على فيييييين يا بنااااااااات

*كلام من القلب للقلب*

أختى الكريمة ممكن تسمحى لى بساعة واحدة من وقتك .... أنا مش شيخ و مش كبير فى السن أنا شاب عمرى 19 سنة شاب زى كل الشباب بس مفيش يوم بيعدى إلا و أنا قلبى بيتقطع من شدة حزنى عليكى ..... يمكن يكون ده علشان أنا بحب الخير لكل البنات و خايف عليهم أوى أوى ممكن تعتبرى كلامى معاكى مجرد دردشة بسيطة من أخ لأخته بس أرجوكى مش عاوزك تزعلى منى لو شديت عليكى فى الحوار و أنا متأسف جدا لو طولت عليكى علشان أنا محتاج أتكلم معاكى كلام خارج من قلبى إلى قلب كل فتاة مسلمة فأرجوكى افتحى لى قلبك يا أختى الغالية .

أخوكى الحريص على نجاتك

يوسف






أنفلونزا الحب :

-يوسف : إنتى رايحه فين ؟
-ليلى : رايحه أشترى قلب أحمر هدية لحبيبى فى عيد الحب ( الفالنتين ) .
-يوسف : إنتى مرتبطة ؟
-ليلى : اه مرتبطة بشاب مؤدب و بحبه أوى أوى ....
-يوسف : لأ لأ لأ إنتى مش بتحبيه .. إنتى بتكرهيه جدا ..
-ليلى : والله العظيم بحبه أوى و بموت فيه كمان ! دا أنا دايما أغنى له : يا نعيش مع بعض حبيبى ... يا نموت إحنا الاتنين !
-يوسف : إنتى عاوزه تكونى إنتى السبب فى عذابه يوم القيامة ؟!
-ليلى : ليه هو أنا عملت إيه ؟ !
-يوسف : هذه العلاقة حرام .. فلو إنتى خايفه عليه لازم تسبيه .
-ليلى : يستحيل أسيبه دا أنا بحبه بشكل غير عادى .. يمكن تكون مجربتش الحب و علشان كده بتقول الكلام ده لكن لو جربت الحب هتعرف إن أجمل إحساس فى الكون ... إنك تعشأ بجنون !
-يوسف : الحب مش حرام و لكن بين الزوج و زوجتة أما أن تخرجى مع شاب و تقابليه بحجه إنك بتحبيه فهذا لا يصح .. خاصة و قد أثبتت القصص الواقعية أن 15% من علاقات الحب تنتهى تدريجيا بالوقوع فى الفاحشة .








شرف البنت زى عود الكبريت



فتاة كانت بتدرس فى كلية الاداب قسم علم نفس و كان لها أب فقير يعمل فى محل بقالة علشان يوفر لقمة العيش ..... تقول الفتاة : *ما كنتش أعرف طريق الحرام و لا الفساد و فى مرة خرجت من بوابة جامعتى فوجدت شاب بيغازلنى و يعاكسنى فلم ألتفت إليه ... *وفى اليوم التالى كرر نفس الفعل .. *و فى مرة رمى لى ورقة أمام البيت ففتحت الورقة و إذا فيها كلمات مليئة بالحب و الغرام ... *لكننى مزقت الورقة ورميتها ... *و بعد ساعات رن جرس الهاتف فرفعت السماعة فإذا بنفس الشاب
يقول لى : يا فلانه أنا عاوز أتكلم معاكى ... أغلقت التليفون فى وجهة و لكنه اتصل بى فى اليوم التالى فقال : يا فلانة اسمعنى لحظة و الله أنا مش عاوز الحرام أنا عاوز أتزوجك .... فقلت له : لو عاوز تتزوجنى تقدم لى فى بيت أهلى ؟
فأجاب : أنا عاوز أتعرف عليكى قبل الزواج ثم أتقدم ليكى فى بيت أهلك ... تقول الفتاة : فرق قلبى له و أخذت أطيل معه فى الحوار .. و فى اليوم التالى انتظرنى أمام باب الجامعة فوقفت معه و كلمته ...و مرت الايام و بالتدريج أصبحت أركب معه السيارة .. نتجول بالسيارة .. يشترى لى بعض الاشياء .. اكل معه بعض الوجبات .. و مرت الايام و فى مرة ذهبت معه فى شقة نتسامر ونضحك و نلعب سويا و بالتدريج و قعت معه فى الحرام و أفقت من غفلتى ولكن بعد ضياع شرفى !!


