تذكير مهم بصيام الثلاث ايام البيض لا تنسوا اخواتي

السلام عليكم ورحمة الله وبركاتة :)

بفكركم بصيام الثلاثة البيض ابتداءا من (((غدا السبت))) ايام 13 و14 و 15

اية بتقل عليكم :)
...
اوعو تقولوا اه دانا عايزاكم تدخلوا الجنة بأسرع الطرق بسبب صيامكم من اعظم الابواب باب الريااااان وبعدين دي وصايا النبي للي عايز يوصل ويقرب مش انتوا عمالين تشتكوا وتقولوا احنا مش عارفين نقرب لربنا مهي هي دي الحجات اللي تقربك بجد..عايزه اساعدك تدخلي الجنة زعلانه ليييييييييييييه :)

(((اقولك على حاجة )))... استغلي شبابك وصحتك دانتي بكرة هاتكبري وانتي عارف السن بيحكم يبقى نفسك تصومي ومتعرفيش عشان الصحة ما بقيتش مساعده انا ما بقولش حاجة والله انا اتمنى للجميع كامل الصحة لكن دي سنة الحياة فسبحان من جعل من بعد قوة ضعف :)

عامة يا اللي بيصوم اتنين وخميس بس اكيد ربنا هايشكروا شكر جزيل ولكن اللي هايصوم اتنين وخميس والثلاثة البيض دا واحد بقى طموح شوية عايز يوصل لاعلى الجنان ويمكن يبقى جار النبي ..

طب اسمعي حديث النبي الجميل جدا اللي يمللى القلوب كدا همه ونشاط واللي بيقولك فيه كأنك صومتي الدهر كله شوف كرم ربنا ..تخيلي بقى انتي السنة دي غلطتي اد اية في الايام الباقيه بس عشان بتصومي من كل شهر الثلاث ايام دول تكفري بها ذنوب الشهر كله ولو صومتي كل شهر يبقى تكفري السنة كلها :)

انا عارفه انكوا هاتقولوا يا اختي طب منا صومت الاثنين والخميس هاقولك يا اختي طيب منا عارفه بس فيه ناس بتصومهم برضوا ويصوموا الثلاث ايام عشان يبقوا اول ناس تدخل من باب الريان ..وبعدين يا اختي انتي ليه تبخلي على نفسك ادينا مع بعض بنشجع بعض الله اعلم بكرة مخبيلنا ايه مش يمكن بكرة اكون انا مجرد ذكرى ومتلاقيش حد يفكرك يبقى اغتنمي الفرصة واللي ما صمش اتنين وخميس يصوم حتى الثلاثة البيض واللي صامهم يصوم الثلاثة البيض ويكون كريم مع الله ويشوف الكريم هايرد على كرمه دا ازاي :)

طيب خلينا نشوف كدا فضل الثلاثة البيض كدا عشان نتشجع شويه :)

1- عن عبد الله بن عمرو بن العاص، رضي الله عنهما، قال: قال رسول الله: "صوم ثلاثة أيام من كل شهر صوم الدهر كله" ((متفق عليه))

2- وعن أبي هريرة رضي الله عنه قال: أوصاني خليلي صلى الله عليه وسلم بثلاث: صيام ثلاثة أيام من كل شهر، وركعتي الضحى وأن أوتر قبل أن أنام. ((متفق عليه))

والثلاثة أيام البيض أطلق عليهن ذاك الوصف لبياض القمر فى لياليهن ويشرح العلماء كيف أن صيام ثلاثة أيام من كل شهر بانتظام كصيام الدهر كله..فانطلاقا من قاعدة الحسنة بعشر أمثالها فصيام الأيام الثلاثة يعدل صيام ثلاثين يوما أى شهر كامل وهكذا كل شهر فكأنه صيام للدهر كله

وهى الأيام 13 و 14 و 15 من كل شهر عربى وهى توافق 18.17.16 من الشهر الميلادى الحالى

هــــــــــــــــــــــــــــــه

يلا عشان نيجي يوم القيامة كدا نقوله يارب احنا كنا بنصوم الثلاثة البيض من كل شهر يعني احنا كنا صائمين سنين عمرنا كلها :)

طب اسمــــــــــــــعي النبي كدا وهو بيقولك ... لما سئل صلى الله عليه وسلم عن عمل يدخل به الجنة فقال: ((((عليك بالصوم فإنه لا عدل له... لا يساويه شيء))) !!!

عشان يباعـــــــــد الله وجهـــــــــك عن النار مسيرة مائة عام وفي رواية اخرى للحديث سبعون خريفا شوفي الاجر العظيم مع ان العمل بسيط مقارنة بالاجر..اد اية يارب انت كريم .. اد اية يارب انت شكور تشكر القليل فاكره الراجل اللي دخل الجنة في جزع شجر رفعه من الطريق حتى لا يأذي الناس..فتخيلي اللي صام يوم في سبيل الله من غير فريضه سنه عن حبيبه!! وتيجي يوم القيامة تدخلي من باب الريان كدا وانت فرحانه!! :)

دا كمان دعوة الصائم لا ترد يعني اللي ليه حاجه عايز ربنا يقضيها له يصوم ويدعو بيها مين بس مالوش داحنا مساكين اوي!! .. غير ان الصيام يأتي شفيعا للعبد من العذاب يوم القيامه يقول يارب منعته الاكل والشرب من اجلك ..هه يعني انت معملتش الاسبوع دا ذنب محتاج تكفر عنه مش الحسنات يذهبن السيئات؟! .. وبعدين دا في القرءان ربنا بيقول(( الا من تاب وامن وعمل عملا صالحا ))هو فيه عمل صالح اكتر من الصيام ؟!! :)

الصــــــــــيام يا جماعه من اكتر الاعمال اللي بتقرب الى الله لانه ببساطه انت ممكن تصوم ومحدش يعرف انك صايم صح ويكون عمل خالص لله وحدة جرب كدا تقولوا يارب انا مش هاعرف حد اني صايم عشان انا صايم ليك انت عشان تغفرلي ذنوبي وتستجيب دعائي وتفرج عني همومي ..

اللي فيه ذنب وعايز يبطلوا يصوم بكره ويتعلم يبطلوا ان شاء الله ..وحتى لو مش هاتصوم لسبب ما بالله عليك ادعو اصحابك يكون لك اجر كل اللي يصوم من الي هاتدعيه من صحابك شوف يقى اجر كام صائم 100 ..200 واحد ؟ هايكون في ميزان حسناتك 100 او 200 صيام لوجه الله تخيل!! اد اية انت كريم يارب :)

والله يا جمــــــــــــــاعه ان خسارة الاجــــــــــــــــــر دا كله يضيــــــــع علينا!!



بالمناسبه للناس اللي ما صمتش لسبب ما الخميس ودعت اصحابها انا بقولهم هنيئا لكم خدتوا اجر صيام شوفوا بقى كام واحد من اصحابكم اللي دعيتوهم حتى لو هما كمان ما صموش تخيلوا مش النبي قال الدال على الخير كفاعله انتوا دليتوا غيركم يبقى كأنكم صومتوا وكمان قال انما الاعمال بالنيات مش انت كنت في نيتك تخلي اصحابك دول يصوموا خلاص يبقى تاخد اجر صيامهم برضوا شوفت ربنا كريم ازاي بل انك بدا تمحو سيئات مش النبي قال ان الحسنات يذهبن السيئات...((( ادعو كل اصحابك تاخدي اجر صيام اللي دعيتيهم حتى لو ما صومتيش لسبب ما مش الدال على الخير كفاعله)))


انا كمان بهني كل اللي صاموا معانا في يوم الخميس وبقولهم مبارك صيام يوم في سبيل الله من غير ما يكون فرض تيجوا يوم القيامه كدا تقولوا لربنا يارب صومنا في سبيلك يوما حب لطاعتك ورغبة في رحمتك اد ايه كان احساسك لما صومت كدا واد ايه حسيت ان دا رفع همتك وخلاك حسيت انك ممكن تبطل ذنوب معينه حتى لو مش في رمضان ..اليوم عدا بسرعه الحمد لله وكان يوم جميل اوي والله وسهل وقصير

