تجربتى لزراعه الجرجير بالصور

السلام عليكم

صباح الورد عليكو يابنات

يارب تكونوا بخير وبصحه جيده

انا النهارده هنقل ليكم تجربتى لزراعه الجرجيروبالصور

انا من محبى الزراعه جدااااااااااا وكتير زرعت عندى بالبيت

والمره دى زرعت الجرجير ...

الجرجير من اسهل الزراعات لانه لو اتزرع فى اصيص بيتزرع بالبذور مش بالشتلات

احنا هنجيب مالعطار بذور جرجير وليكن بــ2ج والكميه دى تكفيكى طول السنه

وهنجيب تربه من اى حديقه جنب بيتك او هتشترى بيت موس ( التربه الصناعيه)
ونخلطه بالرمل العادى ..

اولا دى شكل بذور الجرجير انا وصورتها عشان لما تشتروها تبقوا عارفين شكلها



[img][/img]

اولا احنا هنحط التربه فى الاصيص او اى علبه قديمه وطبعا تكون العلبه اولا الا صيص فيها فتحتات من الاسفل عشان تصريف المياه

بعد مانحط التربه فى الاصيص بنكون محتفظين بجزء منن التربه بحجم كف الايد ونتركهم على جنب بعد كدا نسقى التربه اللى فى الاصيص بالماء ونغمرها كويس جدا لحد مانتأكد ان المياه بتنزل من الفتحات اللى فى اسف الاصيص

بعد ما التربه تتشرب المياه بناخد من البذور مقادر ملقه صفير ونبدرها فوق سطح التربه

وبعدين ناخد الرمل او التربه اللى احتفظنا بيهم على جنب ونرشهم رش خفيف فوق البذور
( واسفه انى مصورتش وانا بزرعها)

وبعد كدا بنرش سطح التربه بالمياه بس لازم يكون ببخاخه مش رى مباشر عشان البذوؤر متتحركش من مكانها ونسقى كل يوم لحد مالبذور تنبت وبعد ماتنبت نسقى يوم اة ويوم لا

وفى الشتا من 2 ل3 مرات بالاسبوعو فى الصيف من 3 ل5 مرات تبع حراره الجو

وده الجرجير بتاعى بعد مابدأ ينبت

[img][/img]

ودى صور لما كبر شويه


[img][/img]

[img][/img]

[img][/img]

طبعا هو حاليا بقى اكبر من كدا

الموضوع من مجهودى وتجربتى الخاصه

سلالالالالالالالالالالالام

( ملحوووووووووووظه / يابنات انا كنت نقلت التجربه فى منتدى اخر عشان مفيش حد يقول انى بنسب مجهود غيرى لنفسى )

مفيش ولا رد ؟؟

انتـــــــو فين يابنات كيداهم

معقول ولا مشـــــــــاركه

ايه البدايه الغير مبشره دى

جميل ربنا يوفقك ويكون عندك جنينه تزرعى فيها اللى انتى عايزاه بس توزعى علينا :king:

انا رديت اهه يبقى لازم تبعتيلى نصيبى من الجرجير عشان اعمل سلطه حلوه

واااااااو روعه تسلم ايديكى ممكن اعملها
ان شاء الله بس قوليلى هحتاج شمس مباشره ولا ايه

عارفااااااااااااااااااااااكى قرات موضوعك هناك وعجبنى اوىىىىىىىىىىىىىىىىى تسلم ايدك بجد فنااااانه

الصور مش واضحة ياقمر