فظللت أصرخ كالمجنونة و هو يقول لى : متخافيش أنا هتجوزك ... ثم أسرعت إلى البيت و أنا مفزوعة و بعد ذلك ظللت أبحث عنه وعشت على أمل أنه سيوفى بوعده و سيتزوجنى .. وفى مرة رأيته عند باب الجامعة ففرحت وركبت معه السيارة و لكن لهجته فى الكلام معايا إتغيرت قال لى : يا فلانة أما الزواج فلا تفكرى فيه أبدا عاوزين نعيش مع بعض من غير زواج !! فلطمته على وجهه وقلت له : كنت فاكراك هتصلح غلتطك لكن طلعت بلا قيم و لا أخلاق .. وكانت المصيبة و الكارثة أنه ....






.. وكانت المصيبة و الكارثة أنه ....

قال لى : انظرى لشريط الفيديو هذا سأعمل لكى فضيحة بهذا الشريط ! قلت له و أنا مستغربة : و إيه اللى فى الشريط ده ؟ .... قال : تعالى معايا عشان تعرفى إيه اللى فى الشريط .. ذهبت الفتاة معه و شغل الشاب شريط الفيديو فكانت الكارثة أن الشريط فيه تصوير كامل لكل ما جرى بين الشاب و الفتاة فى الحرام !!! قالت له : إنت عملت إيه يا جبان ؟ قال لها و هو يضحك :هى دى الكاميرا الخفية !!! لقد صورت كل شئ حدث بيننا !.. فانهارت الفتاة وهى تبكى و تقول له : يا خسيس ... و دلوقتى عاويز إيه منى ؟ قال : تفعلى كل ما أقوله لكى تقول الفتاة : فاستجبت له حتى لا يفضحنى بهذا الشريط إنه يأخذنى كل يوم و يرسلنى إلى أصحابه للزنا حتى يتاجر بشرفى !! وكانت الكارثة الثانية أن الشريط انتشر حتى وصل إلى ابن عمى فإذا يرنى و أنا فى حالة زنا فأرسل الشريط لأبى و لم يتمالك أبى نفسه حتى سقط على الارض و مات من الحسرة و فضحت أسرتى فى المنطقة التى نسكن فبها فهربت من البيت و ظللت أعيش منغمسة فى حل الرزيلة مع نساء الدعارة لكننى عزمت على الانتقام و فى يوم دخل على هذا الشاب الذى كان السبب على ضياعى و هو سكران فاغتنمت الفرصة و أخذت سكينة وطعنته عدة طعنات فقتلته !! .. وقد كتبت لكم قصتى يا فتيات و أنا أتجرع ذل المرارة و الحران كتبت قصتى لكم حتى لا تنخدعن بكلام الحب ....
أختى .. تأملى هذه الفتاة كيف كانت مؤدبة و ترفض أن تكلم هذا الشاب ثم بتدريج أخذت تتكلم مع هذا الشاب ثم أحبته فأصبحت تقابله و تمشى معه ثم صارت تجلس معه وحدها لأنها واثقة فيه ! و بالتتدرج وقعت فى الفاحشة مع شاب أخر و ثانى و ثالث و رابع حتى أصبحت تعمل بالدعارة ثم الفضيحة ثم أصبحت قاتلة .. و هذه طريقة الشيطان فى إغواء الفتيات حيث تبدأ العلاقة حب حقيقى ثم تتطور شهرا بعد شهر حتى ينتهى الامر بالفاحشة..
أختى .. أنا خايف عليكى و أنصحك عن تجارب شخصية و معرفة بالواقع الذى يعيشه الشباب و الفتيات فإن أكثر من 10% من بنات جامعة القاهرة متزوجات عرفى ! و تقدم المحاكم المصرية فى سنة 2005 أكثر من 70 ألف قضية زواج عرفى .
أختى ... أوعى تكونى فاكره إن علاقات الحب دى هى اللى هتخليكى تتجوزى .....
ليلى : بس أنا عاوزه أتجوز عن حب
يوسف : لحظة لو سمحتى : لأن التجارب الواقعية أثبتت إن نهاية علاقات الحب :

