[size=21][size=25]يا احلي سدات وانسات في مصر
اكيد انتوا زيى قرفتوا من دعك حيطان المطبخ بالذات ورا البوتجاز والدهون اللى بتبقى وراه
واكيد اماهتكم بتعمل زي ماما وتقوالكم مش عوزه دهون علي البوتاجاز ولا حطه
انا قرفت زيكم ووصلت لطريقة والله والله والله ما بدعك باى شىء بشيل الدهون بحتة قماشة لا سلك ولا فرشة ولا اى دعك ايه رايكم اغيظكم شوية على ما اقولكم الطريقة بقى؟
يا ساتر طيب بلاش شتايم فى سركم هقولكم
بس الاول هنحتاج الادوات دى وكلها فى البيت ان شاء الله اولا لو هتشيلى
دهون من فوق ن عند السقف كده لازم يبقى عندك سلم تطلعى عليه مش هتشعبطى
يعنى ولا هنزرعلك نخلة
فى المطبخ ونستنى لما تطول وتطلعى عليها للسقف
كوب ماء
حلة بلاستيك او استانلس ممنوع الالمونيوم
نصف كوب كلور
2 فنجان قهوة بطاس
فى الحلة هتحطى الكلور والبطاس وفوقهم
المية وتدوبيهم وبالفرشة هتدهنى فوق الزيت اللى على الحيطة وتسيبيه جوالى 3
دقايق وارجعى امسحيه بحتة قماشة بس لا سلك ولا دعك بس ياريت الخليط
ميطولش ايدك لان بيجرح بالذات لو مجروحة اصلا
جربوها وادعولى والله العظيم بقيت احب الحيطان تتوسخ علشان اتسلى وانضفها
على فكرة بيشيل اى وساخة من على الحيطة
من غير اى دعك ولا هدة حيل ولو مفيش جوانتى مش مهم اى كيس البسيه فى ايدك
وانتى ماسكة الفرشة علشان لو اى نقطة وقعت منها متجيش على ايدك
وبالقماشة طبعا هتشيلى وتغسلى القماشة فى حوض المطبخ وتمسحى وهكذا وبس
شفتوا بقى سهلة ازاى انتى هتشوفى الوساخة وهى بتدوب قدامك اصلا وانتى
بتدهنى لسة بالفرشة
[/size][/size]
الرئيسية 
المنشورات 
28/2/2024, 4:12 pm
تاريخ التسجيل
عدد المشاركات
العمر
موضوع: طريقه سهله لازاله الدهون من علي البتوجاز والحائط اللي وراه 
18/7/2011, 3:13 am
