الحماة عدوة ولا حبيبة

طبعا الموضوع ده حنلاقى فيه اختلافات

فى حيلاقيها عدوة بكل المقاييس

وفى حتلاقيها حبيبة وام

فياسعدك يا من اكرمك الله بالحبيبة والام

يا ترى

- الفضائيّات أساءت لسمعة الحماة في المجتمع وصوّرتها كبُعبع.

- جيل التلفاز تغيّرت مفاهيمه، وأصبحت الفتاة وأهلها يشترطون على من يتقدم للزواج منها أن يبعد أمه عن ابنتهم

أم الزوج، أو الحماة أو العمّة، بأيّ الأسماء يحب البعض أن يسميها، قضية اجتماعية مهمة اضعها على طاولة البحث، متسائلةً: هل علاقة هذين الطرفين ببعضهما علاقة نزاع وشقاق أم علاقة حبّ وتفاهم؟ وما أسباب توتر هذه العلاقة؟ وما موقف الابن بين الطرفين؟ وهل لوسائل الإعلام دور في هذه القضية؟


مع العلم ان الحماة مش هى دائما السبب فى المشكلة

لان فى بنات اكرمهن الله داخلين مهيايين انها حماة وانها حتكون سبب كل المشكلات

ومش فاهمين انها بكرة حتبقى حماة واللى حتقبله من حماتها النهاردة حتقبله منها زوجة ابنها بكرة

ملحوظة صغيرة ؟

احنا مش عايزين نميمة احنا حنتكلم عن مشكلة بو جه عام ومش بشكل خاص

بصى يا نؤة فعلا الكلام اللى البنات بتسمعه بياثر عليها بتدخل الحياة الزوجية مشحونة و فاكرة ان حمتها دى عدوتها بس مننكرش ان فعلا فيه حماوات فاتنات قنابل زرية موقوته لكن بالعقل و الحكمة و ان الزوجة تراعى ربنا فيها اكراما لزوجها بيفرق كتير اوى فى المعاملة و النتيجة و ربنا يهدى لنا حماوتنا جميعا

كيداهم كتب:

بصى يا نؤة فعلا الكلام اللى البنات بتسمعه بياثر عليها بتدخل الحياة الزوجية مشحونة و فاكرة ان حمتها دى عدوتها بس مننكرش ان فعلا فيه حماوات فاتنات قنابل زرية موقوته لكن بالعقل و الحكمة و ان الزوجة تراعى ربنا فيها اكراما لزوجها بيفرق كتير اوى فى المعاملة و النتيجة و ربنا يهدى لنا حماوتنا جميعا

كلامك صح الصح فعلا بتلاقى البنات داخلة متحفزة لها واخدة اى كلمة لحماتها انها عايزة تضايقها مش بتاخد الكلام بصدر رحب

مع انها لو اخدت الكلام انها امها حتفرق كتير

وسام النور كتب:

انا مؤمنة بمقولة ( محدش هيعاملك وحش وانتي بتعاملية حلو )
بس سبحان الله سعات الحماه بتكون شواذ القاعده وسعات بتساير القاعده
يعني مش معقولة البنت جاية تشلها على دماغها وتعاملها حلو وهي تقوم تمسح بكرامتها الأرض
ومش معقولة برضو حماتها هتحترمها والبنت هتقل بأصلها معاها لأنها هتعمل حساب لجوزها وان العيشة تستمر بدون مشاكل
بس اللي سعات بيخلق نوع من المشاكل هو تدخل الحماه في الأمور الشخصية بالبيت وفرض صيترتها كانوع من اثبات الذات لنفسها ان ابني لسة تحت طوعي واني املك فية اكتر من مراتة اللي جت خدتة على الجاهز وبتدخل في صراع شديد للبقاء على ملكيتها
تمام زي اللي قعد يبني بيت المفروض انة يروح يدور على بيت تاني عشان سنة الحياة بتقول كده

والله كلامك عاقل جدا جدا ماشاء الله عليكى

والله العظيم مع اسوء الفروض ان الحماة ده مسيطرة وانانية

بنوع من الذكاء تقدر تكسبها وتحتويها

شرفنى مرورك

dolly كتب:

الحما احسها معزورة بعد ماتكبر وتربى تجد الزوج اتخطف منها

حلوة اتخطف دى

فلازم تغير فالزوجة الزكية تكسب حماتها بحبها وان تكبر دماغها على الاخر

بيحب اكل مامتة عااادى روح ياقلبى كل يوم كل عندها

وبكدا تكون ارتاحت وريحت

ولااية ياهنؤة

صح طبعا يا دوللى


انا كمان شايفة ان الحمى محتاجة ذكاء تكسبيها