1- إما بالزواج العرفى و الزنا و ذلك يحدث بنسبة 15%
2- إما بالزواج الشرعى و ذلك يحدث بنسبة 5%
3- إما بالانفصال لأى سبب من الأسباب و ذلك يحدث بنسبة 80%


أنا و النجوم و هواك


أنا عارف إن إنتى بتابعى برنامج ( أنا و النجوم و هواك ... بكل الحب هنتكلم عن الحب ... بكل الحب هناقش أهم قضايا الحب ........ )
و فى هذا البرنامج يستقبل المذيع 7 إتصالات من الشباب و الفتيات و يكون عدد الاتصالات من البنات 5 اتصالات تقريبا .... بس أن عاوزك تجاوبينى بصراحة :
-يوسف : كم عدد البنات التى تتصل وتقول أن علاقتها ليس فيها مشاكل مع حبيبها ؟
-ليلى : العدد صفر ...
-يوسف : و كم عدد من تتصل من البنات و تقول : (انا انفصلت عن الشاب اللى كنت بحبه ... أو أنا كان لى تجربة مع شاب لكن حصلت بينا خلافات و اتفرقنا .... أو أنا مرتبطة بواحد بس فى بينا مشاكل ..... إلخ )
-ليلى : العدد خمسة تقريبا ....
-يوسف : و هذا أوضح دليل على أن أغلب العلاقات نهايتها الفشل و الانفصال و أن كل العلاقات الحب تبدأ بالسعادة و تنتهى بالمشاكل و الخلافات بين الطرفين ... و أنا أعرف شابا كان يحب فتاة فى الثانوية و كان يكتب لها كلام الحب فى أجندة ثم يعيطها لها فتأخذها منه فتكتب له كلاما فى الاجندة عن حبها له ثم تعطيها له و هكذا ... وقد رأيت هذه الاجندة فأذا فيها كلام الحب العجب العجاب !!... لكن الاعجب من ذلك أنه بعد خطوبتها بأسبوع فسخ خطوبته !!.. نعم فإن كل علاقات الحب قبل الزواج تنتهى بالفشل ....
-أختى ...إزاى رضيتى تغضبى ربنا عشان شاب عرفتيه و حبيتيه و قال ليكى كلمتين حب حلوين ؟ .. إزاى هتستحملى عذاب ربنا و عقابه يوم القيامة علشان علاقة ممكن تفشل و ممكن تنجح و فى الغالب بتفشل ؟؟
إننى أعرف رجلا تزوج حبيبته عن حب كبير استغرق سبع سنوات و أنجب منها ولدا .... فماذا تتوقعى أن يكون حالهما بعد الزواج ؟؟
ليلى : أكيد عايشين زى أسعد زوجين فى الدنيا ...
يوسف : و الله العظيم حدثت بينهما مشاكل وخلافات أنهت الأمر بالطلاق
يوسف : اسألى نفسك : لماذا انتهى حبهما بعد الزواج ؟!
إنه جواب واحد لأنه زواج قام على علاقة حب تغضب الله ..
أختى .. أنها الحقيقة التى يجب أن تفيقى لها وهى أن الله لا يبارك فى زواج قام على حب حرام و أن قصص الحب تبدأ جميلة لكنها تنتهى بالأحزان و التعاسة
ليلى : لو أتجوزت زواج تقليدى زوجى بعد الجواز هيعاملنى معاملة جافة خالية من مشاعر الحب و العواطف ....
يوسف : الزواج اللى إنتى بتقولى عليه تقليدى ده بينجح بنسبة 95% أما الزواج بعد إقامة علاقة حب فنسبة النجاح فيه أقل من 5% لأن نسبة كبيرة منها تنتهى بالاخلافات و المشاكل ثم الطلاق و الله العظيم يا أختى أنا عارف المئات من القصص الحب التى انتهت بالانفصال و الفشل و المشاكل و الخلافات أما حب الزوجين فهو إحساس جميل لأن الزوج الصالح يرعى زوجته و يحفظها فى عينيه و تكون حياتهما مليئة بدفء الحب الحقيقى فعلاقة الحب قبل الزواج أوهام و أحلام ضائعة .
ليلى : بس إحنا حبنا مش حب أى حد إحنا يستحيل أى مشكلة تفرقنا و بعدين أنا عارفه قصص حب كتير نجحت ..
يوسف : حتى لو نجحت فهى علاقة تخالف شريعة الاسلام و لذلك فإن الشاب و الفتاة ينتظرهما عذاب الجحيم يوم القيمة و هذا منتهى الفشل !!
سؤال : إيه اللى خلاكى من الاول أصلا تحبى الشاب ده ؟
ليلى : أى بنت فى سن المراهقة بتكون عاوزه تحب و تتحب و تحس إن واحد بيبادلها نفس مشاعر الحب و إحنا حبنا كان من أول نظرة عشان أنا كنت بحس بفراغ عاطفى لحد ما لقيت الشاب ده ... و من ساعتها و حياتى كلها اتملت سعادة ..
يوسف : أنا حاسس إن إنتى بتحبيه ... بس إنتى بتحبيه علشان قلبك فارغ من حب ربنا و لما وجدتى واحد بيحبك اتلهفتى عليه.. ولو قلبك مليان بحب ربنا لا يمكن تقدمى حب هذا الشاب على طاعة أمر الله خاصة و أن العلاقة غالبا ستنتهى بالفشل لان علاقات الحب أغلبها بتفشل ...

