من المخطأ(افيدوووووووووووووووونى)

السلام عليكم

احببت ان اخذ رأيكم بمشكلة تعزبنى واتمنى اجد الراحة لديكم

لى صديقة اعرفها من 20 سنة كنا اعز اصدقاء والحمدلله لم نختلف يوما

هى تشبهنى بكل شىء اجتمعنا على الحلوة والمرة

انسانة طيبة وعلى خلق ولكن....

عمرنا 35 عام وانا متزوجة ولدى اطفال انما هى لم تتزوج بعد

اسرتها صعبة للغاية يضعوا شروط شديدة بالزواج لذلك هى لم تتزوج وايضا اختها التى تكبرها

هم ثلاث بنات الكبيرة متزوجة من رجل له افكار غير معتادة يتحكم بالاسرة باكملها

والدتها ضريرة وايضا لها فكر شديد فعنددها الصح صح والغلط غلط بمعنى لا تأخذها عاطفة الامومة لتشعر ببناتها وما يحتاجوة ووالدها رجل كبير ولكنه سىء باشياء عديدة مااحب ازكرها

صديقتى بعد ماتخرجنا من الجامعة اشتغلت باعطاء دروس بمنزلها لتساعد اسرتها وتشغل وقتها

وبعد زواجى كانت دائما على صلة بها لاشاركها وحدتها ولاتشعر بتخلى اصحابها عنها بعد انشغالهم بحياتهم

وبعد مدة صارحتنى صديقتى بانها تعرفت على شاب بالنت واحبتة بالفعل انصدمت لانها كانت دائما بلاتقلب كما كنا نصفها بايام المراهقة بين صديقاتنا فكانت حادة الاراء بخصوص العاطفة ولم اوافق على تعرفها بالنت وقلت انه خدعة للكثير ولكنها مع الوقت تعلقت بهذا الشاب بالرغم انه اصغر منها بكام سنة ومطلق وله ابن ظروفة غير مناسبة ولكنها وجدت معة ماتحتاجة من اهتمام لم تجدة باسرتها

انا لا ابرر الغلط فهى بالطبع مخطأة ولكنى اشعر بها كبنت مثلها ولكن كنت دائما احزرها ان لا تزيد العلاقة وتاخد طريق صح بان يتققدم لها وكانت تقول ظروفة المادية صعبة ولكن كانت تحثة على البحث عن عمل يناسب ان يتقدم لها وكنت اشفق عليها من ماتشعر به ولكن كنت انصحها ان تخاف ربنا بكلامها معة

وفى يوم عرف اهلها علاقتها وبالطبع بتفكيرهم اخدوا هاتفها والكمبيوتر ووجدت زوج اختها يطلبنى ليعرف هل كنت اعرف ولم انكر ولكن حاورتة ليقابل الشخص ويتعرف علية يمكن يكون انسان كويس لية لا فاتهمنى انى مودرن وانى مخطأة بان لم اخبرهم بعلاقتها وانى لست صديقة لو كنت احبها كنت اخاف عليها واخبرهم

كيف اخونها وابلغهم وانا اعلم انهم ممكن يحبسوها ويعزبوها وانها عمرها 35 سنة يعنى ناضجة مش مراهقة وانى نصحتها كتير وكنت اتابع معها حتى لا تخطأ بافعال محرمة

وكلامى كان بلاجدوى وقال لى لاتكلميها ولاتزوريها فانتى صديقة سيئة لكم ان تتوقعوا صدى كلامة بنفسى فلقد دبحنى ماذا اخطأت هل كنت لازم اخبرهم كما يقولوا وافشى سرها ام ماذا

وعندما طلبت اختها لاطمئن على صديقتى واحاورها لعلها تكون رحيمة بالعقاب مع اختها فوجئت باسلوبها الحاد وانى مااكلمهم ثانية لانى صديقة سيئة وان زوج اختها هو البطل وهو امرة سارى عليهم جميعا

مع العلم بانه اسلوبة يجعل الكثير يقول انه غير سوى ويتحكم بهم باسلوب صعب وبالرغم من عيوبة التى يراها من حولهم هم لم يشاهدوا هذة العيوب بل جعلوة ملاك وهو من يرفض اى احد يتقدم لهم وانه غير مناسب ولم يأخذ باعتبارة ان سنهم كبر وان ظروف الزواج سيئة هذة الايام وان يتنازل ولو قليل بطلباتة وانه من جنى عليهم لا من يحميهم

تعبااااااااانة ولااعرف ماذا افعل من استشرتهم قالوا لى انسيها لانها من وافقت ان يسيئوا لك بالكلام وتخلت عن صداقتكم وان بيئة الاسرة وتفكيرهم يختلف عنك فانا لست مودرن كما تهمونى ولاابيح الغلط فانا منتقبة ولم اخطأ يوما او اعرف اى رجل او حتى اكلمة غير زوجى ولكنى احسست بصديقتى وكنت انصحها وواجهها وبنظرى ان لو هناك اعجاب باحترام بين شخصين ونهايتة الزواج ليس غلط او شىء يستحق الاعدام

فاخبرونى هل انا مخطأة بتفكيرى ام من المخطأ؟؟؟

واسفة للاطالة ولكنى تعباااااااانة وحزينة على صديقة عمرى التى تتعذب بما يفعلوة بها اهلها وانهم حكموا على صداقتنا التى دامت سنين طويلة بالانتهاء

