دهنت البوتجاز بتعى كريم ..........والنتيجه

السلام عليكم ورحمه الله وبركاته
فعلا زى ما قايله فى العنوان
من كام يوم كنت فى كارفور وطبعا دخلت قسم المنظفات الى بموت فيه
وجوزى بيكرهو جد خصوصا لما نوصل عند الكاشير
ام هند وانا بفحص وبمحص فى المعروضات وقعت عينى على
منظف اسمه جف
ايون اسمه جف (سوبر كريم)
اول ما شفته عملت كده
ولقيت سعره 8 جنيه
جبته وشيلت الورق الى على البوتجاز لقيت
مغاره على بابا بس مش دهب وياقوت ومرجان
لقيت دهون وزيوت وقطران
دهنتلكم البوتجاز من جف كانى عملله مسك تفتيح بشره
وسبته ساعه وبعدين بحتت سلك ناعم واديلوا ادى لحد ما بقه مرايه
الموضوع شعشع فى نفوخى امت فكيت وش البوتجاز من المسامير
ونضفت جوه وربطته تانى
ودى نهايه قصه البوتجاز والكريم
جربوه مش هتندموا
يسلام بقه لو تخشو ا وتردوا عليه
هدعلكم فى العمره الى ان شاء الله ريحاه طول شهر رمضان
احبكم فى الله