ليلى: حتى لو العلاقة فشلت مش هخسر حاجة لما أجرب ....
يوسف : هتخسرى أكبر حاجة فى الدنيا و هى حب ربنا ليكى .. وعلى فكرة إنتى بتكذبى على نفسك لأنك لو كنتى بتحبى ربنا أكتر مكنتيش عصتيه عشان فارس أحلامك ده !! بس إنتى قدمتى حب الشاب على طاعة الله قدمتى حبه على أمر الله .. و قد وصف الله كل من أحب أحد مثل حبه لله أنه من الظالمين و أنه سيعذب العذاب الشديد ..بالله عليكى اسمعى هذه الاية ( ومن الناس من يتخذ من دون الله أندادا يحبونهم كحب الله و الذين امنوا أشد حبا لله و لو يرى الذين ظلموا إذ يرون العذاب أن القوة لله جميعا و أن الله شديد العذاب ) ( البقرة : 165) افتكرى إنك فى استمرارك مع الشاب ده بتبعدى عن ربنا أكتر و تقتربى من جهنم أكتر و أكتر ...



الحب ( بداية النهاية )

فتاة كانت تريد أن تتصل بصديقة لها فأخطأت فى الرقم فرد عليها شاب و قال لها : النمرة غلط لقد أخطأتى فى الاتصال .. وبعد ذلك أتى الشاب برقم هذه الفتاه من خلال إظهار الرقم و اتصل بيها و ظل يفتح معها الحوار ويتكلم معها حتى رقت البنت لكلامه و ارتاحت له ثم تحولت هذه الراحة إلى حب و غرام فارتبط به و أصبحت تخرج معه و حدها لأنه و عدها أنه سيتقدم لها قريبا و فى يوم أخذها إلى محل للملابس و اشترى لها فستان الفرح و أخذها إلى بيته حتى ترى عش الزوجية و لكن مع تدريج الشيطان وقع معها فى الحرام !! وبعد ذلك تقدم للفتاة عدة خطاب لكنها رفضتهم لأنها تحسب أن فارس الاحلام سيتزوجها و طلبت منه أن يتقدم لها لكن المفاجأة أن الشاب قال لها : البنت اللى تسلم نفسها لراجل من السهل تسلم نفسها لغيره ! و كان قوله كالصاعقه عليها ! و بعد عدة أيام أصاب الفتاة بدوار و غثيان .. و لذلك أخذها أبوها و ذهب بها إلى المستشفى و كانت المفاجأة أن الدكتور قال له : مبروك بنتك حامل !! فجن جنون الاب و هو يقول لها : إنتى عاملتى إيه يا فاجرة ؟! إنتى عاملتى إيه يا فاجرة ؟! فلم تستطيع الفتاة أن تنكر ما حصل فحكت له ما حدث .. فاشتد غضب الاب و تناول قطعة حديدية و قذف بها رأس الفتاة .. فسقطت الفتاة مغشيا عليها و دماؤها تسيل و كانت النتيجة أنها فقدت بصرها بسبب هذه الضربة فأخذها أخوها ووضعها فى إحدى دور المكفوفين و تركها و حدها هناك تذوق عاقبة فعلها وحينها شعرت الفتاة بكل الذل و المرارة بعد أن عاشت قصة حب ممتعة !!





