وصفه من خبيرة خلطات طبيعية لتساقط الشعر

السلام عليكم ورحمه الله وبركاته
ازيكوا يا قمرات

بصوا بقه انا كنت قاعده بتفرج على التليفزيون

وبعدين لقيت مذيعة مستضيفه خبيرة خلطات طبيعية

بصراحة قالت شوية خلطات تحفة

جبتلكوا منها انهارده خلطة لتساقط الشعر

انا لسه ما جربتهاش بس هى بتقول انها بتجيب نتيجه رائعة وبتنبت الشعر

ولو لقيت منكوا تفاعل هكتبلكوا الباقى

يالا نبدأ

هاتى حله صغيرة وحطى فيها 2 ملعقة بابونج على 2كوب ماء

واغليهم لمدة عشر دقائق على النار واغطيه علشان يفضل محتفظ بالزيوت التياره اللى فيه

واسيبه لحد ما يبرد وبعدين نخلطه فى الخلاط مع حزمه جرجير ونكون مقطعنها

و احط معاهم كمان الجل الموجود فى ورقة نبات الصبار
(هى جابت ورقة صبار وفتحتها ونزلت الجل اللى فيها )

و بعد ما نخلطهم مع بعض نصفيهم وناخد العصير بتاهم ونحطه فى ازازه ونحطه فى الثلاجه

وتقريبا بيكفى من 3 الى 4 مرات على حسب طول الشعر

طريقة الاستعمال

نحطه على الشعر من بالليل الى الصبح

وبعدين نغسل الشعر عادى

واللى عايزه نتيجه سريعه تعملها يوم بعد يوم

ولو مش مستعجله اوى تعملها مره فى الاسبوع

عايزه بقى اعرف رأيكم
مع دعوة حلوة كده زيكم

الله الله روعه روعه

جزاكى الله خيرا

» وصفه هائله للدكتورة دينا الجارم لتساقط الشعر بطوله
» خلطات طبيعية لتطويل الشعر!!
» خلطات طبيعية سريعة لتنعيم الشعر
» مجموعة خلطات طبيعية لفرد الشعر
» وصفات طبيعية لعلاج الشعر الجاف فى الفروة الدهنية