نصائحى لكل المبتدئات فى عالم الانترنت

النهاردة أنا بقدملكم
خلاصة تجاربى فى عالم الانترنت
واللى لو إلتزمتى بها ان شاء الله محدش هيقدر يضرك
أو يخترق جهازك أو يسرق ايميلك أو يصيب جهازك بالفيروسات

نبدأ مع بعض وركزوا معاية كويس أوى

أولا وقبل أى شئ لازم يكون لديك أنتى فيروس ومحدث من الانترنت
والافضل كمان انه يكون سيكيوريتى علشان يقدملك حماية أفضل

1- بالنسبة لتحميل البرامج من النت

*********************************

أ- انظرى إلى رابط التحميل بدقة إذا وجدتى رابط التحميل طوييييييييل أو لموقع غير معروف ولا مشهور
الحل انك بسرعة تقفلى صفحة التحميل قبل ما الصفحة تحمل
لأن فيه مواقع بتكون سبب فى اختراق الجهاز أو تنزل عليه فيروسات

ب- لو حملتى برنامج من موقع معروف وثقة وكله تمام
يبقى لازم قبل ما تفتحى البرنامج اللى حملتيه تعملى حاجة مهمة جداااااااا وهى انك تفحصيه بالأنتى فيروس ولو ظهرلك ان فيه فيروس تروحى بسرعة تحذفى البرنامج بدون ما تفكرى
افحصى البرنامج كويس جدا بالانتى فيروس اللى على جهازك
وكمان افحصيه من الموقع دة


ج- لو لقيتى موضوع بيقول لك مثلا إدخلى اخترقى أى ايميل أو ما شابه ذلك
وبيشترط أنك تكتبى ايميلك وكلمة السر علشان يظهرلك محتوى الصفحة ..
إحذرررررررى من كتابة ايميلك أو الباص وورد فى أى صفحة غير الموقع المخصص بعمل الايميل
لأن فيه مبرمجين هاكرز بيعملوا صفحات شبه صفحة الموقع بالظبط ومحدش يقدر يعرفهم ألا المبرمج الواعى

د- لو لقيتى موضوع فى المنتدى وفيه أى رابط زى النوع اللى كلمتكم عنه اكتبوا رد فى الموضوع بحيث لو واحدة دخلت الموضوع ولسة مبتدئة تبقى نصحتيها قبل ما يقع عليها الضرر
وإعملى ابلاغ أو ابعتى لأى مشرفة أون لاين وهى هتتصرف


2- بالنسبة للتعامل مع الايميل
********************************

أ- متقبليش اضافة لأى شخص غير موثوق فيه ، اعملى له بلوك فورا.

ب- متقبليش أى روابط أو صور من شخص غير موثوق فيه

ج- متفتحيش أى رسايل من أشخاص مجهولين حتى لو لقيتى عنوان الرسالة جذاب و مفيد

د- إذا وصلتك رسالة من شخص معروف حتى لو كانت من أختك
ولقيتى عنوان الرسالة invitation أو أى كلام بالانجليزى متفتحيش الرسالة واحذفيها فورا

هـ - لازم تكونى عارفة بيانات ايميلك علشان لا قدر الله إذا الايميل اتسرق تقدرى ترجعيه تانى
زورى الموضوع دة هيفيدك جدا
دروس فى استخدام ايميل الياهو متجدد بإذن الله

و- بلاش تتكلمى مع اى شخص غريب او صديقة غير موثوق فيها عبر المايك
لأنه من خلال الصوت يقدر يوصل لآى بى جهازك وبكدة هيخترق جهازك بسهولة

ز- افرضى ان ايميلك اتسرق لا قدر الله
تروحى بسرعة لأصحابك اللى انتى ضيفاهم فى الايميل وتقوليلهم ان ايميلك اتسرق ويحذفوه من عندهم وميقبلوش اضافته ولا يفتحوا أى رسائل توصلهم منك

نصائحى لكل المبتدئات فى عالم الانترنت ولأعضاء فتكات أرجو الدخول للأهمية

3- بالنسبة لمواقع الرسائل والمكالمات المجانية
*****************************

أرجوكم احترسوا من هذه المواقع
ممكن تكون بها ملفات تجسس
أو ممكن تكون مواقع اعلانية فقط ولا تفيدك بأى شئ
والله أعلم

4- يفضل تغيير نسخة الويندوز باستمرار مع عمل فورمات للجهاز حتى يتم حذف ما به من فيروسات أو غير ذلك


رجاااااااااااء

لو سمحتى إذا دخلتى موضوع واكتشفتى أنه سوف يضر بجهاز العضوات أخواتك
فلا تترددى فى كتابة رد بالموضوع لتوضيح ما حدث معك
و ياريت تبلغى المراقبات والمشرفات لسرعة التصرف

و إذا أعجبك أى موضوع اكتبى رأيك فيه علشان الكل يستفيد منه
ولا تنسى التقييم
طريقة تقييم موضوعك، ورؤية عدد ودرجة تقييمات أي موضوع (بالصور)

مش معنى كدة ان الانترنت وحش لا بالعكس دة مفيد جدا
و بنقدر نتعلم منه حاجات كتير فى كل المجالات
لكن نلتزم الحرص حتى نستفيد بدون أى أضرار

ملحوووظة هاااااااااامة

احذروا من الكاميرات والمايك يا بنات

طول ما انتى مش بتستخدمى الكاميرا او المايك افصليهم عن جهازك تماما

لأن فيه برامج تجسس تقدر تفتحلك الكاميرا بدون ما تحسى
عايزين نتجنب المشاكل بقدر الامكان لأن فيه ناس معملوش بالنصيحة ألا ما وقعوا فى المشكلة

وكمان متحطيش اى صور لك عالكمبيوتر نهائيا
تأكدى ان جهازك المتصل بالانترنت غير آمن على بياناتك او صورك الشخصية

ربنا يحفظكم من كل سوء