يلى ظلمتو الحب و قلتو عليه مش عارف إيه


-ليلى : إنت ما تعرفش حاجة عن مشاعر الحب و إحنا واثقين من نفسنا و بعدين فى حدود فى التعامل بينى وبينه .. و إحنا حبنا مش زى أى حب حد لأن حبنا برئ وطاهر و مستحيل نقع فى الحرام وإحنا مش بنعمل حاجة غلط دى علاقة شريفة و الحب و الحب لا هو عيب و لا حرام ..
-يوسف : كل علماء الدين قالوا أن الصحبوبية بين الراجل و المرأة حرام حتى لو بنية الحب العفيف و حتى لو بنية الزواج بعد ذلك ..

-ليلى : الحب حرام لو كنا بنعمل حاجة حرام و إحنا مش بنعمل حاجة حرام ..
-يوسف : الشاب ده بيمسك إيديكى و بيلمسك و إنتى كمان بتلمسيه وقد قال النبى (صلى الله عليه و سلم ) : ( لأن يطعن فى رأس أحدكم بمخيط من حديد خير له من أن يمس امرأة لا تحل له )
-ليلى : خلاص مش هيلمسنى و لا هلمسه و مش هيحصل بينا إلا كلام الحب بس .
-يوسف : كلام الحب اللى بتقوليه للشاب ده حرام لان الله قال للنساء ( فلا تخضعن بالقول ) (الاحزاب : 33 ) ومعنى الاية : لا تتكلمن أيتها النساء كلاما فيه رقة أو لين أو تاطف لأحد من الرجال .. وعشان كده كلام الحب قبل الزواج لا يجوز .
-ليلى : خلاص مش هنقول كلام حب ومش هيحصل بيننا إلا نظرة العين بس ..
-يوسف : مجرد نظراتك له لا تجىز أصلا فقد قال الله تعالى ( و قل للمؤمنات يغضضن من أبصارهن ) ( النور : 31 ) و مجرد نظرته ليكى لا يجوز فقد قال تعالى : ( قل للمؤمننين يغضوا من أبصارهن ( النور : 30 ) .
-ليلى : بس إحنا بنتقابل أدام الناس و مستحيل أدخل معه فى مكان مغلق لوحدنا .. وماما عارفه إننا مرتبطين .. وهو أصلا إنسان مؤدب و طيب و ابن حلال ..علاقات الحب الحرام لو إحنا نيتنا مش كويسه لكن إحنا حبنا حب عفيف .. و هو فيها إيه لما أصاحب شاب من غير ما نعمل حاجة غلط ما دام نيته يتزوجنى ؟؟
-يوسف : يا أختى إن الله قد حكم أن كل الصداقات بين الرجل و المرأة حرام و ذلك فى قوله تعالى ( ولا متخذات أخذان ) ( النساء : 25 ) و الاخذان هم الاصدقاء فهذه الاية تدل على تحريم اتخاذ المرأة لأى صديق رجل حتى لو كان مجرد بوى فريند و حتى لو كان طيب و ابن حلال و حتى لو كانت مجرد علاقة بريئة ومش معنى إنكم واثقين من نفسكم إن حبك له حلال لأن قوله تعالى ( ولا متخذى أخذان ) ( المائدة :5 ) يدل على تحريم إتخاذ الرجل لأى صديقة حتى لو كانت مجرد جيرل فريند و حتى ولو كانت محترمة و بنت ناس و حتى لو كانت مجرد علاقة شريفة ...
-ليلى : خلاص يا عم الشيخ مش هنتقابل بس هنتكلم فى التليفون أو على الشات
يوسف : مينفعش يا أختى و لازم تعرفى إن ربنا سامعك و إنتى بتكلميه ... نعم إن الدين الإسلامى يشجع على الحب و العواطف و لكن بين الزوج و زوجته ...
ليلى : إحنا علاقتنا دى اخرتها الجواز و إحنا متفقين يتقدم لى بعد مايتخرج و هو فاضل له سنتين بس على التخرج ..
يوسف : اتركيه حتى تنتهى السنتين و يتقدم لكى بس بدون هذه العلاقة ..
ليلى : إزاى أبعد عنه سنتين و أنا ما بقدرش أنام إلا لما أسمع صوته ..
يوسف : مهما كانت درجة حبك لهذا الشاب لازم تقدمى أمر ربنا عليه ..
ليلى : أرجوك قولى أى حاجة بس متقوليش إنى أسيبه .. أنا واثقة إنك مش حاسس إنى أنا بخبه و متعلقه بيه بشكل غير عادى ..
يوسف: و الله العظيم يا أختى أنا حاسس بيكى أوى .. بس ده امتحان من ربنا ليختبر مدى طاعتك له .. أنا عارف إن القرار صعب بس مهما كان لازم تصبرى عشان ده أمر ربنا و ربنا يعلم مصلحتك أكتر من نفسك ..







