الحقو اللى حصل لمنار حبيبتكم امبارح كنت هروح فى شربه ميا !!!

ازيكم يا موزز
اهو النهاردة لوحدة عامله 3 مواضيع و لازم اسلم عليكم فى كل موضوع اعمله

ادعولى ربنا يعدلهالى و الامور تتحسن و الحال يتصلح
ادعولى من قلوبكم ربنا يصلح لى شأنى كله

و لكم المثل طبعا دة الملايكه هى اللى هترد عليكم مش بشر

رغايه اوى انا صح
معلش معلش
تعالو احكيلكم ع المغامرة بتاعتى



امبارح يا اختشى كدة و انا قاعدة زهقانه ملانه اشعر بالاحباط خطرت فى خاطرى فكرة قوم ايه جرى اتصلت بالبت صاحبتى و قولتلها تعالى ننزل نتسوق اهو نشوف هدوم ميك اب اى حاجه نغير جو و خلاص
لاقيتها ع غير المتوقع موافقه



روحت لبست جرى و نزلت ع الساعه 5 كدة و بسرعه ببص فى الساعه لاقيتها 6 و نص قولتلها لا يا اختشى كدة هنتاخر و الوقت هياخدنا يلا نروح ركبنا العربيه المحندقه اللى بتوصلنا دى و قعدنا سوى انا جمب الشباك و هى جمبى و ياريتنا ما ركبنا مخضووووضه مخضووووضه

قوم ايييه


ايييييييييييه


قولتولى اييييييييييه


قوم يجى واحد يركب جمبنا وواحد تانى عاوز يركب يقولو اقعد هنا مالكيش دعوه يقوله لا وسع انت و يزقه عشان يقعد هو جمبنا


استغربت الموقف بس قولت يمكن مش عاوز يقعد جمب الشباك مستغربه

قعدنا و العربيه طلعت و نلاقى دة قاعد وواخد راحته اوى و موسع رجله ع الاخر و صاحبتى يا عينى قاعدة ع نص رجلى و مكسوفه و ع اخرها و التانى ولا هو هنا قالت مبدهاش هقوله و بكل ادب و زوء لو سمحت ابعد رجلك شويه راح بصلنا و راح باصص الناحيه التانيه ايه دة يا حج بنكلمك يخرب بيت ام التناكه راحت عادت تانى بكل برائه يمكن مسمعش راح بصلنا و المرة دى الشر بينط من عينه و راح باصص الناحيه التانيه الغلبانه بلعت ريقها و راحت خدت نفسها و علت صوتها و قالت لو سمحت رجلك يقوم هو عامل ايه ؟؟


؟؟


؟؟

قولتولى ايه



يقوم هو بكل ادب و احترام يقعد يشتم فى كل اللى فى العربيه و فى كل الناس و فى صاحبتى شخصيا و يسب كمان بالدين و بعد رجله شويه نونو بس الناس هدد فينا و قالت لنا معلش اسكتو انتو دلوقتى لان الشخص دة شكله يوحى بالشر


و شويه و فردها تانى

و لاقينه فى حاجه بقى فى ايدة للاسف كانت خافيه عن ناظرنا عشان ايدة كانت جمبه و الساعه بقيت 7 و ايدة كانت مداريه جمبه
دققى يا بت يا منار كدة شوفى ايه اللى فى ايدة
ايه دة



يا خبر




شايفين البتاعه دى








ايوة المشرشرة دى




و طولها يجى 40 سم


قوم ايه الولد اللى كان قاعد جمبنا التالت دة لاقيناه بيقول ع جمب يا اسطى و جرى مشوفنهوش


و راح بقى المعلم ماسك البتاعه دى بطريقه توحى بالشر و باصصلنا راحت صاحبتى بكل شجاعه لاقيتها جت على رجلى او بمعنى اصح فى حضنى هههههههههههههههههههههه

