نضفني شكرااااااااا (9) اللهم بارك في شعبان وبلغنا رمضان

بسم الله الرحمن الرحيم

كل سنة وانتم طيبين ويارب رمضان السنة دي يعوضنا كل خير عن فترة القلق اللي عشناها باذان الله
لازم نعرف ازاي نحتفل بشهر شعبان ورمضان
ونعيش جوهم الجميل ونستمتع بيه لان احنا كمسلمين لينا فرحة خاصة
باحتفالنا باعيادنا باعمالنا اللي بنحتسبها عند ربنا سبحانه وتعالى
*طب ازاي احتفل بشعبان ورمضان؟
اولا لازم نعرف ايه فضل شعبان الرسول
عليه الصلاة والسلام قال عن شعبان انه يغفل عنه الناس لانه يأتي بين رجب
ورمضان كان الرسول يصومه كله عدا يوم الشك في هذا الشعر ترفع فيه الاعمال
واحب ان يرفع عملي وانا صائم كنت اسمع الحديث دا كتير بس عمري ماتمعنت
معنى يرفع عملي وايه هي الاعمال اللي بتترفع وبعد ما سالت امي عرفت ان
الاعمال بترفع لربنا عز وجل صالحها وطالحها واكيد حينما ترفع الاعمال وانا
صائم ربنا سبحانه وتعالى ورحمته علينا هيغفر لنا ذنوبنا واعمالنا الطالحة
اللهم جنبنا الشيطان
ثانيا الاكثار من الاعمال والاقوال
الصالحة ودايما لسانا يبقى عامر بذكر الله مش بالقيل والقال والشتيمة
والدعاء على فلانة ربنا يبتليها ويجي ويحط عليها وينفخها ما يفسيها
والكلام اللي بنسمعه من الناس ده

ثالثا لازم يكون في وقفه مع نفسنا ونحاسب نفسنا ونقول احنا عملنا ايه طوال السنة

ظلمنا
حد.وطبعا قبل ما نجري ندور ع الناس البعيدة ندور ع الناس القريبة الام
والاب لان دول اهم حاجة في حياتنا وربنا وصانا عليهم في حديث عن الرسول
صلى الله عليه وسلم (رغم انفه رغم انفه رغم انفه قيل من يارسول الله؟
قال:من ادرك ابويه او احداهما ولم يغفر له ) ومعنى كلمة رغم انفه: اي دعكت
في التراب وطبعا اكرام الوالدين مش بالتليفون ولا بالكلام الحلو ولكن
بحسن المعاملة والعطاء اه العطاء واتك عليها شويتين ليه احنا كابناء
متعودين ناخد منهم ومانديهمش غير شيلهم لمسؤليتنا نتعلم نديهم والصدقة اللي
تطلعيها دوري الاول ماما محتاجاها اديهالها طبعا مش هاقول هدية عيد الام
وبتاع لان انا عارفة وانتي عارفة ان دي بدعة وربنا وصانا بيها طول العمر
مش يوم في السنة وانا باقول مش معنى انه بدعة اننا نهمل اماهتنا وآبائنا
ومانهديهمش ومانفكرش اننا نديهم حاجة

بروض نفتكر اخواتنا شقايقنا

السلايف ليه دايما السلايف حاطين
نقرهم من نقر بعض كبري دماغي ومش دايما تبقي مشحونة عمال على بطال افتكري
ان الكلمة الطيبة صدقة وكمان تبسمك في ووجه اخيك صدقة

العمات والخالات والاقارب (صلة الرحم)

ومش عاوز اطول عليكم عشان ماتزهقوش
مني وتقولوا دا الموضوع دا في قسم التنضيف ولا في مسجد ولا في كتاب ولا
احنا دخلنا موضوع غلط والمفروض ان كل قسم يلتزم بما يخصه وبس
رابعا عاوزين نتدرب على الطاعة من صلاة فرائض ووسنن وكمان صوم في شهر شعبان على اد ما نقدر صوموا

خامسا الصدقة:مش هاقولكم بقى اقتصوا
مبلغ وقدره ولا هاحدد بس هاقول دايما نكون متصدقين بصدقات بسيطة ودايما
يكون في نية الصدقة دي لما نيجي نطلع حاجة مثال ضيق جارتي خبطت شوية كمون
ماروحش جري وانا بانفوخ واديها شوية الكمون او اجري واديها وانا مابسوطة
عشان اكون كسرت عينها عشان بتطلب مني او اجري اديها عشان الناس يقولوا
عليا اني نزيهة واللي في جيبي مش ليا لا طبعا مش كده انتي كده هتجري
تتكعبلي عدم اللامؤخذة عاوزة يبقى في النية انك تديها بنية صدقة عشان ربنا
يباركلك في رزقك او صحتك يعني وانتي رايحة وبتديها حطي انا باتصدق عشان
وعشان وعشان مثال برضو اضيق شوية عشان اللي فوق وسع مني شوية السواق اللي
بتركبي وياه وبيوصلك بشنط السوق فيها ايه لو زودتي المواصلة جنيه مثلا على
حقه بهدف صدقة مانتي جايبة حاجات ايشي وشويات وكاعة فلووس اد كده مش هيجي
ع الجنيه الصدقة اللي هتديه للسواق او البواب اللي هيشلك الشنط انك مثلا
تزوديه لازم بند الصدقة دا يبقى في حسباناتك عشان ربنا يباركلك باذن الله

سادسا ودي كان المفروض تبقى اولا وهي
التوبة هي اننا نتوب على معصية بنعملها يعني اللي بتسمع اغاني تبطل واللي
بتشرب سجاير تبطل كده يعني