رومانسى بلا حدود و انقلاب بلا حدود

هذا شاب يكتب قصته للبنات فيقول : حياتى قبل ما ألتزم و أتوب كانت غريبة أوى .. و مع أنى كنت بعمل كل شئ على هوايا بس كنت بحس بالهموم من حين لآخر نتيجة تأنيب ضميرى لى على أعمالى لإنى كنت أصلى فرض و أسيب عشرين فرض !! و كنت عاشقا للأفلام الرمانسية محبا للأغانى خاصة أغانى عبد الحليم و أم كلثوم فقد كنت أحفظها بالورقة و القلم !! بل أحيانا تأخذنى نوبة من البكاء إذا سمعت أغنية مؤثرة و كل هذة الرومانسية علشان أنا كنت مرتبط ببنت جميلة و كنا بنحب بعض أوى أوى ..و ما كنتش أقدر يمر يوم من غير ما أشوفها لأنها كانت بتوحشنى بشكل غير عادى .. كنت بحس إن هيا حياتى و قلبى و روحى .. و كنا كل ما تمر فترة من غير ما أشوفها أحس بحالة من الحزن الشديد .. وما كنتش برتاح إلا وهيا معايا .. كنت بحس سعتها أنى طاير فى السما من الفرحة و كنت متأكد إن أنا أكتر إنسان رومانسى فى الدنيا .. وكنت ناوى أتزوجها بعد تخرجى من الجامعة .. و مع أنى كنت عارف إن علاقتى معاها حرام لأن الإسلام خرم علاقات الحب حتى لو كانت علاقات بريئة كما يوقال .. بس أنا كنت فاكر أنى مش هقدر أسيب البنت دى .. و مرت الايام و أنا مع هذه الفتاة نعيش أحلى أيام حياتنا من قصص الحب و الغرام و لكن .......

فى يوم قلت لنفسى : يا ترى هيحصل لك إيه لما تموت ؟ ستدخل الجنة أم النار ؟ مستحيل أدخل الجنة بل سأدخل النار عشان أنا مستمر فى معصيه ربنا .. و هيفيدك إيه كل اللى بتعمله ده لو انغمست فى عذاب جهنم ؟؟ .. ظللت أفكر فى النار و الجنة و الموت حتى عزمت على التوبة إلى الله و ترك حبيبتى هذه و الله العظيم كنت حاسس لما أخذت قرارى قلبى بيتقطع على فراق حبيبتى عشان أنا كنت بحبها بجد .. مش هقول لكم إن أنا سيبتها بسهولة كده لأن القرار كان صعب على قلبى أوى و كم بكيت من أجل ذلك كثيرا ...و برغم كل هذا فقد ضحيت بحبى لهذه الفتاة من أجل حب الله وطاعة أمره ..

