قرأت هذا الموضوع على النت واستفدت منه كثيرا ووضعته لكم لتعم الفائدة
افكار مميزة جدا لتنظيف المطبخ كاملا (الثلاجة والبوتجاز والارفف والارضيه وغيرها
هندخل المطبخ ونسمي بسم الله ونشيل فيشة التلاجة من الكهربا
وبعدين
هنشيل عيون البوتاجاز وهنقعهم في ماء نضع عليه صابون سايل وملح ليمون (
بتشتريه من عند العطار ) وخل وسيبيهم لغاية لما تخلصي المطبخ كله وبعدين
بنفس الخلطة اللي هتحطي فيها العيون هتضعيها على البوتاجاز يتنقع علشان لو
فيه دهون متراكمة عليه تذوب
بعد كده لمي مواعينك وحطيها في الحوض
وارجعي
للتلاجة تاني افتحيها وابدأي بقى شوفي ايه اللي ملوش لزمة وارميه وطلعي
الاطباق والعلب اللي فضيت او فيها حاجة باظت وحطيها في الحوض يعني نظفي
التلاجة خالص وطلعي الحاجات من الفريزر لو تلاجتك مش نوفروست وبتعمل تلج
علشان التلج يسيح لغاية لما تخلصي المطبخ
وبعد كده ادخلي على المطبقية فضيها من الاطباق واغسليها وحطيها تتصفى وتنشف
وادخلي على التربو فضيه من اللي فهي واغسليه غسلة كويسة وسيبيه ينشف
وادخلي على الباسكت طلعي كيس الزبالة ولمي الزبالة فيه واديه لاخوكي او زوجك او ابنك ينزله في الزبالة واغسلي الباسكت غسلة كويسة جدا
وبعد كد ادخلي على المواعين اغسليها كويس ونشفيها
وادخلي
بعد كده على التلاجة بقى لو فيها تلج طلعيه وارميه في الحوض وبعدين طلعي
كل الارفف واغسليهم والادراج واغسلي التلاجة من جوه ومن بره ونشفيها خليها
كأنها تلاجة جديدة
وبعد كده ادخلي على المطبخ الخشب طلعي الادراج
لكها وافرزيها طبعا هنلاقي حاجات كتير عايزة تترمي ونظفي الادراج ونظميها
وافرشيها مفارش حلوة وامسحيهم من بره ومن وجوه وروحي على ارفف المطبخ وطلعي
اللي فيهم برضه ونظفيهم وامسحيهم كويس من بره وجوه وافرشيهم مفارش ورصي
الحاجة تاني
مش باقي غير البوتاجاز اغسلي بقى العيون وشوفي بقى
الفرق هتلاقيهم رجعوا لونهم دهبي تاني كأنهم جدا واغسلي سطح البوتاجاز
واغسلي الفرن واغسلي البوتاجاز من كل جوانبه ونشفهي وسيبي العيون تنشف
وبعدين حطيها على البوتاجاز
وبعدين اغسي باب المطبخ ونظفيه كويس جدا واغسلي شباك المطبخ كمان ونظفيه
والشفاط
طبعا الشفاط لما بيقعد فترة من غير تنظيف بيكون منظره صعب حاولي تنظفيه
وهو مكانه ولو معرفتيش فكيه ونظفيه وركبيه تاني ولو مش هتعرفي تركبيه خلي
الكهربائي يركبه ليكي
كده خلصنا المطبخ مش باقي غير مسحه بقى امسحيه
برضه بنفس خلطة اللي حطيتيها على البوتاجاز خل وملح ليمون وصابون سايل
وامسحيه كويس ونشفيه
وبعدين رصي كل حاجة تاني مكانها في المطبخ
ورصي ارفف التلاجة وشغلي التلاجة بقى
واطلعي من مطبخك هتلاقي نفسك اتفتحت انك تقعدي فيه
فلو كتير علينا نبدأ بالتلاجة والبوتاجاز والارضية والمواعين طبعا
وتاني يوم ندخل على المطبخ الخشب والتربو
وطول ما انتي بتشتغلي لسان شغال ذكر واستغفار
واستكمالا
لهذا الموضوع انصحكم بمعلومة قرأتها من قبل على النت بوضع ورق الالمنيوم
على الثلاجة من الاعلى وكذلك ارفف جسم المطبخ العلوى حتى تتراكم عليه
الدهون والابخرة ثم يسهل ازالتها ووضع ورق المنيوم اخر
ان شاء الله يكون الموضوع فيه اضافة جديدة للسيدات والانسات
الرئيسية 
المنشورات 
28/2/2024, 4:12 pm
تاريخ التسجيل
عدد المشاركات
موضوع: افكار مميزة جدا لتنظيف المطبخ كاملا (الثلاجة والبوتجاز والا 
27/7/2011, 6:11 am
