لو مخطوبه ادخلى علشان متتفضحيش

ازيكم يا بنوتات ويا ستات وحشتونى موت
موضوع اليوم مهم جدا ممنوع الطفاسه علشان خطيبك مش يديكى استماره 6
لكل بنت مخطوبة

لما خطيبها يعزمها

تجنبا للفضائح الي بتحصل

مـ،ـسـ،ـتـ،ـعـ،ـديـــ،ــن

اربطوا احزمة الامان

و

يــــــــلا بينــــــــا

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .

لو مخطوبه ادخلى علشان متتفضحيش 555003066

لو مخطوبه ادخلى علشان متتفضحيش 555003066

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق. وبعدين تاخدي لقمة.. لقمة.. ب......العافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه.

لو مخطوبه ادخلى علشان متتفضحيش 555003066

3- الشوووربة.. أبوس كعب رجلك. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر .. وطبعًاااااا عايزك تنسى تمامًا.. السلطانية اللي بتقيميها على بقك في البيت..وتدلدقي على روحك..

بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة...

لو مخطوبه ادخلى علشان متتفضحيش 555003066

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.

لو مخطوبه ادخلى علشان متتفضحيش 555003066

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

لو مخطوبه ادخلى علشان متتفضحيش 555003066

6- السمك.. مشكلة.. شوفي...
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

لو مخطوبه ادخلى علشان متتفضحيش 555003066

7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..

لو مخطوبه ادخلى علشان متتفضحيش 555003066

8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....

لو مخطوبه ادخلى علشان متتفضحيش 555003066

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.

لو مخطوبه ادخلى علشان متتفضحيش 555003066

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..

لفة الفول والطعمية اللي جايباها معاكي
لو مخطوبه ادخلى علشان متتفضحيش 555003066

دلوقتي انا خلصت النصائح العشرة للبنات

يا ريت بقا نلتزموا بيها

وبلاش الفضائح الي بشوفها في المطاعم دي

يا ختى العسل
وعلى نصائحها
لو مخطوبه ادخلى علشان متتفضحيش 1608

بجد ياغزاله دمك زى العسل انا هموت من الضحك لو مخطوبه ادخلى علشان متتفضحيش 1243076695

ههههههههههههه نصايح مفيدة طبعا

لكن مش للدرجة دى ياغزولة

يعملوا اتكيت بالخطوبة وبعد الزواج نفتح على الرابع وتكون المفاجأة ههههههههههههه

مشكووورة غاليتى لطرحك البديع

» طبق عدس علشان الشتا جى
» ادخلى خدى اسمك
» ▼ ماتقوليش عادي .. علشان دا مش عاااااااادي ▲
» ادخلى وقوليلى رايك
» ميني كيك ادخلى ياكيداهم