واشكركم

انا قراءة موضوع جيدا
ودلوقتى مش عارفة مين مجروح اكتر انتى ام صديقت عمرك
تعبانة لانك انسانة محترمة وواحد زى دة يقولك كلام دة لى
ياتري هما لو مكانك كان مطلوب منك اى
اما تجيلك صحبتك وتقولك كدة تجري تقولى لهم ولاتقولى لها لا انا مش هكلمك انتى مش كويسة
اعلمى حبيبتى ان الى عملتية كويس ومفهوش اى غلط انك فضلتى جمب صديقتك
وكنت بتنصحيها الله اعلم لو مكنتيش جمبها كان ممكن توصل لاى
وصدقينى ظلمهم ليك ربنا هيعوضة خير وموضوع صحبتك ادعى لها فى صلاتك
وربنا قادر يحل مشكلة ودايما نعرف ان مفيش حاجة بتصيب مسلم الا خير
لو خير ليها امور هتتيسر ولو شر هيبعدوا عن بعض وربا يهدى جوز اختها
اهم حاجة اوعى تحسي انك غلط هو انتى يعنى الى عرفتيها علية
يكفيك حبيبتى ان تقولى حسبى الله ونعم الوكيل

هل لى ان اقول راى؟؟ لا يا صديقتى انت لم تخطاى كلنا لو كنا مكانك لم نكن لنفشى سر الصديقة وزوج اختها لو كان مكانك لما كان يفشى سر صديقه ....ان كان له اصدقاء...لا تشعرى بوخزة ضمير وادعى لها ان يفك الله كربها هى تحتاج الدعاء بحق

حبيبتي ياحيرانة انتى مش غلطانة خالص انتى حاولتى تحافظي ع صديقتك وجزاكى الله كل خير لانك صونتي سرها وحاولتى تصونيها مابعدتيش عنها
ورأي ماما حكمت حكيم جدا ماتشغليش بالك خالص بيها

بصى يا حبيبتى انتى مش غلاطانة زى مهما قلولك واوعى تزعلى من صديقتك لانها مغلوبة على امرها وسيبى الموضوع ياخد وقتة وان شاء الله ربنا هيظهر الحق بس انا عندى وجة نظر معرفش هى صح ولا اية انتى بتقولى ان امها ضريرة اعتقد التعقيدات دية كلها لانهم مش عايزينها تتجوز خوفا من ان امها ميلقوش حد يرعاها يعنى انانية بحتة وجوز اختها خايف من كدة والله اعلم

ربنامعاكى ومع صحبتك انتى مش غلطانة انتى قدمتى النصيحة وخلاص هة عليها تتحمل نتيجة اخطائها وربنا يرجع صحبتكم تانى لبعض ويرزقها ويرزق جميع بنات المسلمين بالازواج الصالحة علشان ميقوش فريسة لشباب النت وربنا يصلح حال جميع المسلمين :D

انتى عملتى الصح ازى تخونى وطالعى سرها غريبه امال اصحاب واصدقاء ازى
د انا بحكى لصدقتى وجعتى ومش بقول لاختى لان صدقتى راح تفهمنى
اكتر وزى ما قال النبى صلى الله عليه وسلم رب اخ لم تلده لك امك
وانتى التمسى لصدقتك العذر وانها مغلوبه على امرها
وادعى لها ان ربنا يفك كربها ويوعدها بالزوج الصالح هى وكل بنات المسلمين

انت صح بكل المقاييس

وناس بالتفكير لازم حيكون ده رد فعلهم كده

صحبتك لا مراهقة ولاعاجزة عن التفكير ده واحدة ناضجة وعارفة هى بتعمل ايه وان كانت اتصرفت بالطريقة ده

فبسبب القهر اللى هى بتعانى فيه هى مش لاقية حنان عندهم فدورت عليه بره

سيبكم منهم المهم صديقتك مش حيكون الدنيا كلها ضدها

استنى لحد ماهى تتصل بيكى واوعى تخديها بذنبهم

بس اوعى تحاولى تكلمى حد منهم تانى واضح ان زوج الاخت تاثيره قوى

وصديقتك لما تلاقى وقت مناسب اكيد حتكلمك

[center]والله البنات ووفوا

بس حبيت اقولك ان كان المفروض يلوموها هى مش انتى

انتى مش مسؤله عن تصرفاتها ولا هى صغيره

ولا انتى اللى خلتيها تعمل كده عشان يقول انك مش كويسه

ازاى اصلا يسمح ويدى لنفسه الحق انه يكلمك او يلوم عليكى

بجد ده مكسب ليكى انك بعدتى عنها وعنهم

ع فكره انا مريت بتجربه مماثله ولو حبيتى تكلمينى وتعرفى والله هاقولك عشان تتعلمى

انك ماتندميش على حد وهو اصلا مش يستاهل

بالعكس انتى وقفتى جنبها وكنتى ليها مخلصه وبتنصحيها عشان ماتغلطش فى ظل الظروف والضغوط اللى هى عيشاها

والله ربنا يجازيكى خير على اللى عملتيه[/center]

انا مع بابا قصدى ماما حكمت

:تنتامعهعه67ه7: