قبل امبارح مكنتش اعرفها بعد مشفت كم الانتقادات عليها قررت
اشوفها وبعد مشوفتها قولت لازم ارد غيبتهاعايزه اقول لكل حد سمحتلو
نفسو انو يتريق على بساطتها وعفويتها
-انتى ليه فكره انك غير الناس كلنا من طينه واحده متجرحيش فحد عشان انتى
مليانه عيوب بس الفرق انك اتعلمتى ازاى تداريها وتجريحك فست بسيطه اهانه
ليكى انتى
2- مش لازم تبقى لابسه جوانتى وعندها احدث اجهزه المطبخ انا شايفه ان
مطبخها بسيط ورقيق ونضيف وده كفايه والى بيتريقو على الحلل هقولهم الله
يرحم عشان ميقولش كده غير محدث نعمه واكلاتنا الحلوه دى مدوقيهاش بطعمها
الاصيل ده الا من ست البيت البسيطه ومامهاتنا عمرهم ملبسو جوانتى وهما
بيطبخولنا الاكل الى اتربينا عليه
3- والى بيقول الست دى مينفعش تبقى واجهه ستات مصر وتمثلنا اقولهم الفرق
بين الناس فالتقوى ازاى مترضوش ان ست بسيطه مكافحه تبقى واجهه لشريحه حتى
من ستات مصر وترضو انها تبقى بطلات افلام الاسفاف الى رغم الدعوه لمقاطعتها
حققت اعلى الايرادات
4-الى بيقول احنا عارفين الاكل ده وعايزين برامج محترمه تعرفنى لما ادخل
مكان محترم اطلب فى ايه هقولها انا جدا مع الثقافه بكافه اشكالها ولازم
طبعا لما اقعد فمكان شيك ابقى على مستواه وعارفه الى بيتقدم فيه واعملو
فبيتى بس الجهل كل الجهل ان تلاتربع الناس بقت اكلتهم المفضله السوشي
واكلنا وتراثنا بقى بيئه ويع
مش معقول اقول على رز معجن وسمك ني وطحالب ياي روعه مع احترامى للي بيحبوها
بجد وعل ى اكلنا وتراثنا يععع وانا فاكره ان ده الى هيخلينى هاى كلاس
وليا قيمهعذرا الى يعملك ايمه انك تبقى عارفه اصلك ومعتزه بيه وبطورى نفسك
5-الى بيحقر منها ويقول احنا بنقرف من اكلها وعايزين حاجه على مستوى
بقولهم يعنى لا منكو ولا كفايه شركو الناس االى تحت خط الفقر شريحه اغلبيه
فى المجتمع من حقها تفتح التلفزيون تلاقى برنامج بيخاطبها قريب منها
ميعقدهاش ويكرها فحياتها وفيه شباب متغرب لوحدو عايز يتعلم اكله سهله
يعملها لنفسو وفى اسر متوسطه وفوق المتوسطه عندها فلوس بس محتجاها لتربيه
عيالها واولويات تانيه عايزين اكلات متوسطه
وفى ستات كبار فسن عايزين واحده تقولهم الاكله بطريقه وامكانيات سهله ممكن
ينفذوها وفى ناس ريتش لازم تشوف برنامج زى ده عشان تعرف ان مش كل الدنيا
بتاكل بط وبرميزان وباتون ساليه يمكن يحسو بغيرهم ويساعدوهم
6- فى ناس قررت تضحى بوقتها الثمين ويعملو صفحه مخصوص لانتقادها بقولهم
انتو الى جايبين شعوبنا ورا دى ست بسيطه بتكافح وعندها معلومات فلنفترض
انها متواضعه بس بتستغلها عشان تنفع نفسها وغيرها
بطلو انتو تفاهه وشفولكو حاجه مفيده تنفعو بيها نفسكو على الاقل واهانتكو
لناس بسيطه اهانه ليكو انتو بس مع انى شايفه انا ست على طبيعتها ومكافحه
ومبتعملش حاجه حرام وده المهم يريت كل واحد بيكلم يراجع نفسو
7-انا من اسره فوق المتوسط وشايفه انو لا ظروف الحياه وغلاء المعيشه يسمح
بانى طكل يوم اعمل بط وسيمون فميه واكلات لو سمعتها ودخلت المطبخ مش هلاقى
تلاتربع مقاديرها بس بتفرج عليها للعلم وبيستفزنىجدا ان حد يقول اكلات
صحيه وتلاترباعها زبده وكريمه لبانى واجبان وبيستفزنى اكتر ان الى بيكلمو
على اساس ان دى امكاناات الطبقه المتوسطه بس برضو هيا برامج مفيده حتى لو
طلعت منها بمعلومه واحده زى مبرنامج الست دى برضو مفيد
6-الى بيقولو احنا حرين وبنقول رائينا فيها بقولهم رايك لو بناء وبطريقه
محترمه قليه وناقشو لكن لو تهكم وسخريه واهانات هقولك اشتغلى على عيوب نفسك
وعملى حاجه مفيده اكتر منها ده كفايه ومتستغليش نعمه ربنا عليكى فلي
يغضبو وفمعايره الناس عشان نعملو متزولش ولو فى عيوب وحد لازم يتهاجم يبقى
احنا عشان بنسرف على نفسنا ومبنفكرش فغيرنا والناس ت حت خط الفقر بتزيد كل
يوم
فلتقل خيرا او لتصمت
الرئيسية 
المنشورات 
28/2/2024, 4:12 pm
تاريخ التسجيل
عدد المشاركات
موضوع: لو ما بتحبوش غاليه تعالوا اقولكم 
10/11/2011, 1:56 pm
العمر
