نصايح لشعرك قبل الصبغة او الفرد من الماكيرة رندا هجرس

انا هقولكم النهاردة على شوية نصايح تعملوها لشعركم عشان تجهزيه سواء لفرد او صبغة او لهايلايت او حتى سشوار ومكوة
اتفقنا كده

بصى ياستى وماستك الا اانا

عشان مانبقاش كده بعد العيد

تيجى من اول بكرة باظبط وتجيبى من عند العطار مجموعة الزيوت دى

زيت البرتقال زيت الجرجير زيت البابونج زيت الزيتون زيت جوز الهند

وتسخنيهم عالنار بس من فوق النار مش مباشرة على النار وتخليهم يدفو شويتيين كده

وبعدين وانتى بتسخنيهم دلكى فروة راسك بشوية مية دافية لمدة 5 دقايق

بعد مايسخن قسمى شعرك خصل ووزعى الزيت كويس على شعرك وفى الاخر دلكى بقى فروة راسك بشوية زيت منهم اوك

نسيبه 3 ساعات كده عالشعر اوك ونلفه بفوطة سخنة اوى بس نبعد عن المراوح عشان ماناخدش برد

ندخل الحمام ونجيب الشامبو ونرغى بشوية شامبو بس عالشعر من غير مية عشان الزيت يطلع من الشعر

وبعدها نغسله من الشامبو والزيت بالمية اوك

وواحنا فى الحمام اساسى كده بعد حمام الزيت تعملى حام كريم عشان يطرى شعرك لان حمام الزيوت بينشف اى شعر وده
المعروف عنه

فا لازم حمام كريم وتسيبيه على شعرك ربع ساعة وتمشطى شعرك بمشط خشب اوك

اغسلى شعرك بمية فاترة وكررى الموضوع ده كل يوم لمدة 5 ايام قبل ماتعملى اى حاجة فى شعرك وده اكبر حماية لشعرك

عشان تعملى الى انتى عوزاه فيه من غير خوف

نيجى بقى لانواع حمامات الكريم احسنها وافضلها جلوبال بزيت الحية او السيروم

وفى كارتييه الاصفر حلو اوى برده

وفى الامازون وفى سبيشيال كريم

كل دول انواع ايطالى وامريكى

سيبك بقى من الانواع المفستكة الى بتبقى عند عم عبده الى تحت البيت فاهمنى

نيجى بقى بعد مانعمل فى شعرنا الشغل بتاعنا بالنسبة لصبغة او الهايلايت فا فيها مادة ضارة اسمها مادة الامونيا

وهى دى المادة الى بتضر شعرنا بنعمل ايه بقى عشان شعرنا مايبوظش ونخرج المادة دى ازاى منه

نجيب تفاحة وبرتقالة وكيوى نقطعهم ونضربهم فى الخلاط ضربا مبرحا لحد مايعيطو ويقولو حقى برقبتى اوك





وبعدين نجيب العصير ده ونخلبطه بكريم فاتيكا ده الافضل يعنى الفاكهة دى بتخج مادة الامونيا من الشعر

وبعدين نحطه على شعرنا لمدة 3 ساعات ونغسل شعرنا بالشامبو بعدها نكرر الموضوع ده لمدة 3 ايام بالظبط مرة واحدة فى اليوم

ان شاء الله هتلاقى شعرك زى العسل واحلى كمان من الاول واكتر

سمى بالله عند قص شعرك - ماتسرحيش شعرك وهو مبلول لانه هيتكسر ويتقطم - استخدمى امشاط خشب لان البلاستيك بيتفاعل مع الشعر وبيقصفه - استخدمى السيروم بديل لكريمات او الزيوت الى كنتى بتستخدميها - اوعى تفردى شعرك فى نفس اليوم الى بتصبغى شعرك فيه على الاقل يعدى اسبوع على شعرك - ارجوكو ابعدو عن البودر المائى الىعلبته لونها احمر الفلبينى ده لانه بيخرم الوش على ماتوصلى لسن ال30 بيخرم الوش بجدبجد .- الطرحة بلاش تزنقيها على جبهتك وتشديها اوى وتشد شعرك لوره لان شعرك هيتنحل من ادام عن قريب . :yjh: :yjh: :yjh: :yjh: :yjh:

تسلمي حبيبتي ..معلومات مفيده ومهمه

ان شاء الله لو فضل شعراية فى رسنا بعد الهيصة دى كلها اوعدك نبقى نصبغها ههههههههههههههههههههه
تسلم ايدك