جميل اوي لحد كده طب العيال عاوزاهم يحتفلوا
مانا جيالك اهو بالكلام طبعا بجانب تحبيبك ليهم لرجب وشعبان ورمضان وجمال الصيام ومظاهر احتفاله
اكيد هنجيب حبل نور ونعلقه وفانوس
طب امتى نبتدي نعلق باذن الله يوم 15
شعبان نبتدي كلنا نجهز لرمضان ونعلقله نوره ونفرح بجمال النور اكبر وقت
ممكن لاحسن رمضان بيدخل الايام من جمالها ال30 يوم بيطيروا

فيه قماش الخيامية ب2 ج المتر بيتباع في القاهرة انا شوفت ناس حطاه عن طريق صور وبيدي شكل جميل وجو رمضاني رائع

الخيامية

طبعا هانكون مرتبين البيت وطبعا بما اننا على طول بنعمل اعادة تنضيف
ودوريات لكل حتة في البيت فهيكون ترتيب البيت باذن الله سهل مش محتاج
قلبان بقى وتنفيض يادوب تلميع مسيح تهوية مش اكتر

نيجي بقى للكلام المهم وهو ايه
تظبيط الاكل وتحضيره

عاوزين نقتصد ومش عاوزين افراط في الاكل وعاوزة الشهر دا نعمله اكنه بروفة لرمضان
طبعا اللي تقدر انها تخزن لرمضان من دلوقتي يبقى اشطة اوي بس طبعا في ناس مرتبها ع الاد وانها تجيب وتجهز من دلوقتي دا ظغط عليها
طبعا الخضار رخيص دلوقتي وقبل رمضان بيغلى غلو عجيب يعني نشتري الوقتي ونخزن لرمضان وكمان الطماطم رخيصة والبصل نشتري ونخزن

مش عاوزة يبقى كلامي مهرجل وبحاول بقدر الامكان اني اكون منظمة عشان نركز ونفهم ونستوعب
الحاجات الي لازم نحطها في حسبانا

ندور ع العروض المهمة والمناسبة لينا
لازم نكتب احنا عاوزين ايه ونبقى
ماشيين في السوق في ايدينا الورقة ونشطب ونعرف ايه اللي ناقص ونحاول نشتري
المهم واللي عاوزينه ونعمل ميزانية ع الاد لاكلنا وننزل بفلوس على ادنا
وما نزودش عشان ما نطعش في الشرا
طبعا اللي معاها بطاقة تموين اكن
معاها كنز لانها هتوفر تمن الزيت والسكر وتشتري ازازة زيت كريستال واحدة
في الشهر وبلاش نكب كبب بيها اصلا كتر الزيت غلط يعني فالاعتدال في
استعماله كويس
اننا نشتري حاجتنا كلها مرة واحدة
بلاش على فترات ومضض عشان كل نزولة هتصرفي بزيادة لكن لما بتشتري مرة
واحدة دا بيفرق معاكي كتير وعن تجربة موضوع نزول السوق كل يوم او 3 ايام
في الاسبوع دا بيفرتك المرتب
نعمل في الشهر 7 اكلات لحمة +مفروم

7اكلات فراخ
7اكلات سمك (فليه مشوي مقلي جمبري سيبيا)
7 اكلات تفليتة وخفيفة الدنيا حر
انا عملت ميزانية 500 جنيه بس السوق
1ك لحمة 65
1ك لحمة شرايح مجمدة 30

1,5 ك مفروم 45
2فراخ 50
1,5 صدور مخلية 45
1,5 جمبري 40
1,5 كليماري 40
10 ك رز 45
2 ك ملوخية 5
2ك فاصوليا 5
10 ك طماطم نخزنه صلصة 20
5ك بطاطس 30
10 ك بصل نخزنه 10
بهارات +ملح 15

مكرونة 10

زيت درة 15
وكياس لزوم التخزين ربع كيلوا ادي حسبة 500 جنيه ومحدش يعد ورايا عشان انا حسباها بالبركة

طبعا الحاجات دي منها هينفعنا شهر 8 رمضان احنا بنلعب ع الوترين

دا غير طبعا البامبرز للي بتستخدمه
الصابون الريحة
الشامبور
الشاور
الصابون السايل
الكلور
ملح اللمون الكيلو ب20 جنيه فاجئني جبت ربع بس
المناديل

طبعا الفراخ ليها كذا اكلة وحلوة تقدري تنوعي فيها
شيش طاووس
كينتاكي
بانيه
مشوي
مسلوقة
كابسة
فاهيمة

اللحمة المفرومة

محشي بطاطس وكوسة
مكرونة بشاميل
كوفتة وعيش
كوفتة دادود باشا

وطبعا فتكات وقسم الطبخ مش حارمنا من اي حاجة ولا من اي طريقة

انا خزنت البصل من غير تسوية بشرته في الكبة وكيسته كده
ودي الصلصة

ودي الكوفتة صبعتها ورصصتها

ودي الفاهيمة

ودا عصاج للجلاش او بيتززا

دي فراخ الكبسة قطعتها وكيستها

الفراخ البانية

دي الملوخية

ونرجع للمرجع بتاعنا

وفيه كل اللينكات السابقة
وطبعا كالعادة هاسمع اراءكم واقتراحتكم
عشان انا استفاد والكل يستفيد من باكورة خبراتكم
وكل عام وانتم بخير
اختكم في الله

سحر كتب:

نضفني شكرااااااااا (9) اللهم بارك في شعبان وبلغنا رمضان 2995766376

» اللهم بلغنا رمضان
» اللهم بلغنا رمضان
» خلى بالك واوعى تقعى فى الاخطاء ده اللهم بلغت اللهم فاشهد
» بدع شهر شعبان
» قولى رمضان مبارك ولا تقولى رمضان كريم