-و لما ذكرت ذنوبى الكثيرة التى فعلتها لم استطيع أن أتمالك نفسى ووجدت الدموع تتفجر من عينى بغزارة حتى أننى ظللت أبكى لمدة ساعات متواصلة .. و أنا فى غاية الحزن على ذنوبى التى عملتها و هذا ما زادنى إصرارا على التوبة و بالفعل تركت هذه الفتاة .. و مرت الايام لكنها لم تتركنى فقد حاولت الاتصال بى لكننى رفضت و قطعت كل صلتى بها و تركت الاغانى و الافلام و التمثليات و تركت كل ما يغضب الله و بدأت أحفظ القرآن حتى حفظته كله فى أقل من سنة و تغيرت حياتى كلها من حال إلى حال لقد ندمت على كل لحظة عصيت فيها ربى ..
أننى أكتب قصتى لكم يا فتيات و دموعى تسيل بغزارة على خدى لا شوقا إلى حبيبتى هذه و لكن شوقا إلى الحبيب الاكبر الله .. مش هقدر أوصف لكم مقدار إحساسى بالسعادة بعد التوبة لأننى لم أتذوق شئ ألذ من عبادة الله .. لقد أدركت أن الله هو الوحيد الذى يستحق حبى الذى ليس لة حدود ..
أختى .. هذا الشاب ضحى بحبه لهذه الفتاة من أجل حبه لله وطاعته لأمره مع أنه كان بيحبها حب ملهوش حدود ..إنتى مين بتحبيه أكتر ؟ .. ربنا و لا فارس الاحلام ؟!! إنتى لسه بتقولى مش هقدر أسيبه ؟! ..إنتى بتحبى الشاب ده أكتر من ربنا ؟؟
ليلى : لأ و الله بحب ربنا أكتر بس أنا يستحيل أسيب الشاب ده دا هو بالنسبة لى روحى و لما بيغيب عنى بحس إن قلبى مش معايا .. مش هقدر أسيبه .. خلاص معتش أقدر أعيش من غيره .. دا هو كل حاجة حلوة فى حياتى ..
يوسف : ممكن تكون دى مشاعر ممتعة بس كل ده هتندمى عليه و إنتى واقفة أمام رب العالمين يوم القيامة ومش هينفعك الشاب ده ساعتها ..
ليلى : أصل مفيش حد بيجوز إلا لما يكون بيحب الإنسانة اللى هيتجوزها و هى كمان تكون بتحبه ..
يوسف : يا أختى أنا مش بقول لك متحبيش الإنسان اللى عايز يتزوجك .. ولكن من أراد أن يتزوجكى يتقدم لكى فى بيت أهلك بس مينفعش ينفرد بيكى و مينفعش يلمسك و مينفعش تقولوا كلام حب إلا بعد كتب الكتاب .. هو إنتى مش موافقة معايا إن ربنا لايمكن يأمر بشئ فيه ضرر ليكى لأن ربنا يعلم مصلحتك أكتر من نفسك .. صح ؟
ليلى : صح ..
يوسف : طيب ربنا حرم هذه الأفعال قبل الزواج فاعلمى علم أكيد أن ذلك فيه ضرر ليكى و لا يمكن ينتهى بالخير أبدا لا فى الدنيا ولا فى الآخرة كمان .









