أكل صحى 100% (حصرى على كيداهم وبس)

السلام عليكم ورحمة الله وبركاته


طبعا يا بنات ده امنيه حياتنا اننا نبقى بأحسن صحه وافضل حال وده مش هيتحقق الا من خلال طعام صحي ومفيد


تعالو اقولكوا ازاي:

الطبخ الصحي




طبعا كلنا عارفين ان الدهوووووووووون هي العدو الاول للانسان

لذلك لازم نحاول نقللها بقدر الامكان
ونستغني عنها في بعض الاكلات اذا لزم الامر


ونقلل بقدر الامكان الزبده والسمن ونستخدم الزيت

طبعا هتقولولي دها هيا اللي بتدي الطعم
غيييييييير صحيح
البهارات والتوابل هي اساس الطعم
وبالتعود والممارسه هتحسي بمعنى الكلام ده
لما تلاقي طعامك بقى خفيف وجسمك بقى صحي
وبقيتي نشيطه
انا مش بقول نلغيها بس بقول نخففها بقدر المستطاع
انا بلاقي ناس طابخه زيت بالرز مش رز بالزيت
يعني تلاقي في قعر الحله ربع لتر زيت كده يعملولك
30 حله رز بعد كده
او تلاقي على وش الخضار في طبقه
بلوك كده بارتفاع 2 سم
ليه بقه لان في اول الطبخه بتحط معلقه سمنه
- في نص الطبخه بقه معلقه زبده -
في اخر الطبخه بقه معلقتين سمنه-
اييييييييه خير ان شاء الله هو فيلم هندي
هيا معلقه واحد كفايه في الاول وخلص الفيلم على كده
وامثله كتييييييييييره بقه بنشوفها من ده
ولا ايييييييييييه ارحموا نفسكوا وعيالكوا
من تصلب الشريان والكوليسترول والسمنه
معايا ولا ايييييييييييه ؟؟

طرق الطهي الصحي


• السلق : وهي الطريقة الأسهل والمعتاده , إلا انها تُفقد المأكولات الكثير من مكوّناتها الغذائية, خاصة اذا لم يتم استعمال ماء السلق , كما تعطي للخضر واللحوم مذاقاً هشاً


• الطهي على البخار : سريع وصحي يلائم السيدة العاملة , و يحافظ على نسبة عالية من المغذيات والقيم الغذائيه في الاطعمة مقارنة بالسلق , ويبقي مذاق الأطباق شهياً وصحيه اكتر .


• الشوي:انسب الطرق للابتعاد عن المقالي فهو لا يحتاج الا أن نضيف قليلاً من الزيت الى اللحوم , اوالمعجنات اوالخضر وندخلها الفرن ,وللحصول على أفضل النتائج نغلف صواني الفرن بورق ألمنيوم أو نستعمل الأكياس الخاصة بالفرن فتحفظ لنا نكهة اللحوم والدجاج دون آضافة الدهون .

بعض النصائح العملية



• ان الزيوت أفضل من الدهون الاخرى , كالسمنة والزبدة ,

لأن كثرتها غير مفيدة , بل هي مضرة بالصحة خاصة عند القلي . فالافضل ان نترك المقالي للمناسبات الخاصة

• استعمل الاواني غير اللاصقة , لنتيجة أفضل وطبق ناجح


• انزعي الجلد والدهون من الفراخ واللحوم قبل طبخها


• بعد سلق اللحوم أو الدجاج الخالي من الدهون , خلي المرقة تبرد تماما وشيلي طبقة الدهن المتكونه على سطحها بواسطة الملعقة . ويمكن بعد ذلك استعمال المرقة للشوربة أو للطبخ بكل ثقه وامان


• استعمل دائماً الحليب والأجبان القليلة الدسم لتحضير الأطباق والحلويات حتى مع الاطفال لانها تحتةي نسبه كالسيوم اكبر من الكامله الدسم (( المعلومه ده دكتوره اللي قالتلي عليها)).

• استخدني التوابل على أنواعها المختلفه ( بهارات ,كمون , قرفة , قرنفل , هيل ,لكاري ) والأعشاب العطرية ( الزعتر , النعناع , ريحان , روز ماري ، اوريجانو ) ولاتنسي الثوم والبصل فهم من افضل المطيبات.

• لمزيد من النكهة انقعي اللحوم والأسماك بعصير الليمون الحامض والبرتقال والخل لمدة ساعة على الأقل قبل طبخها ويا سلام لو حطيتي معلقه مسترده بتفرق جاامد جدا في الطعم .

اخيرا بقه لا ننسى اداب الطعام :

*نختار هيئه جلوس صحيحه ومريحه مناسبه للطعام

*نجتمع على الطعام حتى تحل به البركه

*نأكل الطعام وحرارته معتدله وليس حارا يحرق

*نسمي الله

*نأكل باليمين

*نأكل مما يلينا


*نأكل ثلث بطن ((يعني نقوم جعانين))


*نحمد ربنا بعد الانتهاء


*نغطي الطعام:


1--حتى لا يطوله الشيطان
2--حتى لا ينزل عليه الوباء
فكما قال عليه افضل الصلاه والسلام:
((ان في السنه ليله ينزل وباء لا يمر بانائ ليس عليه غطاء الا نزل فيه من هذا الوباء))
3--لتفادي وقوع الحشرات والقاذورات فيه


يارب الموضوع يعجبكم يا قمرات ومتنسوش تدعولى

كلام جميل طبعا بس للاسف محدش بيطبقه او بنكسل ههههههههههه