تورت الليمون

اليوم راح اقدم لكم وصفة تارت ليمون انما ايه لذيييييييييييذة مرة


مقادير العجين :





كوب و ربع طحين
نصف كوب زبدة دافية
ربع كوب سكر
صفار بيضتين
نصف ملعقة صغيرة فانيليا


مقادير الحشوة او الكريمة :





3 صفار بيض
1 نستلي
نصف كوب عصير ليمون


الطريقة :


نولع الفرن على 180 درجة
بالنسبة للعجين انا اعتمدت وصفة التوب شيف الله يجزاه خير لانها احسن وصفة استعملتها بس بدل الثلث كوب سكر حطيت الربع كوب لانها الانسب لوصفة التارت حقتي


نخلط الزبدة+السكر زين بعدين نضيف البيض و الفانيليا بعدين الطحين و بكذا نكون حصلنا على عجين
و الحين راح اوريكم احسن طريقة لفرد العجين شوفو الخطوات انا هنا اخذت كيسين طبعا ينباعون بالجمعيات او الهايبر ماركتس و قصيتهم حطيت الكيس الاول و حطيت عليه العجين بعدين حطيت عليه الكيس الثاني و بديت افرد العجين,بكل بساطة الطريقة هاذي عشان نحافظ على تركيبة العجين لان الطحين اللي راح نضيفه تحت العجين و حنا نفرده راح يقسيه ثاني شي عشان ما يخترب و ينكسر ثالث شي سهولة وضعه في القالب شوفو وش حلاة الطريقة :














دخلتها للفرن بس طبعا بعد ما غلفتها بورق قصدير و حطيت عليها ثقل انا حطيت عدس بس للاسف ما صورت عموما الطريقة معروفة,بعد ما تستوي نشيل القصدير و الثقل و نرجعها مجرد دقايق من فوق
و هنا لما طلعتها من الفرن :





نخلي الفرن مولع لا نطفيه و من فوق بس


نجي للحشوة :


ناخذ قدر نحط فيه النستلي+صفار اليبض+عصير الليمون و نخلطهم زين بعدين نحطهم على نار هادية مع التحريق المستمر عشان لا تحترق بقاع القدر,يعني من 9 الى عشر دقايق لين تشوفونها بدت تثقل,نشيلها من على النار و نحطها كذا :








نرجعها للفرن نحطها في الرف الوسط مدة عشر دقائق من فوق بس و في هالعشر دقايق نجهز المورانغ اللي هو عبارة عن خفق ثلاث بياض بيض مع اضافة نصف كوب سكر بالتدريج و نصف ملعقة صغيرة فانيلا بودرة


بعد مانطلعها نحط فوقها المورانغ و نزينه بالطريقة اللي نبغاها انا هنا زينتها بطريقة بسيطة بواسطة شوكة بس فيكم تتفننون طبعا





و ندخلها للفرن مجرد دقايق من فوق بس عشان يتغير لون المورانغ
و هنا طلعناها من الفرن:





بعدين ندخلها للثلاجة عشان تبرد(طبعا لا ندخلها للثلاجة و حنا تونا مطلعينها من الفرن,نخليها شوية بدرجة حرارة المطبخ بعدين نحطها في الثلاجة)


و هنا بعد ما طلعتها من الثلاجة و قطعتها :









و استمتعو بألـــــــــــذ تارت ليمون
اتمنى انها تعجبكم كما اتمنى انكم تجربونها لانها جدا لذيذة بشهادتي و بشهادة كل من ذاقها


في امان الله

جديدة اوى الوصفة دى بس هجربها لانها جديدة عليا ان شاء الله هتطلع حلوة تسلم ايدك hfgddg ghffggg

تسلم الاياااااااااااااادى