لسه فكرها لعبة ؟؟


ليلى : إحنا بنحب بعض من و إحنا صغيرين معقولة حبنا يضيع كده بسهولة ؟
يوسف : يضيع حبكم أحسن ما تضيعو إنتو الاتنين فى جهنم !!
ليلى : بس أنا لو سبته ممكن ينتحر من شدة حبه ليه .. و أنا خايفه عليه
يوسف : الشاب ده هيكرهك و يتبرأ منكى يوم القيامة لأن الله قال فى ذلك : ( إذ تبرأ الذين اتبٍعوا من الذين اتبَعوا ورأوا العذاب ) ( البقرة : 166 ) و الشاب ده هيتمنى تدخلى النار مكانه و سينقلب عدو ليكى يوم القيامة فقد قال الله : ( الأخلاء يومئذ بعضهم لبعض عدو إلا المتقين ) ( الزخرف : 67 ) .. إنتى لسه مصرة تحبى واحد هيكرهك يوم القيامة و إنتى كمان هتكرهيه ؟!
ليلى : خلاص أنا اقتنعت بكلامك و قررت أن أتوب إلى الله ..
يوسف : الحمد الله و ربنا يثبتك على طريق على طريق الهدى و يرزقك بالزوج الصالح ..
ليلى : أنا اقتنعت بكلامك بس أنا محتاره أعمل إيه مع الشاب ده ؟
يوسف : ابعدى عن كل مكان ممكن الشاب ده يكون موجود فيه حتى لا تتذكريه .
ليلى : دا هو معايا فى نفس الكلية و كمان معاه رقم تليفونى ..
يوسف : لو فى يوم شافك أو حاول يكلمك اتركيه و إمشى و مترديش عليه خالص .. و لو اتصل بيكى قولى له : لو سمحت متحاولش تكلمنى بعد كده عشان أنا أصبحت متدينة و عرفت أن علاقات الحب حرام فلو سمحت سبينى فى حالى .. و أغلقى الهاتف فى وجهه و غيرى رقم تليفونك . و إوعى تفتكرى إن علاقة الحب ستأتى لكى بعريس و لا تستعجلى فإن أمر الزواج كله بقدر الله فأكثرى من الدعاء و كونى على يقين أن الله سيرزقك بشاب صالح يتزوجك و تعيشى معه أجمل إحساس بدفء الحب الحقيقى . لكن الشيطان مش هيسيبك و هيحاول يفكرك بالشاب ده و يوسوسلك علشان ترجعيله .. أرجوكى يا أختى أثبتى على طاعة الله و إوعى أى حد يأثر عليكى ..
ليلى : لكن أنا عاوزه أسأل هل يجوز الحب فى فترة الخطوبة ؟؟..
يوسف : الحب بالقلب للخاطب ليس حرام و لكن الحرام هو تطوير ذلك إلى حب ظاهر مثل أن تقابليه خارج البيت أو تخرجو مع بعض لوحدكم أو تقولى له كلام الحب أو يلمسك قبل كتب الكتاب فإن هذا حرام لأن الخاطب الذى لم يكتب كتابه بالمرأة ليس من محارمها بمعنى أنه غريب عنها .
ليلى : إزاى هعرف أخلاق من يريد أن يتزوجنى ؟
يوسف : إن الشاب الذى يريد الزواج فعلا سيأخذ البيت من بابه و يتقدم لكى و إنتى معززة مكرمة فى بيت أهلك و يجوز إنك تتكلمى معاه و يتكلم معاكى عشان تعرفى أخلاقه و يعرف أخلاقك بشرط إن الحوار يكون مضبوط بالأدب فى الكلام .. و يكون فى وجود أهلك .. و آخر نصيحة عاوز أقولها لكى : قربى من ربنا لأنه الذى يستحق حبا ليس له حدود و هو الذى سيرزقك بزوج صالح .






* أختى القارئة

شكر ليكى إن إنتى تكرمتى و قرأتى الرسالة بس إنتى دلوقتى فى مفترق الطرق فكرى مائة مرة قبل ما تاخذى أى قرار بس متعمليش حاجة ممكن تندمى عليها لما تقفى أمام ربنا يوم القيامة ..

مبروك و ألف ألف مبروووووووووووووووك

تهنئة من أعماق قلبى إلى كل فتاة تابت إلى الله بعد قراءة هذه الرسالة و حافظت عى الصلاة وتركت مصاحبة الشباب
:(
كتاب: على فين يا بنات

جزاكى الله كل خير اختى ام عمار

موضوع مشوق وممتاز


وربنا يجعله فى ميزان حسناتك

جزاكى الله كل الخير

يارب كل بنت تقرا هذا الموضوع تستفيد منه

والله العظيم انا كل ماسال شاب انت ممكن تتجوز بنت انت مشيت معاها

كان رده بدون تفكيرلالالالالالا طبعا

هى مشيت معايه من غير ماتعرفنى يبقى ممكن تعملها مع غيرى

والله كلامك صح الصح يا هنوء
عمر ما فى شاب حيتجوز بنت مشى معاها
ربنا يهدى بنات المسلمين اجمعين
اميييييييييييييييييييييييين
تسلمولى على ردودكم الجميلة

تسلمي ام عمار موضوع اكتر من رائع يارب البنات تفوق
اللهم احفظ بنات المسلمين من كل سؤ

الموضوع حلو اوى الهام

تحفه جدا موضوع جامد جزاك الله خيرا

ايه المواضيع الجامدة اوى دى

:zsdsjdj: :zsdsjdj:

جميل جدا يا الهام