من الالوان المتداخله فى بعضها والفاقعه وألوان الطيف الملفتة اللى تخطف عين اللى يبص لك ..... طيب أنا لبست الحجاب الشرعى بس كده ....معلش عايزك تخدى بالك إني فيه مفسدات بتفسد الحجاب الشرعى بتاعك وتجيبه الأرض..زى البرفان والروايح بأنواعها ، و المكياج بكل انواعه ، والكعب العالى إياكي والتلات حاجات اللى فاتوا "درجات الحجاب"
1حجاب المراه الصالحه.. وهو عبايه بنفس المواصفات السابقة أوحجاب سواء إيشارب او خمار بنفس مواصفات الحجاب اللى ذكرناها .
وحجاب المرأه المُصلحه.. وهو النقاب ..بنفس المواصفات السابقه ..النقاب الحقيقي اللى فيه تقوى لله عز وجل..الفقهاء اختلفوا قالو نقاب وخمار..وانتى فى زمن الفتن واختارى ..؟؟
3- حجاب المرأه السابقه....حجاب الجسم كما ذكرنا بالإضافة إلى الإحتجاب عن الرجال والبعد عن الاختلاط قدر الإمكان ...... فيا أختي والله مفيش وقت ..بلاش تسويف ..محدش عارف هيموت امتى ...... وموت الفجأه شايفين زاد و انتشر فى الزمن ده ممكن تموتي وانتى قاعده بتقرأى الورقه حالآ .. لو قابلتي ربنا ها تقوليله ايه ؟
ها تقوليله كنت مستنيه لما اتخطب وبعدين ابقى أغير لبسي؟ ، ولا ها تقوليله الناس كانت هتقول عليا إنى مش شيك بالزي الشرعي ...... ولا ها تقولي له أصلي مكنتش مقتنعة .... يا أختى مش عايزين أوهام ، والله دى كلها أفكار نفسك ، وشيطانك بيضحك عليكى بيها ، الإسلام عايز يحفظك ويصونك ويخليكي درة ما يوصلهاش إلا اللى يستحقها….. يعنى مش عايزين حد يقول هلبس الأول بنطلون واسع ..وبعدين جيبه وبعدين ممكن ابقى البس إسدال….!! ممكن تقولى بس أنا لو غيرت لبسي مرة واحدة صعب ومش ها قدر……أقولك لو تضمني إنك تعيشي يوم واحد كمان ..... ساعتها هقولك خدي خطوات براحتك..! إنما محدش فينا ضامن عمره ، لو جالك ملك الموت هتقوليله استنى عليا شوية !
كفاية ان ربنا اداكي الفرصة لحد دلوقتي علشان تصححي حجابك.! عايزين نفوق بقى ونعمل حساب أخرتنا والوقوف للحساب امام الله سبحانه وتعالى..! عايزين تبقى الخطوه الاولى ...خمار مع جونتى..الخطوه التانيه نقاب ..الخطوه التالته عريس صالح ..
الخطوه الرابعه الجنه باذن الله ..خليكى حاسمه ..خدى القرار دلوقتى حالآ حالآ مش بعد شويه واتركى الماكياج ، واللبس الضيق ، لله فورآ ووالله ها تشوفي النتيجه هتلاقى نفسك سعيده وها تحسى إنك ملكه بحجابك اللى يرضى ربنا .....مش عايزين إستعباد لشهواتنا اكتر من كده ..وخلي الكلمتين دول على طول فى بالك ..من وجد الله فماذا فقد؟؟ ومن فقد الله فماذا وجد؟! يلا يا أختي نصحح حجابنا ، ونصلى فروضنا ، ونرجع لقرآننا و نبدأ حياة جديدة ..حياة هدفنا الوحيد فيها هو رضا ربنا اللى خلقنا وانعم علينا بنعم لا حصر لها ..حياة كلها راحة وطمانينة وسعادة