محتاره فى العزومه تعالى هنا

انا النهارده بقى هاعملكم منيو للعزومات
طبعا لازم يكون فيه سلطات +طبق رئيسى +طبق جانبى +اللحوم او الطيور +الشوربه
خلى دا الاساس الى هاتمشى عليه

اول عزومه \دى بقى عزومه المحاشى هههههههه
شوربه لسان عصفور +محشى ورق عنب او كرنب او بتنجان ويفضل نوعين +جلاش جبنه +فراخ مشويه
تانى عزومه \عزومه بسيطه
مكرونه بالبشامل +صنيه رقاق او جلاش بالحم المفروم +كفته او شيش طاااوك +شيبسى +فراخ او لحم محمر
التالته \عزومه مختلفه
ارز بالخلطه +صنيه كوسه بالبشامل +جلاش جبنه +كفته او بانيه +الفراخ المشويه ههههههه
الرابعه \عزومه الطواجن
طواجن مشكله باميه باللحم الضانى \لسان عصفور \تورلى \فريك \لحم بالبصل +يفضل لحمه مشويه او محمر
الخامسه \عزومه السمك
ارز بالجمبرى +صنيه سمك +سمك مقلى او مشوى او الاتنين +سلطات بقى طحينه +طماطم +مكرونه بالتونه
االسادسه \عزومه المشويات
كباب حله +كفته مشويه +فراخ مشويه + شيش طااووك ودى بقى تعملى جنبها ارز بسمتى بالبسله
السابعه \ عزومه لبوفيه الخطوبه
ارز كبسه باللحم +ديك رومى +ورق عنب +طواجن اى نوع ويفضل الباميه او التورلى +كفته دااود او كفته مشويه ودا البوفيه الوحيد الى ممكن تحطى اى صنف براحتك علشان فرح بقى وهيصه الف مبروك هههههههههههه

خدى بالك ياقمر من الى جاى دا

جلاش الجبنه ممكن تستبدليه بسمبوسه او اسبرنج رولز ودول اساسى كمقبلات
اوعى تعملى مكرونه وارز مع بعض زى (محشى ومكرونه بشامل مثلا )
طبعا اوعى تنسى السلطات (طماطم \بابا غنوج \طحينه \كول سلو .......
الشوربه دا اساسى (شوربه لسان عصفور ودى الانسب ومع السمك شوربه سى فوود )
فيه اصفات تناسب اى عزومه لو حابه تزوديها (مينى بيتزا \صنيه لحم المفروم بالبصل \كوسه او بطاطس محشيه لحم مفروم \كانيلونى )

فكره بسيطه عن ترتيب السفره

اعتمدى على السرفيسات وخلى ادام كل فرد طبق وطبعا طبق الشوربه
الطبق الرئيسى بيبقى فى نص السفره وباقى الاطباق سرفيسات حوله
حاولى تقسمى كل صنف على اتنين سرفيس على يمين ويسار الطبق الرئيسى
وزعى السلطات على السفره بحيث يكون طبق امام كل فردين

:zsdsjdj:

» فلاش هيا تعالى
» عاوزة وجه نضر تعالى هنا
» تعالى نتعلم سويا
» لو كحلك بيسيح تعالى
» تعالى نقول كده وبلاش كده