طريقة الباستا فلورا هتعجبكم اووى وبالصور

السلام عليكم

المقادير
2كوب دقيق
2 بيضه
نص كوب سمن
كوب سكر
معلقه كبيره بيكنج بودر مش مليانه اووى

فانيليا
مربى للتزين



الطريقه
نضرب السمن مع السكر وبعد شويه نضيف البيض ونضربهم مع بعض ونحط الفنايليا وبعد كده نحط الدقيق مع البودر ونعجن لحد ما نحصل على عجينه متماسكه نسيبه ترتاح شويه
بعد كده ناخد تلات ارباع العجينه نفردها فى الصينيه بسمك 1سم ونسيب من الحواف حوالى 1 سم عشان لما نجى نزينها من فووق زى الصوره كده





وبعد كده نهرس المربى بشوكه وندهن بيها عالوش حسب الكميه اللى انتى عايزاها
وبعد كده نجيب الباقى من العجينه ونعمله صواابع زى الصوره ونزين بيه

ونحط فى الفرن لمدة نص ساعه على درجة حراراه 180 دا لو فرنك حلو يعنى اما لو زى بتاع ماما كده فا على اعلى درجه :) وممكن لو لقيتيه محتاج يحمر شويه من فوق تولعى علسه الشوايه اقل من 5 دقايق
وتسيبيه يبرد وبعدين تاكليه وبالهنا والشفها
ملحوظه الصور منقوله لكن انا عملته بالطريقه دى وطلع نفس الصوربالظبط

اووووووووووو تسلمى يا جوجو تحفة

جربى بقى يادودود وقلويلى ايه الاخبار

تسلم ايدايكى يا جوجو
ايه الجمال ده

شكرا لمروركم

تحفففففففففففة والله يا جوجو
دانا وريتها لجوزى وقولتله حعملك زيها
هههههههههههههههههههههه
ان شاء الله اكيييييييييييد حجربها

روووووووووعه جداااااااااااااااا