ماسك حنه للشعر بس اييييييييييييييييييييييه هتدعيلى والله

السلام عليكم يا احلى بنات فى احلى منتدى
بصوا يا بنات بما انى طبعا شعرى سايح ونايح احم احم شيفاكى ياللى بتتريقى ما علينا كدبه بيضا
المهم انا الصراحه عانيت معاناه اغلب البنات فى موضوع الشعر ده وصرفت كتيييييييير علاجات وكريمات وزيوت وادب المشوار لحراز عشان اخد خلطات بس النتيجه صفركبير زى صفر المونديال كده يا اوختشى
طبعا انا شعرى جاف جدا وهايش بس الغريبه ان الفتله بتاعته ناعمه وده كوافيره اللى قالتهولى لحد ما مره كنت عند عطار وبساله قالى هقولك خلطه قلتله يووووووه تانىقالى اسمعى بس دى م الاخر قلتله هات ما عندك
بصى يا قمر منك ليها والله انا جربت الخلطه دى ومش عارفه اقولكم جمال شعرى بقا ازاى ناعم وطرى وبيلمع لدرجه انى طول الليل والنهار عماله ابص لنفسى فى المرايه مش مصدقانى وجوزى قال الست دى انهبلت
الخلطه بقا يلا هاتى ورقه وقلم
هتجيبى 4 معالق حنه عاديه بس من عطار ثقه وممكن تزودى الحنه حسب طول شعركوهتزودى عليهم نص كوبايه زيت زيتون بكر وعليهم ربع ازازه زيت خروع وربع ازازه زيت لوز والصراحه هو قالى زيت خردل بس سالت عليه قالولى مش عارفه ال10 جم بمبلغ كده استغليته فمجبتوش
وهتحطى زيت جرجير وعلبه زبادى وبيضه وقلبلى الليله دى كلها لحد ما تبقا شبه عجينه الكيكه السايله دى ولو لقيتيها ناشفه حطى زيت لحد ما تلاقى قوامها زى ما احنا عاوزين
بببببببببببببببببس يا قمر غطيها وسيبيها تخمر وبعدين على شعرك على طول غرقى بيها شعرك وفروه راسك تمام واعملى كحكه وغطى ببونيه او كيس نايلون 4 ساعات واغسلى شعرك بس من غير شامبو
غسلتى شعرك خلاص يلا بقا حمام كريم حلو كده وبعدين اغسلى شعرك تانى واتفرجى على نفسك فى المرايه واول حاجه تعمليها لو شعرك عجبك تدعيلى وتدعى لابنى انه يكون من حفظه القران وياريت اللى جرب يقولى النتيجه سلامات يا كايدينهم

يارب نكون انا وانتى وابنى
وابنك من حفظه القران جزاكى الله خيرا الله يبارك لك فى ابنك

الحنه علاج ممتاز
اسالينا انا
والله نتيجتها تحفه
جزاكى الله خير