و قالتلى شوفتى اللى فى ايدة قولتلها ايوة
قالتلى انا مش مطمنه
قولتلها ولا انا
و الحته اللى بننزل فيها حته مش كويسه دلوقتى هتلاقيها ضلمه و لو مات فيها حد محدش هيسمعه و السواق مش راضى يدخل لجوة شويه

نعمل ايه


نعمل ايه


مبدهاش ننزل فى اقرب مكان ممكن نمشى منه و يكون حيوى

كان السواق يا دوب مشى شويه بعد ما التانى نزل يعنى محدش هيمسكلنا الشخص دة و احنا نازلين قومنا اتشجعنا و قولنا ع جمب يا اسطى و روحنا جررررررررررى ع تحت نزلنا الحمدلله

نلاقى دة بيبصلنا من الشباك بالبتاعه اللى فى ايدة


و يقولنا انتو اصلا جبنا لو كان عندكم دم كنتو تنزلو الاخر

جبنا جبنا بس نعيش هههههههههههههههه

و انتهت الرحله و الحمدلله وصلنا بامان

ربنا ستر عليكم بجد ابقى خلى بالك والاشكال دى حاولى تتلاشيها يا قمر حمدالله على سلامتكم

الحمد لله يا حبيبتى ان ربنا ستر
جلو بالكم معتش امان
ربنا يسترها على كل بنات المسلمين

الحمد لله
يا نهار الوان جبنا
دا الجرى نص الجدعنه للرجاله
امال للستات الجدعنه كله
والجدعنه الاكبر تشتمى وانتى بتجرى

قطه شيرازى كتب:

ربنا ستر عليكم بجد ابقى خلى بالك والاشكال دى حاولى تتلاشيها يا قمر حمدالله على سلامتكم

الله يسلمك يا روح قلبى
وربنا يستر ع جميع بنات المسلمين
بس تعرفى العيب مش فى الاشكال دى العيب ان الكل بقى يقول يلا نفسى و محدش بيقف مع حد يعنى لو كنا اتخانقنا معاه كنا هنلاقى نفسنا لوحدنا .... كويس اننا جرينا ههههههه

ام مهندومريم كتب:

الحمد لله يا حبيبتى ان ربنا ستر
جلو بالكم معتش امان
ربنا يسترها على كل بنات المسلمين

فعلا و الله يا اختى معدش فى امان
و البلطجيه بقيت بتتصرف بقلب جامد عشان عارفه ان الكل بقى يخاف
و الحمد لله ان ربنا ستر بجد
منورة التوبك يا حبيبه قلبى

حياتى كلها لله كتب:

الحمد لله
يا نهار الوان جبنا
دا الجرى نص الجدعنه للرجاله
امال للستات الجدعنه كله
والجدعنه الاكبر تشتمى وانتى بتجرى

لولو حبيبى
اشتم و انا بجرى ايه كان نزل جرى ورانا هههههههههههههه
هو الجرى فعلا الجدعنه كلها
منورة يا موزتى

Hayat كتب:

يا الله حسيته فلم رعب
حمدا لله على سلامتكم
الله يستر على جميع المسلمين

يا قمر دة موقف عابر دة الرعب كان ايام اولى كليه لما محاضراتى كانت بتكون لحد 10 بليل فى الشتا و عقبال ما اروح تبقى 12 و الجامعه فاضيه ياااااه كانت ايام

و الله يسلمك يا قمرى
منورة التوبك

منار & ساحرة العيون كتب:

حياتى كلها لله كتب:

الحمد لله
يا نهار الوان جبنا
دا الجرى نص الجدعنه للرجاله
امال للستات الجدعنه كله
والجدعنه الاكبر تشتمى وانتى بتجرى

لولو حبيبى
اشتم و انا بجرى ايه كان نزل جرى ورانا هههههههههههههه
هو الجرى فعلا الجدعنه كلها
منورة يا موزتى

الحمد لله
متبقيش تنزلى متاخر كدا
الدنيا مش امان خالص فى مصر اليومين دول
مبروك يا عم الامع

 ربنا معاكي بس انتي مشكله