التلت بتاع اضحية عيد الاضحى

انا حبيت اسالكم السؤال ده ...الكلام للي ناوي يذبح السنة دي
الذبيحه بتتقسم على ثلاثة زي ما احنا عارفين
ثُلث للفقراء
ثُلث للأصدقاء و الجيران و الحبايب
و الثُلث الباقي لصاحب الذبيحه
المهم بقى ان فيه هنا مصريين في شدة و حاجه شديده
وبيعانوا من صعوبة الحياة و الغلاء ....لان مرتباتهم ضعيفة جداً
وبيبقوا في قمة الأحتياج للمساعده سواء الماليه او المعنوية
الماليه بتبقى في صورة تبرعات ماليه(( زكاة و صدقات )) أو عينية زي ادوات مدرسية أو علاج أو ملابس خاصة في العيد
وبرضه بيحتاجوا الثلث بتاع الفقراء ده...طبعاً هنا ناس كثير محتاجه من اهل البلد
بس انا باشوف ان من باب مساعده المصريين اللي زيينا برضه
المهم بقى انا كاتبه علشان لقول لكم...ان الجالية المصرية في الرياض هنا
بتتولى مشروع الأضاحي ده (( كل 7 افراد في عجل )) و بيتولوا عمليه الذبح (( للي عايز يشارك في اضحية برضه ممكن )) و بيتم تسليم نصيبك من اللحم عند جزار محدد
وبيتولوا موضوع توزيع الثلث الخاص بالفقراء وبيوزعوه لناس محدده محتاجه مصريين
من اللي هنا في الرياض...خدوا وقتكم و فكروا واللي هيحب يتواصل مع المسؤل
عن الموضوع ده يبعثلي على الخاص و انا اديله ارقام المسؤلين في الجالية و مكانهم كمان....
بس ياريت تفكروا وتقرروا لان الوقت بيجري ....
قال تعالى : " للفقراء الذين أحصروا في سبيل الله لا يستطيعون ضرباً في الأرض يحسبهم الجاهل أغنياء من التعفف تعرفهم بسيماهم لا يسألون الناس إلحافاً وما تنفقوا من خير فإن الله به عليم " [ البقرة ] . :thr: :thr:

جزاكى الله خيرا