طيب خلينا نشوف (((اجــــــــــــــر الصــــــــــــــــائم))) عشان نتشجع كدا ونتحفز وتعلو همتنا ونصوم بكره ان شاء الله

عن عائشة ـ رضي الله عنها ـ " أن النبي صلى الله عليه وسلم كان يتحرى صيام الاثنين والخميس "
...صحيح : رواه ابن ماجة والترمذي والنسائي


(((أن يباعد الله منك جهنم مسيرة مائة عام)))

يقول رسول الله صلى الله عليه وسلم : " من صام يوماً في سبيل الله ؛ باعد الله منه جهنم مسيرة مائة عام "
السلسلة الصحيحة ( 6 / 2565 )

(((أن يجعل الله بينك وبين النار خندقا كما بين السماء والأرض)))

يقول رسول الله صلى الله عليه وسلم : " من صام يوماً في سبيل الله ؛ جعل الله بينه وبين النار خندقاً كما بين السماء والأرض "
حسن : السلسلة الصحيحة ( 2 / 563 )

(((أن يشفع لك الصيام يوم القيامة)))

يقول رسول الله صلى الله عليه وسلم : " الصيام
والقرآن يشفعان للعبد يوم القيامة ، يقول الصيام : أي رب منعته الطعام
والشهوة ؛ فشفعني فيه ، ويقول القرآن : منعته النوم بالليل ، فشفعني فيه ،
قال : فيشفعان "
إسناده صحيح : رواه أحمد ( 2/174 )

(((أن تدخل من باب الريان يوم القيامة)))

يقول رسول الله صلى الله عليه وسلم : " إن في الجنة
باباً يقال له الريان ، يدخل منه الصائمون يوم القيامة ، لا يدخل منه أحد
غيرهم ، يقال : أين الصائمون ؟ فيقومون ، لا يدخل منه أحد غيرهم ، فإذا
دخلوا أغلق ؛ فلم يدخل منه أحد "
و في رواية عند ابن خزيمة : " ....... فإذا دخل آخرهم أغلق ، و من دخل شرب ، و من شرب لم يظمأ أبداً "
] رواه البخاري (1896) ، و مسلم (1152) ، و الترمذي (765) ، و ابن ماجة (1640) ، و النسائي (4/118) ، و ابن خزيمة (1902)

(((رجاء أن يُختم لك بصيام يوم فتدخل الجنة)))

يقول رسول الله صلى الله عليه وسلم : " من خُتم له بصيام يوم ؛ دخل الجنة "
رواه البزار عن حذيفة ، و صححه الألباني في صحيح الجامع (6224)
أن يُرفع عملُك وأنت صائم
عن أسامة بن زيد ـ رضي الله عنهما ـ قال : رأيت رسول الله صلى الله عليه وسلم يصوم يوم الاثنين والخميس ، فسألته ؟ فقال : " إن الأعمال تعرض يوم الاثنين والخميس ، فأحب أن يرفع عملي وأنا صائم "
صحيح : فتح الباري ( 4 / 278 )

اخوتي للصائم دعوة لا ترد اليس لكم حاجه عند الله ! ولا ننســـــى أن الصوم يهذب النفس ويربيها

والله يا جماعه كمية ناس فيها خير وانتهزوا الفرصة ودعوا اصحابهم اكتر من 11 الف واحد كانوا في الدعوة اللي فاتت تخيلوا!! والله الناس فيها خير والاسلام بخير والله هي بس الناس عايزة اللي يفكرها :)


يا ترى ميــــــــــــــــــــــن معانـــــــــــــــــــــــــــــا؟!! ومين هايدعو للمناسبة دي حتى على الاقل لوجه الله وحبا في نبيه؟!!


انشــــــــــــــــــــــــرها ولك الاجر العظيـــــــــــــــــــــــــم


وما تنسوش تدعو لي بتفريج همي فدعوة المسلم لاخية المسلم مستجابة يقول له الملك ولك مثلة


جزاكم الله خيرا

اللهم قد بلغت اللهم فأشهد
سبحانك اللهم وبحمدك
اشهد ان لا إله إلا انت
استغفرك وأتوب إليك